Hop wichi toj ichun, Adán wet Eva, tachʼahuhiyetʼa pʼante Dios. Hop toj tamenej toj namel nawo chʼisukyaja, lhatelaythayaj ihi wet nayʼinhen. a Mat Heowa iwoye tʼat mʼak, hopkhilak ifwayhat namejen nʼochʼisukyaj wet nʼotʼilek, isej hop Lhos Jesucristo. Biblia yome toj, Jesús tʼilek, tiskan natapehen. Malhyej at che nʼotiskanpe nʼoelh hopkhilak nʼofwayhat. Wet Jesús iwom lewʼatshancheyaj toj newache mʼak toj niʼisa toj iyej hopkhilak tiskan natapehen (yahyen Mateo 20:28). Toj Jesús hope pʼante elh toj lechʼisukyaj ihihitʼa wet tachʼahuyepej Heowa iwoye pʼante che lepes ihihitʼa toj ilay toj ihi Honhat, mat tatshupiye toj iwom natapehen lewʼatshancheyaj hopkhilak yachajo toj nawʼen mʼak toj Adán wet Eva itayhat pʼante wet inʼalit namejen toj lham wet Heowa wuj toj naihumnhen. Toj ihi nʼochufwenyajna tachʼotla namehen toj nanʼaltej lhaka gracias Jesús mʼak toj iwoyej pʼante natapehen.

1. ¿Chi malhyej (Ep hote) toj Jesús tʼilek tachʼot namehen athana?

Toj nahopehen wichi toj lechʼisukyaj ihiche nawoye wujpe mʼayhay toj Heowa ihuminhitʼa. Mat iwoyek nahopehen Heowa lakalayʼis toj lhamya che naleche toj nawoye nʼochʼisukyajay wet natʼalhe Heowa, che itayhat lhates isej Jesús. Wet hate che nalhaikajyenej toj naleche toj nawoye mʼayhaytso toj niʼisahen (1 Juan 2:1). Biblia yok: «Cristo leteläythayaj ihiʼpe wichi lesukyajay, weihalhache wet tajlhame. Lham häpe tʼat Elh tä is, mat yʼilpe wichi tä niʼisahen yämthilek ichäj amehen häp Dios» (1 Pedro 3:18).

2. Lewhay toj tatay alhoho, ¿chi malhyej (ep hote) toj tachʼotla namehen Jesús tʼilek?

Heowa ichen pʼante Lhos hopkhilak iwom lewʼatshancheyaj toj newache mʼak toj niʼisa che iyej «häpkhilek elh at chik häpe chik tʼekhaye, tatäyhitʼala, mat ikatej lewʼatshancheyaj tä tʼun» (Juan 3:16). Isej mʼak toj Jesús iwoye pʼante, tatay lhimpaj Heowa itayhtila mʼayhay toj niʼisa toj iwitʼayen wichi hop toj Adán tachʼahuhiyetʼa. Toja hope toj, che nanʼalit toj natʼekhaye mʼak toj Jesús iwoye pʼante, iwohiyelak lepes ihihitʼa che nalayhiche che Honhat wʼatshan wet isilataj (Isaías 65:21-23).

 NATʼAYHETTSHI TOJ NALECHUFWENEJ

3. Jesús tʼilek ifwayhat namehen nʼochʼisukyaj wet nʼotʼilek

1. Adán hope pʼante hinʼu toj lechʼisukyaj ihihitʼa, wet lewhay toj tachʼahuhiyetʼa Dios, ichaje wichi nʼochʼisukyaj wet nʼotʼilek.

2. Jesús hope pʼante hinʼu toj lechʼisukyaj ihihitʼa, wet toj tachʼahuye Dios, ifwoyenche nʼayij hopkhilak wichi hate iwoyek lechʼisukyaj ihihitʼa wet lepes ihihitʼa toj ilayhiche.

4. Nilhokej wichi iwoyek isej Jesús tʼilek

 5. Toj Jesús lhayen lahayape wichi hope nʼowʼayhat toj Heowa hiwʼen pʼante amho

Heowa lakalayʼis ihanej toj hope nʼowʼayhat toj matche toj laha ihi toj Jesús lhayen lahayape wichi. Malhyej toja, yahyen Gálatas 2:20 wet ame mʼayhayna:

• ¿Chi malhyej (Ep hote) toj apóstol Pablo lhomtes inʼalit toj Jesús tʼilek hope tʼat lewʼayhat toj Heowa hiwʼenho?

Lewhay toj Adán iwo pʼante chʼisukyaja, lham wet leles yʼinhen tʼat. Mat Heowa ichen pʼante Honhat hop Lhos hopkhilak yʼil wet toj malhyejtso am iwohiyela lepes ihihitʼa toj lelayhi.

Toj leyahyen versículos, tichunejlhi chi malhyej (ep hote) pʼante toj Heowa ilat lhame toj hiwʼen toj Lhos wuj toj letelaythayaj ihi. Yahyen Juan 19:1-7 wet 16-18 wet ame mʼayhayna:

• ¿Chi malhyej (Ep hote) toj lelat ame toj letichunejlhi toj Heowa wet Jesús iwoyej ame mʼak?

 MʼAYHAY TOJ LETETSHANNE

Isej toj Jesús yʼilpe wichi, Heowa itayhat lhachʼisukyajay wet toj malhyejtso iwoyek lepes ihihitʼa toj nalayhiche.

Mʼayhay toj nalechufwenejne

• ¿Atsi mʼak toj tamenej toj Jesús yʼil pʼante?

• ¿Chi malhyej (Ep hote) toj Jesús lewʼatshancheyaj toj newache mʼak toj niʼisa che iyej hope «tä lhaiwom pʼante wet lhayen lahaya nilhokej wichi»?

• ¿Chi malhyej (Ep hote) toj aisej Jesús tʼilek?