Hop cristianos toj matchehen tatshupiye toj tajlhamet Heowa toj nʼokwiyej tej che iche mʼak at che hope toj inuhla lenʼayij. Olhamel omatitche toj am lelate tajtso toj tumho ahusek wet Heowa wuj toj ihumin toj am letʼifwtiyej lham (yahyen 1 Crónicas 28:9). ¿Atsi mʼayhay toj iwoyek yelhte atʼifwtihyaj toj letiyej Dios? ¿Wet chi malhyej (ep hote) toj iwoyek letatayhla tajtso?

1. ¿Atsi mʼak toj wichi iwoyek iwoye hopkhilak yelhte atʼifwtihyaj toj letiyej Heowa?

Iche wichi iyhaj toj inuhlahla lhanʼayij hopkhilak namel naleyej toj nachumhoplhi Heowa. ¿Atsi elh toj iwohiyela tajtso? Malhyej toja, iche iyhaj toj ileyej pʼante toj tachumhoplhi Heowa wet athana yome mʼak toj kamatache toj itayhate Heowa laka organización hopkhilak naleche lhatʼekhahyaj. Wichina nʼoyen lheya apóstatas. Hate iche iyhaj toj lhetekej religiones yome sitay lewhay toj yome namel hopkhilak iyhaj toj takhajayhitʼa letʼekhahyaj lhaitiyej kanhi mʼak toj matche. Iwoyek lhawitʼay ihi che natatayhla Dios laka wichi tayhfwas, che nayahyen laka libros, blogs, che natiyajo internet wet nayahin mʼak toj lhamel yome wok laka videos. Jesús yome pʼante iyhaj toj tʼuhlak takhajayhitʼa lhatʼekhahyaj toj natiyej Heowa wet yok: «Yej tachʼahuye lhamel, tsi häpehen asnamis tä yikchufwi iyhäj asnamis. Wet chik asnam yikchufwi elh tä asnam, tanʼislawek chik nichäte chowej» (Mateo 15:14).

2. ¿Atsi mʼayhay toj is che natshupiye ifwalapej toj iwoyek yelhte lhatʼifwtihyaj toj natiyej Heowa?

Nalhayʼajiyetʼa religiones toj kamatachehen hop toj nahumin Heowa. Lhachumet, organización at che nehi, mʼak at che nawoye isitʼak yiwite mʼak toj religión toj kamatache iwoye. Heowa ifwenho laka wichi toja: «Mäyaychʼoye hupuyna», toj yome, Babilonia toj Lhamya (Apocalipsis 18:2, 4).

 NATʼAYHETTSHI TOJ NALECHUFWENEJ

3. Kawayhla nʼochufwenyajwos toj kamatachehen

¿Atsi lhakey toj is che nanʼalit che iche mʼayhay toj isitʼa toj nʼoyomeje Heowa laka organización? Yahyen Proverbios 14:15 wet ame mʼayhayna:

• ¿Atsi mʼak toj tamenej toj ichun is che natetshanchʼoye mʼak toj nalatche wet namatichetʼa nilhokej mʼak toj nalate?

Yahyen 2 Juan 9-11 wet ame mʼayhayna:

• ¿Ha is, che nalhayʼajte hop apóstatas?

• Nʼalej toj nalhayʼajiyetʼa hop apóstatas; mat, tej toj malhnhiyejattso, ¿chi malhyej (ep hote) toj letichunhayajay iwoyek yʼaj namehen?

• Che natchʼahuhla nʼolhomtes toj isitʼa toj nʼotiyej Heowa wet laka organización, ¿chi malhyej (ep hote) toj Heowa ilatla lhame?

4. Tʼifwtiyej Dios che iche ipunfwa toj iwo lechʼisukyaja

Che nahanej toj iche nʼoelh toj ihi congregación toj yamho lechʼisukyaj toj iwoye, ¿atsi mʼak toj is che nawoye? Tetshan Dios laka ley toj hiwʼenho pʼante Israel. Yahyen Levítico 5:1.

Malhyej toj ihi versículo, che nahanej toj iche nʼoelh toj yamho lechʼisukyaj toj iwoye, is che nafwenho hop ancianos mʼak toj nahanej. Mat, mʼak toj ichun toj is che nawoye hope toj is che natahuyej nʼoelh toj iwo lechʼisukyaja hopkhilak tahuyej ancianos wet ifwel mʼak toj iwoye. Mat, che iwohiyetʼa tajtso, nanʼalit toj natʼifwtiyej Heowa, che nafwenho ancianos. ¿Atsi mʼak toj tamenej che nawoye tajtso nanʼaltej lhahumnhayaj wet lhatʼifwtihyaj hop...

• ... Heowa?

• ... nʼoelh toj iwo lechʼisukyaja?

• ... congregación?

 5. Aletiyej kanhi Babilonia toj Lhamya

 MʼAYHAY TOJ LETETSHANNE

Che nahuminchek natʼifwtiyej Heowa, is che natekawayhla iyhaj toj tʼuhlak ifwenchenlhi namel.

Mʼayhay toj nalechufwenejne

• ¿Atsi mʼak toj tamenej toj isitʼak natchʼahuye mʼak toj apóstatas yome?

• Che nahanej toj iche ipunfwa yamho lechʼisukyaj toj iwoye, ¿atsi mʼak toj iwoyek nawoye?

• ¿Atsi mʼak toj is che nawoye hopkhilak nahanlhi nʼofwonyaj toj namalhetwek toj naletiyej kanhi religiones toj kamatachehen?