Lewhay toj Heowa, yenwetha pʼante namel hiwʼen namhohen lhawʼayhat toj lhayʼe lhip toj is: toj iwoyek namwetha. ¿Ha Heowa itetshan chi malhyej (ep hote) toj nachumyenlhi lhawʼayhatna? ¡Matche tʼat! (Yahyen Santiago 1:26). Toj malhyejtso, ¿chi malhyej (ep hote) toj iwoyek nachumyenlhi lhalhomtes hopkhilak ikajyenlhi Heowa?

1. ¿Chi malhyej (Ep hote) toj nam is toj nachumyenlhi Heowa lewʼayhatna?

Biblia ifwel namhohen toja: «Akhajyenhen wet chʼot amehen, mälhyej tä lewoye athana» (1 Tesalonicenses 5:11). ¿Ha lehanej che iche nʼoelh toj iwatlak nʼokhajyen? ¿Ha am iwoyek lechʼote hopkhilak is? Kalelhtho lham toj lehumin. Nʼalej toj iwoyek lefwenho mʼayhay toj isis toj iwoye. ¿Ha lehanej texto toj ihi Biblia toj iwoyek lechumyenlhi toj lekhajyen nʼoelh toj letafwelej? Iche wujpe toj iwoyek letshupiye. Hate, yej pʼethatla chi malhyej (ep hote) toj mʼayhay toj lhome wet amtes iwoyek yʼaje aiyhaj. Hop toj tamenej toj is che atamsek ihi wet hapʼaltsenyaj ihi lewhay toj lhomlhi (Proverbios 15:1).

2. ¿Atsi lhalhomtes toj is che natekawayhla?

Biblia yok: «Isitʼa che ämtes tä niʼisachehen tälhche ayhi» (yahyen Efesios 4:29). Toja hope toj isitʼa che name mʼak toj ayteschehen, inafwlhat lhaiyhaj hopkhilak iwo latseka wok toj nachumyenlhi nʼolhomtes toj kokʼachehen. Hate isitʼak name mʼak che nʼofwel namhohen wet sitay (yahyen Proverbios 16:28).

3. ¿Atsi mʼak toj tachʼotla namehen hopkhilak is lhalhomtes?

Mʼak toj name inʼalit mʼak toj nen tichunhayaja wet mʼak toj nalate (Lucas 6:45). Hop toj tamenej toj is che nen keya toj nen tichunhayaja mʼayhay toj isis, tajtso hope toj name mʼak at che hope toj tʼuhawetej che nʼowunit, lhayʼe mʼak at che hope toj is alhoho, lhayʼe mʼak at che hope toj tsʼilak wet lhayʼe mʼak at che hope toj nʼohumin (Filipenses 4:8). Hopkhilak nakalhi tajtso is che nam is toj natshupiye mʼak toj nawohiyela toj hiwʼen namhohen lhakajyaj wet natʼukwe lhakalayʼis toj isen (Proverbios 13:20). Hate is che natichunejlhi lhalhomtes toj namhiyela. En atichunhayaja mʼak toj yʼajiyela aiyhaj mʼak toj am lhomhiyela. Biblia yok: «Iche iyhäj tä lhämtes hätet iwoyek itshänej elh tsonhat. Mat häp hinʼol tä lehusey ihi, lhämtes hätet iwoye kacha, ikhajyen tʼat iyhäj» (Proverbios 12:18).

 NATʼAYHETTSHI TOJ NALECHUFWENEJ

4. Tetshan mʼak toj lhome

Nilhokej namel ichepej toj name mʼak toj toj paj nayʼulhanche (Santiago 3:2). Yahyen Gálatas 5:22, 23 wet ame mʼayhayna:

• Hopkhilak letsoklhi mʼak toj lhomhiyela wet chi malhyej (ep hote) toj lhome, ¿atsi nʼokeyis toj letʼuhlak letʼalhe Heowa? ¿Chi malhyej (Ep hote) toj iwoyek tachʼot ame nʼokeyisna?

Yahyen 1 Corintios 15:33 wet ame mʼayhayna:

• ¿Chi malhyej (Ep hote) toj akalayʼis toj letshupiye, mʼak toj leyahin wok mʼak toj lewoye toj lewo akajyaja iwoyek yʼaje amtes?

Yahyen Eclesiastés 3:1, 7 wet ame mʼayhayna:

• ¿Atsi lewhay toj tʼuhawetej che nʼoelh yok tam wok tataye lewhay che tʼuhawetej hopkhilak yomlhi?

 5. Am is toj lhome aiyhaj

6. Nʼalit ahumnhayaj toj lhomhoplhi hawʼet lheley

 MʼAYHAY TOJ LETETSHANNE

Nʼolhomtes wuj toj lakhajyhayaj ihi. Hop toj tamenej toj is che nakasit wet natichunejlhi mʼak toj namhiyela, lewhay toj namhiyela wet chi malhyej (ep hote) toj namhiyela.

Mʼayhay toj nalechufwenejne

• ¿Chi malhyej (Ep hote) toj iwoyek lechumyenlhi amtes toj lechʼote aiyhaj?

• ¿Atsi amtes toj letʼuhlak letekawayhla?

• ¿Atsi mʼak toj tachʼotla namehen toj nam is lhalhomtes wet nahumnhatses toj namwetha?