NʼOCHUFWENYAJ 55
Chʼote aka congregación
Toj iʼpe honhatna, millones wichi toj lekajyajay ihiche toj nʼokwiyej Heowa toj ihi hop congregaciones. Cristianosna matche toj ihumin mʼak toj nʼochufwenej wet toj nʼonuhyenkwe lenʼayij, wet lhaikhajyenej toj tachʼote laka congregación. ¿Ha malhyejtso mʼak toj lelate toj tumho ahusek toj lhehi aka congregación?
1. ¿Chi malhyej (Ep hote) toj iwoyek lechʼote aka congregación toj lechumyenlhi akhajyhayaj wet lewhay toj lewʼen?
Nilhokej namel iwoyek nachʼote lhaka congregación. Malhyej toja, ¿ha iche ipunfwas toj tanhay wok toj letʼinhayaj ihi? ¿Ha iwoyek letʼukwe hopkhilak lehane reunión? ¿Wok iwoyek lewoyeje mʼayhay, malhyej toj letʼukwe lhak wok mʼayhay toj ihi lewʼet toj lechʼoteje? (Yahyen Santiago 1:27). Hate iwoyek natʼuye wet nalejchufwi lhip toj nehi toj nalhaihutwekhen. Lhahumnhayaj toj natiyej Dios wet lhapunfwas inityen namejen toj nʼok: «Olham tä oikana, chennʼo» (Isaías 6:8).
Hop wichi toj yen lhometa Heowa toj bautizados hate iwoyek iwoye mʼayhay iyhaj toj tachʼote laka congregación. Hop ipunfwas toj hinʼul toj ihanlhi mʼak toj Biblia yome iwoyek hopehen ancianos lechʼotfwas, che paj hate iwoyek hopehen ancianos. Nilhokej ipunfwas toj hinʼul wet toj atsinhay iwoyek lhayʼe lhip toj tachʼote toj nʼowo lhometa wet toj lhayen hopeya nʼolhometwos. Iche ipunfwas iyhaj toj tachʼote toj nʼoyenwetha nʼowukwey hopkhilak nanʼokwiyej Heowa. Wet iche iyhaj toj tʼaye lhip elh hopkhilak tachʼote congregación elh, che iche tʼat mʼak toj iwoyek ikalhi toj iwoye.
2. ¿Chi malhyej (Ep hote) toj iwoyek nachʼote lhaka congregación toj nahane lhaka chinaj tʼoj wet mʼayhay toj iwoyek nachumyenlhi toj nawʼen?
Biblia yok: «Wujyenej Lhawuk nilhokej mʼak tä akäywet» (Proverbios 3:9). Namel matche toj lhakajyaj ihi toj nachumyenlhi lhaka chinaj tʼoj wet mʼayhay iyhaj hopkhilak nachʼote lhaka congregación wet toj iwoyek nʼowo lhometa toj iʼpe honhatna (yahyen 2 Corintios 9:7). Wet isej mʼak toj nathatcho iwoyek nachʼote ipunfwas toj iwatla mʼayek. Wujpe ipunfwas lakey toj «hiwʼenhat lhip häp mʼak» toj ikalhi hopkhilak ithatcho (yahyen 1 Corintios 16:2). Nʼoelh iwoyek ithatcho laka chinaj tʼoj toj ithatho chinaj tʼoj his toj ihi lhip toj nalhaihutwekhen wok ichumyenlhi página toj ihi internet donate.pr418.com. Heowa ihuminchek nanʼaltej toj nahumin lham toj nachumyenlhi mʼak toj hiwʼen namhohen.
NATʼAYHETTSHI TOJ NALECHUFWENEJ
Natetshan mʼayhay iyhaj toj am iwoyek lechʼoteje aka congregación.
3. Iwoyek lechumyenlhi mʼayhay toj lewʼen
Heowa wet Jesús wuj toj ihumin toj natalhtho lhahusek toj nathatcho mʼak toj nawʼen. Jesús itetshan pʼante mʼak toj atsinha tesa iwoye hopkhilak ithatcho mʼak toj hiwʼen. Yahyen Lucas 21:1-4 wet ame mʼayhayna:
-
¿Ha is che wuj chinaj tʼoj toj nʼothatcho hopkhilak Heowa kajejlhi?
-
¿Chi malhyej (Ep hote) toj Heowa wet Jesús ilat lhamehen lewhay toj natalhtho lhahusek toj nathatcho mʼak?
Hopkhilak nahanej chi malhyej (ep hote) toj nʼochumyenlhi mʼak toj nathatcho, yahin VIDEO. Che paj ame mʼayhayna:
-
¿Chi malhyej (Ep hote) toj congregaciones toj iʼpe honhatna isej mʼak toj nathatcho?
