NʼOCHUFWENYAJ 36
Mʼak at che nawoye is che inʼalit toj lhahusey ihi
Nilhokej wichi tʼuhlak hiwʼen lakalayʼis toj lehusey ihi, wet Heowa hate tataye tajtso. Mat matche toj atha toj nʼoelh lehusek ihi toj ihi honhatna toj wujpe wichi toj ifwechʼenwetha iyhaj. ¿Ha iche mʼak toj nakalhi toj nanʼalit toj lhahusey ihi? ¿Atsi toj hopehen?
1. ¿Atsi mʼak toj lhayʼe lhip toj laha ihi hopkhilak nʼoelh lehusek ihi?
Lewhay toj nawoyeje mʼak toj is wichi, nanʼaltej Heowa toj nahumin wet toj nenhitʼa wʼet mʼayeka. Is che lehanej tʼat toj Heowa ihanej nilhokej mʼak toj nen tichunhayaja wet mʼak toj nawoye (Hebreos 4:13). Lewhay toj natʼuhlak nam is nilhokej mʼak toj nawoye, lham ihanej wet wuj toj kajejlhi. Lhomet yok: «Tsi Lhawuk yʼulhan [wok nʼayiho] häp wichi tä iwoye mʼak tä niʼisa, mat ihumin tʼat tä iyej wichi tä isen» (Proverbios 3:32).
2. ¿Atsi mʼayhay toj nawoye nilhokej ifwalas is che inʼalit toj nahopehen iyhaj toj lehusey ihi?
«Äm matche mʼak tä lefwenho aelhpej» tajtso hope mʼak toj Heowa tataye che nawoye (Zacarías 8:16, 17). ¿Atsi mʼak toj hope tajtso? Hope toj name mʼak toj matche wok nafwenhihotʼa mʼak toj mathichetʼa lhawʼet lheley, lhatʼunfwas toj ihi lhachumet, lhapunfwas toj ihi congregación wet hate iyhaj toj lenʼohyajay ihi. Hop wichi toj lehusey ihi hopkhitʼa iyhaj toj etantses wet yampej matche mʼak toj yome (yahyen Proverbios 24:28 wet Efesios 4:28). Hate, tiskanpe laka impuestos (Romanos 13:5-7). «Wuj tä otʼuhläk is alhoho nilhokej mʼak tä owoye» mʼayhay toj natetshanne wet mʼayhay iyhaj toj nawoye nilhokej ifwalas hope toj is che natʼuhlak nakalhi toj nawoye (Hebreos 13:18).
3. ¿Atsi mʼak toj nʼokalhi che nʼoelh inʼalit toj lehusek ihi?
Lewhay toj nʼotafwel namejen toj nahopehen iyhaj toj lehusey ihi, iwoyek nakalhi toj lhaiyhaj tʼekha namehen. Mʼak elh, toj nanʼalthila hope nʼotamsek wet natʼu lhamehen toj ihi congregación, malhyej che nahopehen nʼowʼet lheley. Hate toj nen kajyaja toj lhatichunhayaj letamsek ihi. Toj nahopehen iyhaj toj lehusey ihi, nanʼalthila «tä matche tä isilataj nʼochufwenyaj tä yäme Dios Lhafwayhthi», iwoyek nakalhi toj wichi iyhaj ihuminchek tachumhoplhi Heowa (Tito 2:10).
NATʼAYHETTSHI TOJ NALECHUFWENEJ
Natetshan chi malhyej (ep hote) toj ilat lhame Heowa che nahopehen iyhaj toj lehusey ihi wet chi malhyej (ep hote) toj iwoyek nanʼalit toj nahopehen wichi toj lehusey ihi mʼak at che nawoye ifwalapej.
4. Heowa ihumin wichi toj lehusey ihi
Yahyen Salmo 44:21 wet Malaquías 3:16 wet ame mʼayhayna:
-
¿Atsi mʼak toj tamenej toj isitʼak namatitche toj iwoyek naskatho mʼak Heowa? ¿Atsi mʼak toj tamenej toj malhyejtso atichunhayaj?
-
Che nafwel mʼak toj matche, tej toj ichepej toj atha toj nawoye, ¿chi malhyej (ep hote) toj ilat lhame Heowa?
Lewhay toj naʼtshas ifwel mʼak toj matche, ikajyenlhi lajcha wet lako. Lewhay toj namel nafwel mʼak toj matche, nakajyenlhi Heowa.
5. Is che nilhokej lewhay toj nanʼalit toj nahopehen iyhaj toj lehusey ihi
Tej toj wujpe wichi imatitche toj, che nʼoelh lehusek ihi hopkhitʼa mʼak toj is nilhokej lewhay, iche mʼayhay iyhaj toj tʼuhawetej che nʼoelh inʼalit tajtso. Tetshanchʼoye atsi iyhaj toj hopehen. Yahin VIDEO.
Yahyen Hebreos 13:18 wet ame chi malhyej (ep hote) toj iwoyek lenʼalit toj ahusek ihi che...
-
... lheyej hawʼet lheley.
-
... lhehi achumet wok nʼochufwenyajwʼet.
-
... lhehi mʼak at che hope.
6. Toj lhahusey ihi naisej
Toj lhahusey ihi naisej tej toj iwoyek ichaj namehen lhawitʼay. Yahyen Salmo 34:12-16 wet ame mʼayhayna:
-
¿Chi malhyej (Ep hote) toj lhahusey ihi yam is mʼak toj nehi?
-
Lewhay che hinʼu wok lechʼefwa inʼalit toj lehusey ihi, laka matrimonio takhajay.
-
Lewhay che chumhas inʼalit toj lehusey ihi, ikalhi tʼat toj lewuk tʼekhaye lhamel.
-
Lewhay toj wichi inʼalit toj lehusey ihi, ikalhi toj iyhaj toj lenʼohyajay ihi yome toj lakeyis isen.
IYHAJ WICHI YOME TOJA: «Mʼak toj kamatache toj lhamsaj iwitʼayenhitʼa nʼoelh».
-
¿Ha lematitche toj Heowa nʼayiho nilhokej mʼayhay toj kamatache? ¿Atsi mʼak toj tamenej toj malhyejtso atichunhayaj?
MʼAYHAY TOJ LETETSHANNE
Heowa tataye toj mʼak toj lakalayʼis iwoye wet yome inʼalit toj lehusey ihi.
Mʼayhay toj nalechufwenejne
-
¿Atsi mʼayhay toj nawoyepej is che inʼalit toj lhahusey ihi?
-
¿Atsi mʼak toj tamenej toj isitʼak nʼoelh imatitche toj iwoyek iskat mʼak toj matche?
-
¿Atsi mʼayhay toj lewʼen hopkhilak lenʼalitpej toj ahope elh toj lehusek ihi?
IWOYEK LEWʼEN IYHAJ MʼAYHAY:
¿Chi malhyej (Ep hote) toj nʼojchalis wet nʼokolis iwoyek ichufwenej leles toj is che lehusey ihi?
¿Atsi mʼak toj tachumlahla iyhaj toj yam matche lhomet?
Am matche mʼak toj lefwel wet tachumla nʼokopfwayajay (9:09)
Tetshan che is che natiskanpe impuestos tej toj isitʼa alhoho toj nʼochumyenlhi chinaj tʼoj.
«¿Ha am is che letiskanpe impuestos?» (La Atalaya, 1 toj septiembre toj 2011)
¿Atsi mʼak toj inityenej hinʼu toj ihumin toj ifwechʼenwetha wichi wet isoyej laka chinaj tʼoj toj lhayene nʼoelh toj lehusek ihi?
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
