Dios hope Elh toj lhenek nilhokej mʼayhay. Lham iche pʼante wet ihichetʼala ifwala che yʼil (Salmo 90:2). Hop nʼosilotyaj toj isis toj ihi Biblia talhe tʼat lham (1 Timoteo 1:11). Toj lham pʼante toj nayenwetha hop toj tamenej toj matche toj tʼuhawetej toj natchumhoplhi wet nanʼokwiyej. Yahyen Apocalipsis 4:11.

Ihichetʼa hinʼu che hiwʼen pʼante Dios, tsi lham hope espíritu, nʼoelh toj matche toj inuʼpe namel toj lhatʼisanis ihi wet nalayhiche toj nehi honhatna (Juan 1:18; 4:24). Mat, iwoyek natafwelej chi malhyej (ep hote) Dios che natetshan mʼak toj lhenhay. Malhyej toja, iche wujpe halʼo lhay toj wʼenhahiche wet halʼo lhawol toj lham yenwetha pʼante toj inʼalit namejen toj ihumin namel wet wuj toj lehanyaj ihi. Lhayʼe toj, mʼayhay toj ikapha toj matche toj tsajpha ipayen namehen toj hope elh toj matche toj takhajay. Yahyen Romanos 1:20.

Hate iwoyek natafwelej Dios che nayahyen Biblia. Toja ifwel namhohen mʼayhay toj iwoye pʼante, atsi mʼayhay toj ihuminche wet nhuminache hate atsi mʼayhay toj iwoyeje wichi toj isen wet wichi toj niʼisa. Yahyen Salmo 103:7-10.

Jesús yo pʼantekwe: «Dios tä olhamel Ojcha tä lhe puleye, is chik õyen tʼamajcheta ey» (Mateo 6:9). Tej toj Dios hiwʼen wujpe títulos, hiwʼen tefwajni lhey. Malhyej toj iche wʼenhahiche nʼolhomtes, wujpe lenʼayij toj wichi iwo lheya ichumyenlhi tʼat lhomet. Lheyna toj wichi lhomtes hope Heowa, tej toj nʼochumyenlhi Jehová toj talhe español lhomtes. Dios Lhomtes yok: «Hopkhilak wichi ihanej toj ey hope Heowa, tajlhamet am toj ahope Nʼowujtaj toj iʼpe nilhok Honhat» (Salmo 83:18, La Biblia. Traducción del Nuevo Mundo, nwt).

 Iche wujpe Biblias toj nʼotayhat Dios lhey toj ihi wet nʼotihi títulos malhyej Dios wok Lhawuk. Mat nʼolesaynhay toj nechʼenyaya toj iche pʼante inʼalit Dios lhey toj ihi Biblia nichotyaye siete mil toj yachajopej toj ihi. Jesús itafwnhatej pʼante wichi Dios lhey lewhay toj ichufwenej elh toj hope Dios. Jesús yopʼantekwe: «Otafwnhatej lhamel hop ey» (Juan 17:26, nwt).

Yahin video Dios, ¿ha lhey ihi?

Che matche toj ihumin namel, ¿atsi mʼak toj tamenej toj inuhitʼahla toj iche wujpe nʼotelaythayajay? Iche wichi toj fwetaj iwo lhatelaythayaja hop toj yelhat namehen. Mat toja matichetʼa. Yahyen Santiago 1:13.

Heowa inʼalit namejen lehumnhayaj lewhay toj inuhitʼahla che natshupiye lhanʼayij toj nanukwe. Wet matche toj is che nachumyenlhi tajtso hopkhilak natchumhoplhi (Josué 24:15). Mat, wujpe wichi toj ichumyenlhi hopkhilak iwoye mʼak toj niʼisa wet hop toj tamenej toj iche wujpe nʼotelaythayajay. Mat Heowa toj hiwʼen mʼayhayna toj niʼisache alhoho lefwitajayaj ihi. Yahyen Génesis 6:5, 6.

Heowa iti namejen lehumnhayaj wet tʼuhlak nen lhakajyaja mʼak toj nehi. Tatay lhimpaj wet itayhthila nʼofwitajayaj lhayʼe wichi toj tamenej toj nʼofwitseyaj iche. Mat kamaj, hiwʼen mʼak toj tamenej toj inuhitʼahla toj lhatelaythayaj ihiche. Ihi nʼochufwenyaj 8 toj yʼitathila namhohen mʼayhayna. Yahyen 2 Pedro 2:9 wet 3:7, 13.

Heowa tʼuhlak namwhaye nachumyenlhi tʼat nʼotʼalhyaj. Lham yen lelhakliya weihalhapej namel (Salmo 65:2; 145:18). Wet wakʼalh toj itayhat lhates. Lham hiwʼen toj nalhaikhajyenejen toj nawoye lenechʼethayaj, tej toj iche lewhay toj nakalhihitʼa. Tej toj lhachʼisukyajay ihiche iwoyek nen lhakalayʼiya. Yahyen Salmo 103:12-14 wet Santiago 4:8.

Hop toj Lham nayenwetha pʼante, matche toj tʼuhawetej che nahumin tajlhamet lham (Marcos 12:30). Am iwoyek lenʼalit toj lehumin che alechufwenej atsi elh toj hope Dios wet lewoye mʼak toj Lham neʼtek lewoye. Che lewoye toja, lhayʼepej lhip toj lhamwhaye. Yahyen 1 Timoteo 2:4 wet 1 Juan 5:3.