NʼOCHUFWENYAJ 22
¿Chi malhyej (Ep hote) toj am iwoyek lhome nʼosilotyajay toj isis?
Toj letafwelej mʼak toj matche toj talho Biblia, nʼalej toj lhen atichunhayaja: «¡Is che nilhokej wichi ihanej toja!». Wet matche tʼat, nilhokej wichi is che ihanej toja. Mat iwoyek lenowaye toj lefwenho aiyhaj mʼak toj alechufwenej. Natetshan mʼak toj iwoyek tachʼot ame toj lenowayhitʼa wet lewo tesa toj lehuminchek lefwenho aiyhaj nʼosilotyaj toj isis toj ihi Biblia.
1. ¿Chi malhyej (Ep hote) toj iwoyek lefwenho aiyhaj mʼak toj alechufwenej?
Jesús lechufwenkay yopʼantekwe: «Olhamel ohanhiyejtʼa owoyneje che oleyej tä oyen lhämeta häp mʼak tä owʼen naji lhäyʼe tä oläte» (Apóstoles Lhenhay 4:20). Wuj pʼante toj lhamel ihumin mʼak toj matche toj ihuminchek ifwenho iyhaj mʼak toj ihanej. ¿Ha malhyejtso mʼak toj iʼamej? Toj malhyejtso ukwe lewhay hopkhilak letahuyej hawʼet lheley wet akalayʼis toj lefwenho mʼak toj lehanej (yahyen Colosenses 4:6).
Mʼayhay iyhaj toj iwoyek tachʼot ame
-
Toj letahuyej hawʼet lhele elh, iwoyek lefwenho mʼak toj lehanej toj ihi Biblia, malhyej toja «Semanana ohanej mʼak toj wuj toj ohumin».
-
Lewhay che akalayʼi letʼinhayaj ihi wok lelhakli ihi payne texto toj ihi Biblia toj iwoyek tachʼote.
-
Che iche iyhaj toj ihi achumet, tayʼatshan ame atsi mʼak toj lewoyene semanajtso, fwenho mʼak toj alechufwenej toj talho Biblia wok mʼak toj lehanej toj ihi reunión.
-
Tafwnhatej akalayʼis hop sitio toj ihi internet jw.org.
-
Tʼane aiyhaj lewhay toj alechufwenej Biblia wok payne chi malhyej (ep hote) toj iwoyek tʼalhchʼoye toj nʼochufwenej Biblia toj ihi jw.org.
2. ¿Atsi mʼak toj tamenej toj laha ihi toj alekhajyenej toj lewo ameta toj ayʼe congregación?
Jesús lechufwenkay tsʼilakhitʼa toj ifwenho nʼosilotyaj toj isis hop lewʼet lheley. Jesús «ichen lhamel täkwfwaspej yämthilek ichunchʼoye lham wet ihoyehen nilhokej hupuy» hopkhilak iwo lhometa (Lucas 10:1). Mʼak toj lham iwoye pʼante, toj ichenpej dos lechufwenkay, isej hopkhilak wujpe wichi tachʼahuye nʼosilotyajay toj isis. Hate, Jesús lechufwenkay wuj pʼante toj lekajyajay ihiche toj iwo lhometa (Lucas 10:17). Wet, ¿ha lehuminchek lhen atichunhayaja toj alekhajyenej toj lewo ameta toj ayʼe congregación?
NATʼAYHETTSHI TOJ NALECHUFWENEJ
Natetshan atsi mʼak toj iwoyek tachʼot ame hopkhilak letiye kanhi anowayhyaj, wet lelat ame toj akajyaj ihi toj lhome nʼosilotyajay toj isis.
3. Heowa ihla awhaye
Iche wichi iyhaj toj ihuminche toj iwo tesa toj iwo lhometa wet itichunejlhi chi malhyej (ep hote) toj wichi tachumlahla mʼak toj lham ifwenho wok chi malhyej (ep hote) letichunhayaj toj itiyej hop lhamel.
-
Wet am, toj lhen atichunhayaja toj is che lefwenho aiyhaj mʼak toj alechufwenej, ¿ha lenowaye wok kha? ¿Atsi mʼak toj tamenej?
Yahin VIDEO wet ame mʼayhayna:
-
¿Chi malhyej (Ep hote) toj itiyej kanhi lenowayhyaj mamses wet lhutshay toj ihi video?
Yahyen Isaías 41:10 wet ame mʼayhayna:
-
¿Atsi mʼak toj tamenej toj is che lewo alhyaja che lenowaye toj lewo ameta?
Tetshan lhipna
Wujpe iyhaj toj ifwalasna hopehen wichi toj yen lhometa Heowa yen tichunhayaja toj ihichetʼala ifwala che ikalhi toj iwo lhometa. Malhyej toja, hinʼu toj lhey Sergey ilat lhame pʼante toj wʼet mʼayekfwaj tʼat wet wuj pʼante toj atha toj tahuyej wichi iyhaj. Mat ichehte ifwala toj iwo tesa toj lhaichufwenej Biblia. Lham yome toja: «Tej toj onowayhyaj ihi, olhainityenej hopkhilak otahuyej iyhaj wet ofwenho mʼak toj ohanej. Oseltej tʼat toj tajtso ikhajyen otichunhayaj wet imalhehi ohusek nʼochufwenyajaytso toj talho Biblia».
