Heowa ihumin che mʼayhay ihiche tʼat lewʼetes (1 Corintios 14:33). Hop toj tamenej toj tʼuhawetej che laka wichi kalelhajcha. ¿Chi malhyej (Ep hote) toj kalelhajcha congregación cristiana? ¿Chi malhyej (Ep hote) toj namel iwoyek nachʼote hopkhilak is tʼat?

1. ¿Atsi elh toj lhetekej congregación cristiana?

«Cristo tä Dios leles lhetek» (Efesios 5:23). Jesús ipuleye toj tachʼote tʼat Heowa laka wichi toj iʼpe honhatna hopkhilak iwoye lechumet. Tatshupiye «nʼokawo tä afwtintsaj wet tä lehusek ihi»: hopehen iyhaj hinʼul toj tʼuyehen lepunfwas toj nʼotafwelej toj hope Hinʼul toj lhaitumtej nilhokej congregaciones (Cuerpo Gobernante) (yahyen Mateo 24:45-47). Malhyej iwoye pʼante apóstoles wet ancianos toj ihi Jerusalén toj ihi siglo toj ichun, Hinʼul toj lhaitumtej nilhokej congregaciones inuhyenkwe congregaciones toj ihi honhatna lenʼayij (Apóstoles Lhenhay 15:2). Mat hinʼulna hopkhitʼa iyhaj toj lhetekej lhaka organización. Tʼukwe Heowa lechʼotyaj toj ihi Lhomet, wet ichufwi Jesús lenʼohyaj.

2. ¿Atsi lechumet toj hiwʼen ancianos?

Hop ancianos, hopehen cristianos toj takhajay letʼekhahyaj, hopehen nʼochufwenyajwos toj ichumyenlhi nʼolesaynhay wet lhamel tachʼote wet ikhajyen hop lepunfwas. Lhamel tʼalhitʼaʼpe lechumet. Mat, ihanlhi nʼofwonyajna toj yok: «Is tä wuj tä aletʼamkatayej mälhyej tä Dios ihuminche. Isitʼak wʼet alenityenej tʼat tä lewoye, wok lewoye häp tä lewatläk lekalhi chinaj tʼäj» (1 Pedro 5:1, 2). Hop hinʼulna lechʼotfwas ihi toj nʼoyen lheya ancianos lechʼotfwas (siervos ministeriales), hop lhamel toj paj iwoyek hopehen ancianos.

Hop Hinʼul toj lhaitumtej nilhokej congregaciones tatshupiye ancianos iyhaj hopkhilak hopehen Hinʼul toj tʼisiyake congregaciones (superintendentes de circuito). Ipunfwasna tʼisiyakayepej congregaciones, tachʼote wet ikhajyen ipunfwas. Hate, yen hopeya ancianos wet ancianos lechʼotfwas, che lhamel ihanlhi tʼat mʼak toj ihi Biblia (1 Timoteo 3:1-10, 12; Tito 1:5-9).

3. ¿Atsi mʼak toj is che iwoye wichi toj yen lhometa Heowa?

Nilhokej toj ihi congregación iwujyen Heowa lhey toj ihoye reuniones, yenlhi discursos, presentaciones, yome mʼak toj iwaklhat wet ichoywetha. Hate, lhamel iwo lhometa wet iwoye mʼak toj ikalhi toj iwoye (yahyen Salmo 148:12, 13).

 NATʼAYHETTSHI TOJ NALECHUFWENEJ

4. Jesús hope líder toj ifwel nʼotamsek

Jesús tʼan nahilahen. Yahyen Mateo 11:28-30 wet ame mʼayhayna:

• ¿Atsi líder toj hope pʼante Jesús? Wet, ¿chi malhyej (ep hote) toj tʼuhlak nalat lhamehen?

5. Mʼak toj ancianos iwoye, ichufwenej iyhaj

1. Ancianos lhaikhajyenej toj ise Heowa wet hate tachʼote lewʼet lheley hopkhilak iwoye tʼat toja.

2. Ancianos yen lelhakliya nilhokej iyhaj toj ihi congregación.

3.   Ancianos iwopej lhometa.

4. Ancianos hopehen nʼochufwenyajwos. Tachʼotepej toj ilejchufwi wichi toj yen lhometa Heowa lewʼet wet nʼochumet iyhaj.

6. Nachʼote hop ancianos

Biblia ifwel namhohen mʼak toj tamenej toj laha ihi toj is che nachʼote ancianos. Yahyen Hebreos 13:17 wet ame mʼayhayna:

• ¿Atsi mʼak toj tamenej toj Biblia yome toj is che natchʼahuye wet nawoye mʼak toj tʼalh namehen, iyhaj toj inuhyen namkwehen lhanʼayij? ¿Ha lefwetaj toj is alhoho tajtso? ¿Atsi mʼak toj tamenej?

Yahyen Lucas 16:10 wet ame mʼayhayna:

• ¿Atsi mʼak toj tamenej toj is che nachʼote ancianos tej toj nafwetaj toj laha ihihitʼa mʼak toj tʼalh namehen?

 MʼAYHAY TOJ LETETSHANNE

Jesús hope elh toj lhetekej congregación. Ancianos ichufwi lewujyaj, wet namel wuj toj nahuminchek nawoye mʼak toj lhamel tʼalh namehen hop toj tʼu namehen wet mʼak toj lhamel iwoye ichufwen namejen.

Mʼayhay toj nalechufwenejne

• ¿Atsi elh toj lhetekej congregación?

• ¿Chi malhyej (Ep hote) toj ancianos tachʼote congregación?

• ¿Atsi lechumet toj hiwʼen tefwajpejni Heowa lakawo?