APÉNDICE C
Chi malhyej (Ep hote) toj lechufwenej Biblia wichi toj lechumyenlhi libro ¡Iwoyek lepes ihihitʼa akajyaj!
Ipunfwas matche toj iwo tʼalhyaja wet wuj toj lhamel itichunejlhi atsi nʼochufwenyajay toj itihihla libro ¡Iwoyek lepes ihihitʼa akajyaj!. Toj malhyejtso, hopkhilak matche toj aisej librona, chumyenlhi mʼayhayna toj lechufwenej Biblia wichi.
Toj kamaj lehohiyetʼa achufwenek
-
1. Alewaklhat. En atichunhayaja mʼak toj achufwenek iwatla, mʼak toj ihi wet mʼak toj tʼekhaye. ¿Ha iche toj itafwnhichetʼa wok athaho toj iwoye mʼak toj ihanej? Tetshan nʼochufwenyajay wet videos toj ihi lhip toj lhey «Iwoyek lewʼen iyhaj mʼayhay» wet tichunejlhi chi malhyej (ep hote) toj mʼayhaytso iwoyek tachʼote achufwenek. Toj malhyejtso awaklhila che achufwenek yʼatshan ame lhiptso wok che lewʼen toj achufwenek is che itetshan.
Toj lechufwenej Biblia achufwenek
-
2. Che nʼoelh toj lechufwenej Biblia ihuminche, wo atʼalhyaja toj ichun wet che noj toj lechufwen hate.
-
3. Yej wuj toj lhomlhi. Tajlhamet tetshan nʼochufwenyaj toj ihi libro wet letataye che achufwenek ifwel mʼak toj yen tichunhayaja.
-
4. Che lewo tesa lhip toj ihi libro, yahyen lhip toj wuj toj laha ihi wet katla nʼochufwenyajay iyhaj toj ihi lhiptso.
-
5. Che noj lhip toj amel letetshan, chumyenlhi lhip toj lhey mʼayhay toj nalechufwenejne hopkhilak achufwenek ihusekchʼoye mʼayhay toj matchehen toj ihanej.
-
6. Toj letetshan tefwajni nʼochufwenyaj toj ayʼe achufwenek:
-
Yahyen mʼak toj yome.
-
Yahyen nilhokej textos toj yok «Yahyen».
-
Yahyen textos iyhaj toj ihi lhip toj amel letetshan che tʼuhawetej.
-
Yahin nilhokej videos toj ihi lhip toj yok «Yahin» (che tʼuhawetej).
-
Enlhi nilhokej nʼoyʼatshanhay.
-
Ayʼe achufwenek tetshan nʼopeykas toj ihi lhip toj yok «Natʼayhettshi toj nalechufwenej».
-
Chumyenlhi recuadro «Mʼak toj is che lewoye» hopkhilak achufwenek lhaitetshan che ichiyhelit tʼat letʼekhahyaj. Khajyen hopkhilak iwoyek ikalhi mʼak toj tʼuhlak iwoye. Iwoyek lechumyenlhi mʼak toj ihi recuadro wok mʼak elh.
-
Atshane che ihumin nʼochufwenyaj wok video toj ihi lhip toj lhey «Iwoyek lewʼen iyhaj mʼayhay» lewhay che lhaiwaklhat.
-
Lewhay toj lehoye achufwenek alekhajyenej toj lechufwenej tefwajni nʼochufwenyaj.
-
Toj tafwaytshi toj lechufwenej Biblia nʼoelh
-
7. Tichunejlhi achufwenek. Alhe Heowa che ikopfwaye toj lham ichiyhelit letʼekhahyaj wet che hiwʼen amho ahanyaj hopkhilak lechʼote lham.
