WO TESA TOJ LETAHUYEJ WICHI
NʼOCHUFWENYAJ 5
Am is amtes
Mʼak toj matche toj ihi Biblia: «Chik lhämhoplhi wichi, äm isen ämtes» (Col. 4:6).
Mʼak toj Pablo iwoye pʼante
1. Yahin VIDEO wok yahyen Apóstoles Lhenhay 17:22, 23. Che paj tetshan nʼoyʼatshanhayna:
-
¿Chi malhyej (Ep hote) toj Pablo ilat pʼante lhame lewhay toj hiwʼen toj nʼocheyalis tapoyej Atenas? (Yahyen Apóstoles Lhenhay 17:16).
-
Ifwenhihotʼa mʼak toj niʼisa, ¿chi malhyej (ep hote) toj Pablo ichumyenlhi wichi toj ihi Atenas tʼekhahyajay hopkhilak tʼuye lhomtes toj yome toj ifwenho nʼosilotyajay toj isis?
¿Atsi mʼak toj ichufwen namejen mʼak toj Pablo iwoye pʼante?
2. Che natshupiye nʼolhomtes toj namhiyela wet lewhay toj namhiyela, nʼalej toj nʼochʼahuhla namehen.
Tenla mʼak toj Pablo iwoye pʼante
3. Am is toj letshupiye amtes. Malhyej toja, che letahuyej nʼoelh toj tʼekhahiyetʼa Biblia, nʼalej toj wʼenha lhamej lenʼayij toj lhome Biblia wok toj lhome Jesús.
4. Yej kelit toj lefwone nʼoelh. Yej nuhla che nʼoelh ifwel amho mʼak toj yen tichunhayaja. Wet, che yome mʼak toj yiwithitʼahla Biblia, yej fwenho toj isitʼa alhoho mʼak toj yome (Sant. 1:19). Che lechʼahuye, iwohiyelak lehanej atsi mʼak toj tʼekhaye wet mʼak toj tamenej toj tʼekhaye (Prov. 20:5).
5. Che tʼuhawetej, fwenho toj is tʼat mʼak toj iwoye wet is mʼak toj yome. Husekchʼoye toj nʼalej toj nʼoelh fwetaj toj is tʼat mʼak toj iwoye. Toj ichun ukwe tʼat mʼak toj nʼoelh tʼuhlak ihanej wet che paj chʼote tʼat hopkhilak lhimpajpej itafwelche mʼak toj Biblia yome.
