NʼOCHUFWENYAJ 47
¿Ha awakʼalh hopkhilak alewo bautisaya?
Isej toj alechufwenej Biblia am pajche lehanej wujpe mʼayhay toj talhe Heowa. Hate, nʼalej toj is che letiyej kanhinte iyhaj mʼayhay hopkhilak lechumyenlhi mʼak toj lehanej. Mat nʼalej toj iche mʼak toj inuhla hanʼayij wet tajtso tamenej toj kamaj alhayachajiyetʼa Heowa wet toj alewohitʼa bautisaya. Toj ihi nʼochufwenyajna natetshanla mʼayhay toj tamenej toj wujpe wichi toj lhaichufwenej Biblia iwoye hopkhilak nichate bautismo wet mʼak toj am iwoyek lewoye hopkhilak hate alewo bautisaya.
1. ¿Chifwajte (Ep hote toj ihi) toj is che lehanej Biblia hopkhilak alewo bautisaya?
Hopkhilak alewo bautisaya am is che «[le]täfwelej lham [Heowa] lhämet tä matche» (1 Timoteo 2:4). Tajtso hopkhitʼa toj, che kamaj alewohitʼa bautisaya is che lehanej nilhokej lechulhyajay nʼoyʼatshanhay toj nʼoyʼatshanla ame toj ihi Biblia. Yajte cristianos toj pajche toj lhaiwo bautisaya is che tujlhache toj lhaichufwenej Biblia (Colosenses 1:9, 10). Mat iche mʼak toj is che lehanej: mʼayhay toj lahal ihi toj ihi Biblia. Che am kalelhajitʼa amho mʼak toj ihi Biblia iwoyek leyʼatshane ancianos.
2. ¿Atsi mʼayhay toj is che lewoye toj kamaj alewohitʼa bautisaya?
Biblia yok: «Woyay ahusey iyhäja wet atilhkataye Dios» (yahyen Apóstoles Lhenhay 3:19). Wet tajtso hope mʼak toj is che lewoye toj kamaj alewohitʼa bautisaya. Mat ¿atsi mʼak toj hope? Tajtso hope toj am wuj toj leyʼulhanche mʼak toj lewoye pʼante wet athana letʼalhe Heowa che itayhat ates. Hate hope toj letekawayhla nʼokey at che hope toj niʼisa wet lehuminchek lewoye mʼak toj Dios tʼalh ame. Tajtso hate hope toj am lewo tesa toj lewoye mʼayhay toj ihi congregación wet lefwute reuniones wet lewo ameta toj ayʼe congregación.
3. ¿Atsi mʼak toj tamenej toj isitʼak anowayhyaj tamenej toj alewohitʼa bautisaya?
Iche iyhaj toj nowaye toj yomhitʼa matche mʼak toj ifwenho Heowa. Matche, ichepej toj am lewohiyela mʼak toj niʼisa alhoho, malhyej toj iyej hinʼul wet atsinhay toj afwtʼintses toj Biblia ikatla. Mat is che lehusekla toj Heowa itahiyetʼa che lakawos hopehen iyhaj toj lechʼisukyaj ihihitʼa (yahyen Salmo 103:13, 14). Che am alekhajyenej toj lewoye mʼak toj Lham tʼalh ame kajejlhihla amej. Hate Heowa tachʼotla ame. Lham ifwel namhohen toj ihichetʼala mʼak chik «ikalhi chik isohla nʼamejen häp Dios lehumnhayaj tä iti nʼamejen» (yahyen Romanos 8:38, 39).
NATʼAYHETTSHI TOJ NALECHUFWENEJ
Natetshan dos mʼayhay toj tachʼotla ame toj letumla mʼak at che hope toj inuhla toj alewo bautisaya: lhayʼe lhip toj letafwelej Heowa wet lechumla lechʼotyaj.
4. Is che lhayʼe lhip toj letafwelej Heowa
¿Chifwajte (Ep hote toj ihi) toj is che letafwelej Heowa hopkhilak alewo bautisaya? Iwatlak lhayʼe lhip toj letafwelej Heowa hopkhilak lehumin wet lehuminchek lechʼahuye. Yahin VIDEO hopkhilak lehanej atsi mʼak toj iwoye iyhaj toj lhaichufwenej Biblia toj ihi honhatil iyhaj. Che paj ame mʼayhayna:
-
Malhyej toj ihi video, ¿atsi mʼak toj tachʼote iyhaj toj lhaichufwenej Biblia toj wakʼalh toj lhaiwo bautisaya?
Yahin Romanos 12:2 wet ame mʼayhayna:
-
¿Ha iche mʼak toj lekachu toj Biblia yome? ¿Ha lefwetaj toj wichi toj yen lhometa Heowa ichufwenej wichi mʼak toj matche?
-
Che iche mʼak toj lekachu, ¿atsi mʼak toj iwoyek lewoye?
