Nʼosilotyaj toj is toj yome toj nalayhichehla toj nehi Honhat pajlaʼtha tiyajʼattsiy ihi Biblia (Salmo 37:29). Librona hope 66 librofwas toj inuʼpe 40 hinʼul toj afwtintses toj Dios itshupyene pʼante hopkhilak ilesayen. Hop cinco librofwas toj ichun Moisés pʼante toj ilesayen taj pʼante tres mil quinientos nekchomis, wet librofwaj toj ilepese hope pʼante apóstol Juan toj ilesayen taj pʼante mil novecientos nekchomis. Nilhokej nʼochufwenyajay toj ihi Biblia talhe tʼat Dios. Lham ichumyenlhi pʼante laka espíritu hopkhilak tahuyej nʼolesaynekwos (2 Samuel 23:2). Hinʼulna ilesayen pʼante Dios letichunhayajay hopkhitʼa lhamel letichunhayajay. Toj malhyejtso, Heowa hope elh toj lhenek pʼante Biblia. Yahyen 2 Timoteo 3:16 wet 2 Pedro 1:20, 21.

Yahin video ¿Atsi n’oelh toj lhenek Biblia?

Nahanej toj Biblia talhe tʼat Dios. Wet kalelhaj namhohen toj toja hope mʼak toj matche tsi tajo lewʼet toj yome mʼayhay toj tatay alhoho. Hinʼu che hope iwohiyetʼak ihanej tajtso (Josué 23:14). Tajlhamet hop Dios toj matche toj takhajay iwoyek ikalhi toj iwoye tajtso. Yahyen Isaías 42:9 wet 46:10.

Che iche libro toj talhe Dios, iwoyek namatitche toj hope libro toj weihalha. Librotso hope tʼat Biblia. Millones wet millones toj nʼowʼenhomche wichi wet wʼenhahiche wichi lhomtes toj ihi. Tej toj matche toj pajche, mʼayhay toj yome hope tʼat toj ciencia inʼalit toj iche. Lhayʼe toj, hop 40 hinʼul toj ilesayen pʼante tatayhitʼawek mʼayhay toj lhamel yome. Hate mʼak toj Biblia yome inʼalit namejen Dios lehumnhayaj, wet kamaj hiwʼen lakhajyhayaj toj iwoyek iwo elha imalhewek mʼak toj wichi ihi. Mʼayhayna hop toj tamenej toj millones wichi matche toj imatitche toj Biblia hope tʼat Dios Lhomtes. Yahyen 1 Tesalonicenses 2:13.

Yahin video ¿Atsi m’ak toj tamenej toj iwoyek nat’ekhaye toj Biblia yome m’ak toj matche?

Hop Biblia yome weihalha nʼosilotyaj toj matche toj is: Dios lenechʼethayaj toj lhayʼe lhip toj isilataj toj tʼuhlak itiyej wichi. Biblia yome toj ifwalas toj nechʼe toj iche hinʼu tatay pʼante mʼak toj hiwʼen toj lhayʼe lhip toj laha ihi toj hope pʼante toj ilayhi toj ihi honhat toj isilataj. Hate ikalelhat toj yachajohla toj iche honhattso toj wʼatshan wet isilataj. Yahyen Apocalipsis 21:4, 5.

Dios Lhomtes iche leyes, nʼolhomtes toj tachʼot namehen wet nʼofwonyajay toj ihi. Hate ifwel namhohen mʼak toj Heowa iwoyeje pʼante wichi, tajtso inʼalit namejen lechumyaj. Toj malhyejtso, hop Biblia tachʼot namehen hopkhilak natafwelej Dios wet ichufwen namejen mʼak toj iwoyek nawoye hopkhilak nen lhakalayʼiya. Yahyen Salmo 19:7, 11; Santiago 2:23 wet 4:8.

Hopkhilak ikalelhat mʼak toj ihi Nʼolhomethi, Jesús yome pʼante versículos wet ikalelhat. Hop toj malhyej iwoye librofwajna ichumyenlhi tajtso hopkhilak tachʼot namehen toj natafwelche nʼochufwenyajay toj ihi Biblia. Yahyen Lucas 24:27, 45.

Ihichetʼa mʼak at che hope che inuʼpe nʼosilotyajay toj isis toj Dios hiwʼen namhomche. Mat iche wichi toj itetshanhitʼa wet iyhaj toj ihuminhitʼa toj nʼofwenho lhamel mʼayhayna. Mat, is che lenuhla che lhameltso aikʼefwhatcha. Matche toj laha ihi che alechufwenej atsi elh toj hope Dios, tajtso tamenhiyeja toj iwoyek lelayhi pajlaʼtha tiyajʼattsiy. Yahyen Juan 17:3.