Lewhay che iche nʼowitʼay, wujpe wichi tayʼatshan lhamehen «¿Atsi mʼak toj tamenej?». Wuj toj ikhajyen namel toj nahanej toj Biblia hiwʼen lechulhyaj hop nʼoyʼatshanekna.

1. ¿Atsi mʼak toj iwoye pʼante Satanás hopkhilak iwo tesa mʼak toj niʼisa toj ihi Honhat?

Ahottaj, wok Satanás, tatayhla pʼante Dios. Toj lham tʼuhlak iyhaj iwujyen, ifwechʼenlhi pʼante wichi toj ichun, Adán wet Eva, hopkhilak lhamel hate tatayhla Dios. Wet ikalhi pʼante tajtso lewhay toj ifwenho Eva mʼak toj kamatache (Génesis 3:1-5). Lham ikalhi pʼante toj Eva imatitche toj Heowa nʼayejo mʼak toj is wet toj tajtso tʼuhawethiyejtʼa. Mʼak toj lham tʼuhlak yome hope toj wichi lhayʼehila lhip toj lekajyajay ihiche che tachʼahuhiyetʼa Dios. Lewhay toj Satanás ifwenho pʼante Eva toj yʼinhitʼala, ifwenho tʼat mʼak toj ichun toj kamatache. Hop toj tamenej toj Biblia yome toj lham hope «elh tä wʼet yämlhi tʼat, wet häpe mʼak tä kamatache lajcha» (Juan 8:44).

2. ¿Atsi mʼak toj Adán wet Eva tatshupiye pʼante?

Heowa hiwʼenho pʼante wujpe mʼayhay Adán wet Eva. Ifwenho pʼante toj iwoyek tuj halʼoy lhay at che hope toj ihi yachuyajwʼet Edén mat iche tefwajni toj isitʼak lhamel tuj (Génesis 2:15-17). Mat lhamel tatshupiye pʼante toj tuj halʼo lha toj nʼonʼayejo. Eva «ilanhi elh lhay wet tufw». Wet toj paj Adán «häte lham tufw» (Génesis 3:6). Toj malhyejtso lhamel tachʼahuhiyetʼa pʼante Dios. Toj Adán wet Eva hopehen pʼante iyhaj toj lechʼisukyaj ihihitʼa, lhamel ihanhiyejtʼak iwoye mʼak toj niʼisa, tajlhamet mʼak toj is. Mat toj lhamel hanlak tachʼahuhiyetʼa Dios, iwo pʼante chʼisukyaja wet takawayhla toj Dios niyatej lhamel. Mʼak toj lhamel tatshupiye wuj pʼante toj itiyej letelaythayajay (Génesis 3:16-19).

3. ¿Chi malhyej (Ep hote) toj yʼaje namel mʼak toj Adán wet Eva tatshupiye pʼante?

Lewhay toj Adán wet Eva iwo pʼante lechʼisukyaja, lhamel lhayen hopeya iyhaj toj lechʼisukyaj ihi, wet mʼak toj ikalhi pʼante hope toj lechʼisukyaj yʼaje nilhokej leles toj lepes lheley. Toj yome Adán, Biblia yok: «Iche hinʼo tefwajni tamenej pʼante tä nʼochʼisukyaj ihi honhat, wet nʼochʼisukyajna iton alhoho nʼotʼilek, wet nʼotʼilek yʼaje nilhokej wichi tsi nilhokej iwo lechʼisukyaja» (Romanos 5:12).

Toj malhyejtso, ¿atsi mʼak toj tamenej toj lhawitʼayhajay ihi? Ichepej toj namel tʼat toj natshupiye mʼak toj niʼisa alhoho. Wet ichepej toj mʼak toj wichi tatshupiye yʼaj namejen. Mat, ichepej lewhay toj lhawitʼayhyaj ihi hop toj nehi tʼat lhip wok lewhay toj tʼuhawethiyejtʼa (yahyen Eclesiastés 9:11).

 NATʼAYHETTSHI TOJ NALECHUFWENEJ

4. Elh toj tamenej toj nehi lhatelaythayajay

Wujpe wichi imatitche toj Dios tʼat toj niyatej honhatna. Mat, ¿ha matche tajtso? Yahin VIDEO.

Yahyen Santiago 1:13 wet 1 Juan 5:19 wet ame mʼayhayna:

• ¿Ha hope tʼat Dios toj tamenej toj nehi lhatelaythayaj wet mʼak toj niʼisa?

5. Mʼak toj Satanás ikalhi toj niyatej Honhat

1. Adán wet Eva lechʼisukyaj ihihitʼa pʼante wet ihi tʼat lhip toj wʼatshan wet isilataj, mat lhamel tachʼahuye Satanás wet tatayhla Heowa.

2.   Toj tafwaytshi tajtso yʼajʼpe nilhokej Honhat nʼochʼisukyaj, nʼotelaythayaj wet nʼotʼilek.

3. Heowa itaythila nʼochʼisukyaj, nʼotelaythayaj wet nʼotʼilek. Wichi yachajohla toj lechʼisukyaj ihihitʼa wet lepes ihihitʼa toj ilayhiche toj ihi Honhat toj wʼatshan wet isilataj.

6. Heowa wuj toj aytaj letichunhayaj toj hiwʼen namel toj lhatelaythayaj ihi

¿Ha Dios itetshanhitʼa lhatelaythayaj? Tetshan mʼak toj niyat David wet apóstol Pedro yome pʼante. Yahyen Salmo 31:7 wet 1 Pedro 5:7 wet ame mʼayhayna:

• ¿Chi malhyej (Ep hote) toj lelat ame toj lehanej toj Heowa itetshan lhawitʼayhyajay wet toj wuj toj aytaj letichunhayaj toj hiwʼen toj lhatelaythayaj ihi?

 MʼAYHAY TOJ LETETSHANNE

Satanás wet wichi toj ichun, lhamel tamenej toj mʼak toj niʼisa ihi honhatna. Heowa wuj toj aytaj letichunhayaj toj hiwʼen namel toj lhatelaythayaj ihi wet tatay lhimpaj Lham itayhtila nʼowitʼayhyajay.

Mʼayhay toj nalechufwenejne

• ¿Atsi mʼak toj kamatache toj Satanás ifwenho hop Eva?

• ¿Chi malhyej (Ep hote) toj yʼaj namehen mʼak toj Adán wet Eva iwoye pʼante?

• ¿Chi malhyej (Ep hote) toj nahanej toj Heowa wuj toj aytaj letichunhayaj lewhay toj hiwʼen toj lhatelaythayaj ihi?