5. Tumla mʼak at che inuhla hanʼayij toj alewo bautisaya
Nilhokej namel iche tʼat mʼak toj is che natatayhla lewhay toj natʼuhlak nalhayachaje Heowa wet toj nalhaiwo bautisaya. Hopkhilak nahanej tajtso, yahin VIDEO. Che paj ame mʼayhayna:
-
¿Atsi mʼayhay toj Narangerel is che itayhla hopkhilak tachumhoplhi Heowa?
-
¿Chi malhyej (Ep hote) toj lehumnhayaj toj itiyej Heowa tachʼote toj tumla mʼayhaytso?
Yahyen Proverbios 29:25 wet 2 Timoteo 1:7 wet ame mʼayhayna:
-
¿Atsi lhip toj natalhthi lhakhajyhayaj hopkhilak natumla mʼayhay toj inuhla lhanʼayij?
6. Tʼekhaye toj Heowa tachʼotla ame
Heowa tachʼotla ame lewhay che lewatlapej lechʼotyaj. Yahyen VIDEO wet ame mʼayhayna:
-
¿Atsi mʼak toj ifwune hopkhilak lhaiwo bautisaya elh toj lhaichufwenej Biblia toj ihi video?
-
¿Atsi mʼak toj tachʼote toj lhayʼe lhip toj tʼekhaye Heowa?
Yahyen Isaías 41:10, 13 wet ame mʼayhayna:
-
¿Atsi mʼak toj iwoyek ikalelhat amho toj lhamla matche mʼak toj lefwenho Heowa toj alhayachajiyela lham?
7. Tʼayhettshipej toj lewʼenho gracias Heowa
Che tʼaytshipej toj letichunejlhi toj Heowa wuj toj aihumin, lhayʼehila lhip toj lehuminchek lewʼenho gracias wet toj lehuminchek lechumhoplhi lham. Yahyen Salmo 40:5 wet ame mʼayhayna:
-
¿Atsi nʼowʼayhtes toj Heowa hiwʼen amho toj lhayʼe lhip toj lehumin?
Profeta Jeremías ihumin pʼante Heowa wet Lhomet, wet hate wuj pʼante toj ihumin toj tachumhoplhi Dios. Lham yopʼantekwe: «Mälhyej chik otuj tʼat ämtes wet wuj tä okäjejlhi, tsi häp tä oalewuk tʼat, Dios tä laj atumfwaya» (Jeremías 15:16). Athana chulho nʼoyʼatshanhayna:
-
¿Atsi mʼak toj tamenej toj hope nʼonʼohyaj toj lhayʼe lhip toj laha ihi toj nʼoelh hope wichi toj yen lhometa Heowa?
-
¿Ha am lehuminchek alewo bautisaya wet alhen hopeya wichi toj yen lhometa Heowa?
-
¿Ha iche mʼak toj inu ahila?
-
¿Atsi mʼak toj iwoyek lewoye hopkhilak lechate bautismo?
IYHAJ WICHI YOME TOJA: «Onowaye che okalhihitʼa nilhokej mʼak toj ofwel toj oyome che olhaiwo bautisaya».
-
¿Ha amalhyejtso?
MʼAYHAY TOJ LETETSHANNE
Am iwoyek lekalhi mʼak at che hope toj inuhla toj alewo bautisaya hop toj isej Heowa lechʼotyaj.
Mʼayhay toj nalechufwenejne
-
¿Chifwajte (Ep hote toj ihi) toj is che lehanej Biblia hopkhilak alewo bautisaya?
-
¿Atsi mʼayhay toj is che lewoye toj kamaj alewohitʼa bautisaya?
-
¿Atsi mʼak toj tamenej toj isitʼak anowayhyaj tamenej toj alewohitʼa bautisaya?
IWOYEK LEWʼEN IYHAJ MʼAYHAY:
Tetshan atsi mʼak toj is che lehanlhi hopkhilak letshupiye toj alewo bautisaya.
«¿Ha awakʼalh toj alewo bautisaya?» (La Atalaya, marzo toj 2020)
Tetshan chi malhyej (ep hote) toj iwoyek letumla mʼayhay iyhaj toj inuhla hanʼayij.
«¿Atsi mʼak toj inuhla oka bautismo?» (La Atalaya, marzo toj 2019)
Yahin chi malhyej (ep hote) toj hinʼu ikalhi pʼante toj ileyej mʼayhay toj niʼisa hopkhilak iwoyek toj lhaiwo bautisaya.
¿Atsi mʼak toj tamenej toj kamaj alewohitʼa bautisaya? (1:10)
Iche hinʼu toj lhey Ataa toj ichun ikachu pʼante toj is che lhaiwo bautisaya. Tetshanchʼoye mʼak toj ikalelhat lhamho hopkhilak iwoye tʼat mʼak toj matche toj laha ihi.
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