4. Is che ahope elh toj lehusek ihi
Toj kamaj lewohitʼa ameta tsʼilakhitʼa che lhen atichunhayaja atsi mʼak toj lefwenhohla, hate chi malhyej (ep hote) toj lefwenhohla. Yahyen 2 Timoteo 2:24 wet 1 Pedro 3:15 wet ame mʼayhayna:
-
¿Chi malhyej (Ep hote) toj iwoyek lechumyenlhi mʼak toj versiculosna yome lewhay che letahuyej wichi toj lefwenho mʼak toj talho Biblia?
-
Nʼalej toj iche hawʼet lheley iyhaj wok akalayʼis toj ihuminhitʼa mʼak toj am lewoye. ¿Atsi mʼak toj iwoyek lewoye? Wet, ¿atsi mʼak toj isitʼak lewoye?
-
¿Atsi mʼak toj tamenej toj is che lenʼalit toj hapʼalhtsenyaj ihi mat isitʼak lenityenej toj tʼekhaye mʼak toj am letʼekhaye?
5. Toj name nʼosilotyaj toj isis hiwʼen namhohen lhakajyaj
Heowa hinʼayej pʼante Jesús lechumet toj iwo silota nʼosilotyajay toj isis. ¿Chi malhyej (Ep hote) pʼante toj Jesús hiwʼen nʼochumettso? Yahyen Juan 4:34 wet ame mʼayhayna:
-
Toj natuj lhalhak toj ikhajyen lhatʼisanis, iwoyek nalayhen wet iwoyek lhakajyaj ihi. ¿Atsi mʼak toj tamenej toj Jesús yome pʼante che nʼowoye Dios lenechʼethayaj, toj hope tʼat toj nʼowo silota nʼosilotyajay, hate iwoye toj natuj nʼolhak?
-
¿Chi malhyej (Ep hote) atichunhayaj? ¿Atsi nʼokajyajay toj iwoyek hiwʼen namhohen che lhome nʼosilotyajay toj isis?
Mʼayhay iyhaj toj iwoyek tachʼot ame
-
Toj ihi reuniones toj ihi semana toj olhamel olhaihutwekhen tetshan nʼayhay iyhaj toj iwoyek lewo tesa toj lhomhoplhi wichi.
-
Fwenho achufwenyajwo mʼak toj letʼuhlak lewoye hopkhilak nʼolesayen ey toj iwoyek lechaye hop ifwalatso toj iche reunión. Temas at che hope che nʼowʼen amho tachʼotla ame hopkhilak awakʼalh wet lefwenho wichi mʼak toj lehanej.
-
Toj ihi lhipna «Iyhaj wichi yome toja» wet «Mʼak toj iyhaj yʼatshane» tachʼotla ame hopkhilak alechufwenej chi malhyej (ep hote) toj iwoyek lechulho nʼoyʼatshanhay wet mʼak toj wichi ifwel amho.
MʼAK TOJ IYHAJ YʼATSHANE: «¿Atsi mʼak toj lewoyene?».
-
¿Chi malhyej (Ep hote) toj iwoyek lham is toj lechumyenlhi toja hopkhilak lefwel mʼak toj lehanej toj alechufwenej Biblia?
MʼAYHAY TOJ LETETSHANNE
Toj name nʼosilotyajay toj isis hiwʼen namhohen lhakajyaj wet iwoyek athahihotʼa namel lewhay che name.
Mʼayhay toj nalechufwenejne
-
¿Atsi mʼak toj iwoyek inityen amej toj lhome nʼosilotyajay toj isis?
-
¿Chi malhyej (Ep hote) toj iwoyek letʼamajej amtes lewhay toj lhome?
-
¿Chi malhyej (Ep hote) toj iwoyek lekalhi anowayhyajay?
IWOYEK LEWʼEN IYHAJ MʼAYHAY:
Yahin cuatro mʼayhay toj nʼochumyenlhi toj nʼowo lhometa toj nʼowʼenho wichi tarjetafwaj jw.org.
Mʼayhay toj iwoyek lhome toj lechumyenlhi tarjetafwaj jw.org (1:43)
Tafwelej cuatro nʼokeyis toj isis toj iwoyek tachʼot ame toj lhome nʼosilotyajay toj isis.
«¿Ha am lekalhihila che letʼukwe wichi?» (La Atalaya, septiembre toj 2020)
Tafwelej mʼak toj Biblia yome toj iwoyek tachʼot namehen hopkhilak lhatʼotle tʼunhen lewhay toj nawo lhometa tej toj nahopehen mamses wok lhutshay.
Yahyen chi malhyej (ep hote) toj iwoyek lhome mʼak toj ihi Biblia toj lefwenho aiyhaj toj kamaj itafwnhiyejtʼa Heowa.
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
