TʼISIYAKE WICHI
NʼOCHUFWENYAJ 7
Wopej silota wichi
Mʼak toj matche toj ihi Biblia: «Lhamel ilehiyejtʼa tä iwo lechufwenyaja [...] wet iwopej silätayej wichi [nʼosilotyaj toj isis]» (Ap. Lh. 5:42).
Mʼak toj Pablo iwoye pʼante
1. Yahin VIDEO wok yahyen Apóstoles Lhenhay 19:8-10. Che paj tetshan nʼoyʼatshanhayna:
-
Tej che iche pʼante iyhaj toj tatayhla nʼosilotyaj toj ichaje lhamel, ¿chi malhyej (ep hote) toj nahanej toj Pablo ilehiyejtʼa wet tujlhache toj tachʼote iyhaj toj ihuminchek ihanej?
-
¿Chifwajte (Ep hote toj ihi) ifwalas toj Pablo yomhoplhipej iyhaj toj ihuminchek ihanej mʼak toj matche, wet chifwajte (ep hote toj ihi) lewhay toj iwoye tajtso?
¿Atsi mʼak toj ichufwen namejen mʼak toj Pablo iwoye pʼante?
2. Nʼoelh is che lhaikhajyenej toj tʼukwe lewhay hopkhilak yam is toj tʼisiyake wichi wet iwo tesa toj ichufwenej Biblia.
Tenla mʼak toj Pablo iwoye pʼante
3. Tʼisiyake nʼoelh hora toj lham ihuminchek lehoye. Atshan ame: «¿Atsi lewhay toj olham iwoyek oyomhoplhi lham? ¿Atsi lewhay wet atsi lhip toj lham ihumichek ihi hopkhilak tahuy nʼoyej?». Is che lhachajo toj letʼisiyake nʼoelh tej che hopkhitʼa lewhay toj am lehumin.
4. Atshane atsi lewhay toj iwoyek lhachajo toj lhomhoplhi. Toj kamaj nofwitʼa toj letahuyej nʼoelh kalelhtho ifwala wet hora toj lhachajohla toj letʼisiyake. Wet am matche amet.
5. Yej alekefwhatcha. Yej kelit toj lhen atichunhayaja toj nʼoelh iwathitʼahlak yachajo toj tachʼahu ame hop toj lelhokhiyetʼa toj ihi lewʼet wok hop toj wuj lechumet (1 Cor. 13:4, 7). Yej leyej wet tujlhache toj letʼukwe nʼoelh wet am is lewhay toj lechumyenlhi toj lewʼen (1 Cor. 9:26).
