WO TESA TOJ LETAHUYEJ WICHI
NʼOCHUFWENYAJ 6
Isitʼa che lenoway
Mʼak toj matche toj ihi Biblia: «Mat onowayhyaj ihihitʼa wet wuj tä olhaikhajyenej lhaka Dios tä owo siläta amejen Lesilätyaj tä Is» (1 Tes. 2:2).
Mʼak toj Jesús iwoye pʼante
1. Yahin VIDEO wok yahyen Lucas 19:1-7. Che paj tetshan nʼoyʼatshanhayna:
¿Atsi mʼak toj ichufwen namejen mʼak toj Jesús iwoye pʼante?
2. Iwatlak nanowayhitʼa toj nawo silota nilhokej wichi.
Tenla mʼak toj Jesús iwoye
3. Tʼekhaye Heowa. Dios laka espíritu hiwʼenho pʼante Jesús lakhajyhayaj hopkhilak iwo lhometa, wet hate iwoyek tachʼot ame (Mat. 10:19, 20; Luc. 4:18). Alhe Heowa hopkhilak tachʼot ame toj lenowayhitʼa toj lewo silota wichi (Ap. Lh. 4:29).
4. Tiyej kanhi atichunhayajay toj niʼisahen toj letiyej wichi. Iche pej toj atha namhohen toj namwhaye wichi toj iche mʼak toj iyej tʼisan, lakay toj tawʼuyhi, niyat wok pʼelitsaj, mʼak toj iwoyepej wok che ihi religión elh. Mat husekchʼoye:
-
Heowa wet Jesús iwoyek hiwʼen mʼak toj ihi wichi lehusek, toj namel iwohiyetʼak nawʼen.
-
Namel iwohiyetʼak name toj nʼoelh iwathitʼahlak Heowa lechʼotyaj.
5. Is che lenʼolhi, isitʼa che lenoway (Mat. 10:16). Yej lhen wʼet mʼayeka wichi wet yej tʼukwe mʼak toj tamenej toj iti amej lewak. Che lewʼen toj nʼoelh iwathitʼahlak tachʼahu ame wok lelat ame toj iwoyek iti amej awitʼay is che noj toj letahuyej mat am is amtes toj lechumyenlhi toj lhekchʼoye (Prov. 17:14).
