Mʼak toj nawoye hopkhilak naisej librofwajna
Librofwajna tachʼotla ame che lhen akajyaja toj alechufwenej Dios Lhomtes, hop Biblia. Lhip toj lepes toj ihi párrafos inʼalit atsi lhip toj ihi aka Biblia toj lewʼenla mʼak toj nichulho hop nʼoyʼatshanyajay toj ichalajfwas.
Che tafwaytshi toj leyahyen versículos toj ihi Biblia, is che letetshan chi malhyej (ep hote) toj nichulho nʼoyʼatshanyajaytso. Hop wichi toj yen lhometa Heowa matche toj ihuminchehlak tachʼot ame hopkhilak kalemlhajfwaj toj letafwelche atsi toj ichufwen amej Nʼolhomethi. Yahyen Lucas 24:32, 45.
Nʼosilot: Hop wichi toj yen lhometa Heowa yenlhi nilhokej mʼayhay toj iwoyek nʼoyahyen toj librofwajna yome.
Hate nʼalej toj iwoyek lehumin
MʼAYHAY TOJ YAM NʼOYEHEN
¿Atsi toj nʼal che iche nʼoelh che nʼochufwenej mʼak toj ihi Biblia?
Nilhokpe honhatna, nilhokej wichi itafwelej Wichi toj Yen Lhometa Heowa toj lhamel ichufwenej iyhaj mʼak toj ihi Biblia wet tʼalhitʼaʼpe. Yahin mʼak toj iwoye nʼoelh toj ichufwenej elh Dios Lhomtes.
