Matche toj isis mʼayhay toj nehi. Tej toj ichepej nehi lhawitʼayhyajay, iwoyek natujlhache toj nen kajyaja mʼayhay toj isis toj nehi. ¿Chi malhyej (Ep hote) toj iwoyek nanʼaltej lhaka gracias Heowa toj hiwʼen namhohen nʼowʼayhatna? ¿Wet atsi mʼak toj tamenej toj laha ihi toj nawoye tajtso?

1. ¿Atsi mʼak toj tamenej toj is che nen hopeya mʼak toj laha ihi nʼowʼatshancheyaj?

Is che nen hopeya mʼak toj laha ihi lhawʼatshancheyaj hop toj hope nʼowʼayhat toj talhe Lhajcha toj humnhatsaj, Heowa. Lham hope «inät tä tsʼifwik tä häpe nʼowʼatshancheyaj», Lham tʼat toj yenwetha nilhokej mʼayhay toj ilayhiche (Salmo 36:9). «Lham tʼat tä iwo lewʼatshancheyaja nilhokej wichi, wet iwo leyalha, lhäyʼe tä hiwʼenho mʼayhay iyhäj» (Apóstoles Lhenhay 17:25, 28). Hop toj tamenej, toj hope Heowa toj hiwʼen namhohen mʼayhay toj nawatla hopkhilak kamaj nalayhiche. Mʼak elh, lham iwoye mʼak at che hope hopkhilak nen kajyaja mʼak toj nehi (yahyen Apóstoles Lhenhay 14:17).

2. ¿Chi malhyej (Ep hote) toj iwoyek nanʼaltej lhaka gracias Heowa toj hiwʼen namhohen nʼowʼayhatna?

Talhe lewhay toj ako wet ajcha ayenlhi, Heowa aitetshan. Toj ihi Biblia, iche Dios lakawo toj lhey David iwo tʼalhyajaye Heowa wet yok: «Am atelhoy hiwʼennʼo tä owo tesa tä olhayenlhi» (Salmo 139:16). Heowa yen hopeya mʼak toj matche toj laha ihi hawʼatshancheyaj (yahyen Mateo 10:29-31). Lham wuj toj aytaj letichunhayaj toj hiwʼen toj nʼoelh hanlak isoyej elh lewʼatshancheyaj, wok tʼuhlak lhailan (Éxodo 20:13). a Lham hate ihuminhitʼa che iche mʼak toj iwoyek natamenej lhaiyhaj wok che natʼuhikwetʼa mʼayhay hopkhilak natʼuye lhaiyhaj lewʼatshancheyaj. Toj natʼu lhamehen wet nenhitʼa wʼet mʼayeka lhaiyhaj lewʼatshancheyaj, nanʼalit toj nen hopeya mʼak toj laha ihi mʼak toj nehi.

 NATʼAYHETTSHI TOJ NALECHUFWENEJ

3. Is che letʼu ame

Hop cristianos toj ifwenho pʼante Heowa toj iwohiyela lenechʼethayaj yam is toj ichumyenlhi lewʼatshancheyaj malhyej toj lham ihumin. Lhamel malhyej at che yachaje letʼisan hopkhilak nʼokwiyej Dios, hop toj tamenej toj is che tʼu lhamehen. Yahyen Romanos 12:1, 2 wet ame mʼayhayna:

• ¿Atsi mʼak toj tamenej toj is che letʼu ame?

• ¿Chi malhyej (Ep hote) toj is che lewoye tajtso?

 5. Yej lhen wʼet mʼayeka hanʼafwaj lewʼatshancheyaj toj kamaj nichathitʼahcha

David ikalelhat toj Heowa itetshan tʼat chi malhyej (ep hote) toj hanʼafwaj lhayenlhi toj ihi lako kachowej toj kamaj nichathitʼahcha. Yahyen Salmo 139:13-17 wet ame mʼayhayna:

• Malhyej toj Heowa hiwʼen, ¿atsi lewhay toj iwo tesa toj nʼoelh lewʼatshancheyaj ihi: lewhay toj nechʼe iche, wok lewhay toj ihi lako kachowej?

Hop leyes toj Heowa hiwʼenho pʼante Israel tʼuye atsinhay toj hichʼotshanhen wet hanʼafwaj toj ihi lakachowhay. Yahyen Éxodo 21:22, 23 [NWT], wet ame mʼayhayna:

• ¿Chi malhyej (Ep hote) toj Heowa hiwʼen pʼante che iche nʼoelh toj hanhitʼanlak ilan hanʼafwaj toj kamaj nichathitʼahcha?

• Toj malhyejtso, ¿chi malhyej (ep hote) toj lefwetaj ilat lhame che nʼoelh hanlak iwoye tajtso? b

• Wet am, ¿atsi mʼak toj lhen atichunhayaja mʼak toj Dios itichunejlhi?

Yahin VIDEO.

Tej che iche atsinha toj yen hopeya mʼak toj laha ihi nʼowʼatshancheyaj iwoyek yen tichunhayaja toj che ilan lhamhi lhos hope mʼak toj tefwajni toj iche. Yahyen Isaías 41:10 wet ame mʼayhayna:

• Che iche atsinha toj nʼonityenej toj ilan lhamhi lhos, ¿atsi elh toj is che tʼalhe lechʼotyaj? ¿Atsi mʼak toj tamenej?

 MʼAYHAY TOJ LETETSHANNE

Biblia ichufwen namejen toj is che natʼuye lhawʼatshancheyaj wet lhaiyhaj lewʼatshancheyaj isitʼak nen wʼet mʼayeka hop toj hope Heowa lewʼayhat.

Mʼayhay toj nalechufwenejne

• ¿Atsi mʼak toj tamenej toj nahanej toj Heowa yen hopeya mʼak toj laha ihi wichi lewʼatshancheyaj?

• ¿Chi malhyej (Ep hote) toj Heowa letichunhayaj che iche nʼoelh toj hanlak lhailan wok isoyej elh lewʼatshancheyaj?

• ¿Ha lewʼenho gracias Heowa toj hiwʼen amho nʼowʼayhatna? ¿Atsi mʼak toj tamenej?