Hop Dios Niyatyaj pajche iwo leniyatyaja toj ihi pele. Tatay lhimpaj niyathiyeja Honhat. Natetshan mʼayhay iyhaj toj isis toj nʼoniyatyajna iwohiyela wet mʼayhay toj am matche toj iwoyek lenihichʼoye.

1. ¿Atsi mʼak toj iwohiyela Dios Niyatyaj hopkhilak yachajo toj nʼotamsek wet nʼoʼisyhaj ihi Honhat?

Toj ihi nʼokaʼtshayaj Armagedón Jesús, elh toj hope Niyat toj ihi Dios Niyatyaj, itayhthila wichi toj niʼisahen wet niyatey (Apocalipsis 16:14, 16). Lewhayistso nilhokiyeja mʼak toj Biblia ifwel lhayamla matche: «Pajiyejtʼa wet nemla iche wichi tä niʼisahen» (Salmo 37:10). Isej nʼoniyatyajna Jesús itihihla nʼotamsek wet nʼoʼisyaj Honhat (yahyen Isaías 11:4).

2. Che nilhokej iwoye Dios lenechʼethayaj toj ihi Honhat, ¿atsi mʼak toj wichi ihihla?

Che Dios Niyatyaj niyatej Honhat, «häp wichi tä isen, honhat lewuhuyla wet yenla lewʼeta yämlek tiyäjʼattsiy» (Salmo 37:29). Tichunejlhi toja, ¡atsi mʼak toj ihichela lewhay che nilhokej wichi isen, ihumin Heowa wet hate toj lhaihumnhen! Isilataj ¿mat? Ihichetʼala elh che tʼinhayaj ihi wet nilhokej wichi lepes ihihitʼala toj ilayhiche.

3. ¿Atsi mʼak toj Dios Niyatyaj ikalhihla che tafwaytshi toj itayhthen hop wichi toj niʼisahen?

Toj tafwaytshi toj itayhthen wichi toj niʼisahen Jesús iwohla leniyatyaja 1.000 nekchomis. Lewhaytso Jesús wet 144.000 toj niyatejla toj lhayʼe lham tachʼotiyela wichi hopkhilak nemhit lechʼisukyajay ihi. Che tafwaytshi lewhaytso Honhat matchehla toj isilataj, wet tapohiyeja wichi toj lakajyajay ihiche hop toj nilhokej lhamel tachʼahuhiyela Heowa laka leyes. Toj malhyejtso, Jesús yachajiyela Leniyatyaj hop Lajcha, Heowa. Wet nʼokalhihla mʼak toj ihichetʼak nʼokalhi toj nʼoyen tʼamajcheta Dios lhey (Mateo 6:9, 10). Kalelhajila toj Heowa hope Niyat toj is wet toj tʼuye laka wichi. Toj paj Heowa itayhthila Satanás wet laka ahot lhayis, wet hate elh at che hope toj tʼuhlak itayhla leniyatyaj (Apocalipsis 20:7-10). Mʼak toj is toj Dios Niyatyaj ikalhihla lepes ihihitʼala.

 NATʼAYHETTSHI TOJ NALECHUFWENEJ

4. Hop Dios Niyatyaj itayhthila hinʼul leniyatyaj

«Hinʼol tä lhayen iyhäj lewuhuya wet äp iwitʼäyen lhamel» (Eclesiastés 8:9). Heowa ichumyenhilhila Leniyatyaj hopkhilak yachajo toj yam is mʼak toj nitʼuhawetayej toj niyatey iwoye.

Yahyen Daniel 2:44 wet 2 Tesalonicenses 1:6-8 wet ame mʼayhayna:

• ¿Atsi mʼak toj Heowa wet Lhos Jesús iwohiyela hinʼul leniyatyaj wet iyhaj toj lhaithatche lhamel?

• ¿Atsi mʼak toj ikalelhat amho mʼak toj lehanej toj talhe Heowa wet Jesús, toj lhamel iwohiyela mʼak toj is alhoho wet hiwʼawlhatcha wichi?

5. Jesús hope Niyat toj matche toj is

Malhyej Dios Niyatyaj laka Niyat, Jesús iwohiyeja wujpe mʼayhay toj isis hop wichi toj ihi Honhat. Yahin VIDEO hopkhilak lhachajo toj letetshan toj Jesús tʼuhlak tachʼote wichi wet toj Dios tʼat toj hiwʼenho lakhajyhayaj hopkhilak ikalhi tajtso.

Mʼayhay toj Jesús iwoye pʼante, lewhay toj ihi Honhat inʼalit tʼat mʼak toj Dios Niyatyaj ikalhihla. Mʼayhay toj lham ifwel pʼante toj natetshanla, ¿atsi iyhaj toj am lehuminchek lhayʼe lhip toj lewʼen che lhayamla matche? Yahyen nilhokej textos lhip toj ihi mʼayhayna toj Biblia ifwel.

6. Isej Dios Leniyatyaj natataye mʼak toj lhayʼe lhip toj isilataj

 MʼAYHAY TOJ LETETSHANNE

Hop Dios Niyatyaj ikalhihla mʼak toj tʼuhlak iwoye. Yenla hopeya honhatna lhip toj wʼatshan toj nilhokhiyeja wichi toj lehusey ihi lepes ihihitʼala toj nʼokwiyej hop Heowa.

Mʼayhay toj nalechufwenejne

• ¿Atsi mʼak toj iwohiyela Dios Niyatyaj hopkhilak yen tʼamajcheta Heowa lhey?

• ¿Atsi mʼak toj tamenej toj kalelhaj namhohen toj Dios Niyatyaj yamla matche mʼak toj Biblia yome?

• Mʼayhay toj Dios Niyatyaj ikalhihla, ¿atsi elh toj lhayʼe lhip toj am letʼuhlak lewʼen?