4. Iwoyek lechʼote
Biblia yomeje Heowa lakawos toj pajche toj lhaikhajyenej pʼante toj tachʼote nʼowukwey toj nanʼokwiyej lham wet tsʼilakhitʼa chinaj tʼoj toj ichumyenlhi. Yahyen 2 Crónicas 34:9-11 wet ame mʼayhayna:
-
¿Atsi mʼak toj iwoye pʼante nilhokej Israel lhayis hopkhilak tʼuye «Lhawuk Lewʼet», toj hope tʼat lhip toj nʼonʼokwiyej Heowa?
Hopkhilak lehanej chi malhyej (ep hote) toj wichi toj yen lhometa Heowa ihanlhi mʼak toj Israel lhayis iwoye pʼante, yahin VIDEO. Che paj ame mʼayhayna:
-
¿Atsi mʼak toj tamenej toj laha ihi toj is che natʼuye wet nalejchufwi lhip toj nalhaihutwekhen?
-
¿Chi malhyej (Ep hote) toj am iwoyek lechʼote?
5. Hop ipunfwas toj hinʼul iwoyek lhaikhajyenej toj hiwʼen lechumtes iyhaj toj ihi congregación
Biblia inityenej hop cristianos toj hinʼul hopkhilak ichiyhelit letʼekhahyaj wet iwoyek tachʼote laka congregación. Hopkhilak letafwelej ipunfwa toj ikalhi pʼante tajtso, yahin VIDEO. Che paj ame mʼayhayna:
-
¿Atsi mʼayhay toj Ryan iwoye hopkhilak ichiyhelit letʼekhahyaj wet tachʼote laka congregación?
Biblia yome atsi mʼayhay toj is che lhaikhajyenej ipunfwas toj hinʼul che tʼuhlak hopehen ancianos wet ancianos lechʼotfwas. Yahyen 1 Timoteo 3:1-13 wet ame mʼayhayna:
-
¿Atsi mʼak toj nʼotaye che iwoye ipunfwas toj tʼuhlak hopehen ancianos wok ancianos lechʼotfwas?
-
¿Atsi mʼak toj nʼotaye che iwoye lewʼet lheley? (Tetshan versículos 4 wet 11).
-
Che ipunfwas lhaikhajyenej toj ihanlhi mʼak toj Biblia yome, ¿atsi mʼak toj yʼajiyela hop congregación?
IYHAJ WICHI YOME TOJA: «¿Chi malhyej (Ep hote) toj wichi toj yen lhometa Heowa ihutwek chinaj tʼoj hopkhilak iwoye lechumet?».
-
¿Atsi mʼak toj lechulhihola?
MʼAYHAY TOJ LETETSHANNE
Heowa yen hopeya mʼak toj lhayʼe lhip toj laha ihi mʼak toj nawoye toj nachʼote lhaka congregación toj nachumyenlhi lewhay toj nawʼen, lhakhajyhayaj wet mʼayhay toj nawʼen.
Mʼayhay toj nalechufwenejne
-
¿Chi malhyej (Ep hote) toj iwoyek nachʼote lhaka congregación toj nachumyenlhi lhakhajyhayaj wet lewhay toj nawʼen?
-
¿Chi malhyej (Ep hote) toj iwoyek nachʼote lhaka congregación toj nachumyenlhi mʼayhay toj nawʼen?
-
¿Chi malhyej (Ep hote) toj am lehuminchek lechʼote aka congregación?
IWOYEK LEWʼEN IYHAJ MʼAYHAY:
Tafwelej mʼak toj tamenej toj ifwalasna Dios itahiyetʼa che lakawos ithatcho diezmo.
«¿Atsi mʼak toj Biblia yomeje diezmo?» (Nʼochufwenyaj toj ihi jw.org)
Hop Biblia itumtej hinʼul iyhaj toj bautizados lechumet. Mat, che iche ipunfwa atsinha toj bautizada, ¿ha iwatlak lhaitumtej nʼochumtestso?
«Nʼoelh toj lhetekej mʼak toj ihi congregación» (La Atalaya, febrero toj 2021)
Tafwelej mʼayhay toj iwoye wichi toj yen lhometa Heowa toj lhaiwompe lepunfwas hopkhilak tachumla publicaciones.
Tetshan mʼak toj tamenej toj wichi toj yen lhometa Heowa tʼalhiyetʼa laka wichi chinaj tʼoj malhyej toj religiones iyhaj iwoye.
«¿Atsi mʼak toj tachʼote wichi toj yen lhometa Heowa lechumet?» (Nʼochufwenyaj toj ihi jw.org)
Hate nʼalej toj iwoyek lehumin
M’AYHAY TOJ WICHI TAY’ATSHAN LHAMEHEN
¿Chi malhyej (Ep hote) toj ichufwen Biblia hop wichi toj yen lhometa Heowa?
Iwoyek alechufwenej Biblia lelhayʼe elh wichi toj yen lhometa Heowa wet lechumyenlhi aka Biblia. Wet hate iwoyek lelhayʼe hawʼet lheley wok akalayʼis toj lehuminche.
