Heowa ihuminchek nen kajyaja mʼak toj nehi wet ihumin toj nenlhipej nʼokajyaj. ¿Ha Dios ihumin nilhokej nʼokajyajay? ¿Chi malhyej (Ep hote) toj iwoyek nanʼalit toj nahumin wet nenhitʼa wʼet mʼayeka mʼak toj lham yen tichunhayaja?

1. ¿Atsi mʼak toj tamenej toj nilhokhiyejtʼa nʼokajyaj toj Heowa ihumin?

Nʼalej toj iwoyek leseltej toj lehanej toj wujpe nʼokajyajay talhe pʼante wichi lakeyis toj iwoye pʼante toj nʼokwiyej dioses toj kamatachehen wok nʼochufwenyajay toj Biblia lhaitathichetʼa. Iwoyek nʼokajyajaytso talhe religiones toj kamatachehen, wok talhe hiyawu lechumtes toj wichi imatitche toj nʼoelh lehusek iwohiyetʼak yʼil. Hate, iche nʼokajyajay toj talhe mʼak toj kamatache toj wichi tʼekhaye wok mʼayhay toj nʼochumyenlhi toj fwetaj ihanej mʼak toj ihla namejen (Isaías 65:11). Hop toj tamenej toj naselthiyejtʼa toj Heowa ifwenho laka wichi toja: «Mäyaychʼoye [...]. Yej tachuma mʼak tä kokʼaye» (2 Corintios 6:17). a

2. ¿Chi malhyej (Ep hote) Heowa letichunhayaj toj itiyej nʼokajyajay toj iwujyen hinʼul?

Heowa ifwel namhohen toj isitʼak nahate iwoye wichi toj «itiyej lechayaj iyhäj hinʼol», tajtso iwoyek hope lhawitʼay (yahyen Jeremías 17:5). Iche nʼokajyajay toj iwujyen niyatey wok soldados. Wet iche nʼokajyajay iyhaj toj hope toj nʼowujyen símbolos patrios malhyej bandera wok nʼotichunche ifwala toj nʼofwayhat país (1 Corintios 10:14). Wet hate mʼak toj políticos wok wichi iwoye. Che wuj toj nʼowujyen wichi wok organización at che hope, mʼak toj iwoye tatayhla Dios lenechʼethayaj, ¿chi malhyej (ep hote) toj lefwetaj toj ilat lhame Heowa?

3. ¿Atsi nʼokey toj iwoyek tamenej toj Heowa tachumhitʼahla nʼokajyaj?

Biblia nʼayiho toj nʼoelh ilan lhamej hatʼes toj iyayej toj iwo kajyaja (1 Pedro 4:3). Iche nʼokajyajay, toj wichi wuj toj wʼoknhas wet ihanhiyejtʼa mʼak toj iwoye. Che nahuminchek natujlhache toj nahopehen Heowa lakalayʼis, is che natiyej kanhi mʼayhay toj kokʼachehen.

 NATʼAYHETTSHI TOJ NALECHUFWENEJ

 5. Is che lewoye mʼak hopkhilak aiyhaj yenhitʼa wʼet mʼayeka mʼak toj letʼekhaye

6. Heowa ihuminchek lhakajyaj ihi

Heowa ihuminchek nen kajyaja lewhay toj nayʼe lhawʼet lheley wet lhakalayʼis. Yahyen Eclesiastés 8:15 wet ame mʼayhayna:

• ¿Chi malhyej (Ep hote) toj textona inʼalit toj Heowa ihuminchek lhakajyaj ihiche?

Heowa hate ihuminchek lakawos lakajyajay ihiche wet tʼukwe lewhay toj lhayʼe iyhaj. Yahin VIDEO hopkhilak lehanej toj tajtso nʼal toj ihi olhamel oka reuniones toj wuj toj internacionales.

Yahyen Gálatas 6:10 wet ame mʼayhayna:

• ¿Ha is che nenlhi nʼokajyaj hopkhilak nachʼote lhaiyhaj?

• ¿Atsi nʼowʼayhat toj lehumin toj lewʼenho aiyhaj: elh toj nʼonityen amej hop toj ichate ifwala toj laha ihi, wok hawʼayhat toj talho ahusek?

• Wujpe wichi toj yen lhometa Heowa ichepej toj yenlhi leles lakajyaj, wet ichepej toj hiwʼenho lewʼayhat. Che am ales ihi, ¿atsi mʼayhay toj iwoyek lewʼenho ales?

 MʼAYHAY TOJ LETETSHANNE

Heowa ihuminchek nen kajyaja toj nayʼe lhawʼet lheley wet lhakalayʼis, mat ihuminhitʼa che nahoye wok nenlhi nʼokajyajay toj tachumhitʼahla.

Mʼayhay toj nalechufwenejne

• ¿Atsi mʼak toj is che nayʼatshan lhamehen hopkhilak nahanej atsi nʼokajyaj toj Heowa ihumin?

• ¿Chi malhyej (Ep hote) toj iwoyek nachʼote lhakalayʼis wet lhawʼet lheley toj ihanej mʼak toj tamenej toj nahohiyetʼa wok nenhilhitʼa nʼokajyaj?

• ¿Chi malhyej (Ep hote) toj nahanej toj Heowa ihuminchek lhakajyaj ihiche?