Wʼoyis hope mʼak toj wuj toj laha ihi. Che kahopeya tajtso, iwohiyetʼak nʼoelh ilay. Toj Dios lhenhay namel, tajlhamet lham toj iwoyek ifwel namhohen chi malhyej (ep hote) toj iwoyek nachumyenlhi wʼoyis. ¿Atsi mʼak toj lham yomeje wʼoyis? ¿Ha iwoyek natuj wok nathat lhamho? ¿Wet atsi mʼak toj iwoyek tachʼot ame toj letshupiye mʼayhay toj is alhoho toj yomeje tajtso?

1. ¿Atsi Heowa letichunhayaj toj itiyej wʼoyis?

Ifwalas toj pajche, Heowa ifwenho lakawos toja: «Tsi häp tä nilhokej mʼak tä iläyejit lewʼoyis tä ihi tʼisan» (Levítico 17:14). Heowa yen tichunhayaja toj wʼoyis hope nʼowʼatshancheyaj. Wet, toj nʼowʼatshancheyaj hope Dios lewʼayhat, wet mʼak toj nʼotʼamajchet, wʼoyis hate hope mʼak toj wuj toj laha ihi.

2. ¿Ha Dios nayej che nʼochumyenlhi wʼoyis?

Toj kamaj ihichetʼa congregación cristiana, Heowa tʼalhe pʼante lakawos toj isitʼak tuj wʼoyis (yahyen Génesis 9:4 wet Levítico 17:10). Wet, lewhay toj nechʼe iche congregación cristiana, Heowa yachajo toj yome tajtso. Hop hinʼul toj lhaitumtej nilhokej congregaciones toj ihi siglo toj ichun ifwenho cristianos toja: «Yej tuj […] wʼoyis [kawayhla wʼoyis, nwt]» (yahyen Apóstoles Lhenhay 15:28, 29).

¿Atsi toj hope toj nʼoelh tekawayhla wʼoyis? Che kachawo ifwel amho toj isitʼa che leyayej hatʼes, am letachʼahuhiyela, ¿mat? Wok ¿ha letufwila nʼolhak toj hatʼes lhayej wok lethatla amho? Kha. Hate iwoye hop mandamiento toj yome toj isitʼa toj nʼoelh tuj wʼoyis. Che natchʼahuye Dios hope toj nayahiyejtʼa wok natujitʼa itshawet toj kamaj wʼoyis ihi. Hate isitʼa che natuj nʼolhak toj wʼoyis lhayej.

¿Wet wʼoyis toj kachawos ichumyenlhi? Iche tratamientos toj yen wʼet mʼayeka Dios laka ley, che imalhewek wok lhip toj nʼothatho nʼoelh: glóbulos rojos, glóbulos blancos, plaquetas wet plasma. Mat iche iyhaj tratamientos toj wujitʼa toj kalelhaj toj yen wʼet mʼayeka Dios laka ley. Malhyej toja, iche iyhaj toj ichumyenlhi wʼoyis lhip. Wet iche lewhay toj nʼoelh nʼochumyenlhi lewʼoyis. Toj tafwaytshi toj nʼoelh itetshan mʼayhay toj tatshupiyela, tefwapejni nʼoelh is che tatshupiye mʼak toj iwohiyela (Gálatas 6:5). a

 NATʼAYHETTSHI TOJ NALECHUFWENEJ

3. Tatshupiye mʼak toj ikajyenlhi Heowa

¿Chi malhyej (Ep hote) toj am iwoyek letshupiye mʼayhay toj yenhitʼa wʼet mʼayeka Dios tichunhayaj? Yahin VIDEO wet che paj ame mʼak toj tamenej toj laha ihi che nʼoelh ihanlhi mʼayhay toj natetshanla:

• Wo tʼalhyajaye Heowa wet alhe ahanyaj (Santiago 1:5).

• Ukwe mʼayhay toj lahal ihi toj ihi Biblia toj yiwite wʼoyis wet tetshan chi malhyej (ep hote) toj lewohiyela (Proverbios 13:16).

• Tetshanchʼoye tratamientos iyhaj toj iche lhip toj lhehi.

• Kalelhat tratamiento toj letachumhitʼahla.

• Kalelhat toj mʼak toj letshupiyela hiwʼenla amho atamsek (Apóstoles Lhenhay 24:16). b

• Ihichetʼa nʼoelh; tej che hachʼefwa, anciano wok achufwenyajwo; toj iwoyek ifwel amho mʼak toj is che letshupiye toj yiwite atichunhayaj (Romanos 14:12).

• Lesayen mʼak toj pajche letshupiye.

4. Wichi toj yen lhometa Heowa tʼukwe kachawo lechʼotyaj toj lhayʼe lhip toj is

Toj nachʼahuye Dios laka ley toj yome wʼoyis hopkhitʼa toj nachumhitʼahla kachawos lechʼotyaj toj lhayʼe lhip toj is. Yahin VIDEO.

Yahyen Tito 3:2 wet ame mʼayhayna:

• ¿Atsi mʼak toj tamenej toj is che nachʼote kachawo wet nam is lhalhomtes toj nachumyenlhi toj natahuyej lhamel?

 5. Wʼoyis lhip

Wʼoyis hiwʼen cuatro mʼayhay toj lahal ihi: glóbulos rojos, glóbulos blancos, plaquetas wet plasma. Wet lhip toj lahal ihi toj ihi wʼoyis hiwʼen mʼayhay toj lelemsas, toj hopehen wʼoyis lhip. c Iche wʼoyis lhip toj nʼochumyenlhi toj nʼoyenwetha kachal hopkhilak ichesat nʼotʼinhayaj wok ikastayen wʼoyis.

Toj nʼoyome wʼoyis lhip, tefwajni cristiano is che tatshupiye toj mʼak toj iwohiyela isitʼak inuhatpe mʼak toj pajche ihanej toj ihi Biblia. Iwoyek iyhaj tekawayhla tratamiento toj kachawo tʼuhlak hiwʼenho toj wʼoyis lhip ihi. Wet nʼalej toj iche iyhaj toj letichunhayaj tekawayhitʼahla toj tachumla.

Che wakʼalh mʼak toj letshupiye, atshan ame:

• ¿Chi malhyej (Ep hote) toj ofwenhihola kachawo toj otekawayhla wok ochumla wʼoyis lhip?

 MʼAYHAY TOJ LETETSHANNE

Heowa tʼuhlak natekawayhla che isitʼa toj nʼochumyenlhi wʼoyis.

Mʼayhay toj nalechufwenejne

• ¿Atsi mʼak toj tamenej toj Heowa yen tichunhayaja toj wʼoyis matche toj laha ihi?

• ¿Atsi mʼak toj tamenej toj nahanej toj Heowa ihuminhitʼa toj nʼochumyenlhi wʼoyis, hate yʼaje toj nʼoelh ithat lhamho wʼoyis?

• ¿Atsi mʼak toj tachʼotla ame toj letshupiye tratamiento toj is toj kachawos ichumyenhilhila toj wʼoyis ihi?