Heowa hiwʼenho pʼante wichi Honhat hopkhilak ihi. Lewhay toj yenlhi pʼante Adán wet Eva, wichi toj ichun toj iwek, hopkhitʼa toj is che ihi pele. Dios pajche pʼante yenlhi ángeles toj is che ihi lhiptso (Job 38:4, 7). Heowa itihi pʼante hinʼu toj ichun yachuyajwʼet toj isilataj toj lhey Edén (Génesis 2:15-17). Lhayʼe toj, lhamtso wet leles toj hiwʼenla, iwohiyela pʼante tʼat che ilayhiche toj ihi Honhat wet lekajyaj ihiche pajlaʼtha tiyajʼattsiy. Yahyen Salmo 37:29 wet 115:16.

Mat yachuyajwʼet Edén tsajihotʼa pʼante lhip toj ihi toj ihi Honhat. Adán wet Eva is pʼante che lhamel iwo lelesa wet yam tapoyej Honhat wet lhimpajpej toj yʼayhettsi hop yachuyajwʼettso (Génesis 1:28). Honhat pajlaʼtha tiyajʼattsiy toj lewuhuy wichi, wet ihanhiyejtʼala che tatay wok noj. Yahyen Salmo 104:5.

Yahin video ¿Atsi mʼak toj tamenej toj Dios yenlhi pʼante honhat?

Mʼak toj tamenej hop toj Adán wet Eva tachʼahuhiyetʼa pʼante Dios wet nʼochenhen pʼante toj ihi yachuyajwʼet Edén. Tajtso tamenej toj yachuyajwʼettso tatay pʼante wet ihichetʼa nʼoelh che iwoyek yachajo toj iche. Hate, Dios Lhomtes yome toj Honhat nʼowʼenho pʼante wichi toj niʼisa (Job 9:24). Yahyen Génesis 3:23, 24.

Mat, ¿ha Heowa ileche pʼante lenechʼethayaj toj itiyej wichi? Ilehichetʼa, hop toj Lham hope Dios toj wuj toj takhajay wet nilhok mʼak toj iwoye ikalhi (Isaías 45:18). Lewhay toj tatay alhoho, Dios ikalhihila toj wichi ilayhiche toj iʼpe honhatna wet letamsek ihiche malhyej toj lham lenechʼethayaj pʼante toj nechʼenyaya. Yahyen Salmo 37:11, 34.

Jesús, toj Niyat toj ihi Dios Niyatyaj, iwelanthila Honhat yamla wʼatshan wet isilataj. Lhayʼehila ángeles, itayhthila  nilhokej Dios letayhfwas che ihi nʼokaʼtshayaj toj lhey Armagedón. Che tafwaytshi tajtso, hipʼohihla mil nekchomis Satanás, ángel toj fwitsaj toj tamenej pʼante toj Adán wet Eva tachʼahuhiyetʼa Dios. Mat Dios lakawos tafwayhiyeja nʼokalelhthayaj, Jesús toj inuhyenhikwela lenʼayij wet tʼuhiyela wet che lepese lhamel yenla lekajyaja lewʼatshancheyaj toj laj lepesa toj ihi Honhat toj isilataj. Yahyen Apocalipsis 20:1-3 wet 21:3, 4.

¿Atsihila lewhay che Dios inofwat nʼofwitseyaj? Jesús ifwenho pʼante lechufwenkay «nʼotetnek» toj inʼalthila tʼat toj atofwiyetʼa lewhaytso. Mʼayhay toj iche ifwalasna, toj iwoyek inofwat wichi, inʼalit toj nehi lewhay toj lepes «mʼayhay toj iʼpe honhatna» (Mateo 24:3, nwt). Yahyen Mateo 24:7-14, 21, 22.

Lewhay toj mil nekchomis toj niyat Jesús toj ihi pele toj niyathiyeja Honhat, lhimpajpej toj itayhat tʼat mʼayhay toj tamenej toj iche nʼotelaythayajay (Isaías 9:6, 7; 11:9). Tsʼilakhitʼala toj Niyat, hopkhila Sacerdote toj Lhamya, toj itayhthiyeja lechʼisukyajay wichi toj ihumin Dios. Toj malhyejtso, Dios ichumyenhilhila Jesús hopkhilak inofwat nʼotʼinhayajay, toj wichi hichʼuthen wet nʼotʼilek. Yahyen Isaías 25:8 wet 33:24.

Wichi toj tachʼahuye Dios hopkhila che ihi Honhat toj isilataj (1 Juan 2:17). Jesús ichen pʼante lechufwenkay toj is che tʼukwe wichi toj lehusey ihiche hopkhilak ichufwenej wichitso mʼak toj is che iwoye hopkhilak ikalhi toj Dios iyahin toj hopehen iyhaj toj isen. Ifwalasna, Heowa iwaklhat millones wichi hopkhilak ihi honhat toj isilataj (Sofonías 2:3). Toj ihi wichi toj yen lhometa Heowa Lewʼet, iche wichi wet lewʼet lheley toj nokwiyej Dios, lhaichufwenejen mʼak toj is che iwoye hopkhilak hope elh toj is toj lechʼefwa ihi, nʼojchalis wet nʼokolis toj isen wet isej nʼosilotyajay toj ihi Biblia. Yahyen Miqueas 4:1-4.