Mʼak toj Jesús iwoye pʼante

¿Atsi mʼak toj ichufwen namejen mʼak toj Jesús iwoye pʼante?

2. Iche iyhaj toj pajche wet nechʼe toj tachumla nʼosilotyajay toj isis, hop toj tamenej toj is che natelaytej.

 Tenla mʼak toj Jesús iwoye pʼante

3. Iwoyek lhelhte mʼak elh toj lechʼote wichi. Che nʼoelh toj ichun tachumhitʼahla toj lhaichufwenej Biblia, yej lenityenej. Mat, che lewʼen toj tʼuhawetej, chumyenlhi videos wok artículos iyhaj hopkhilak hiwʼen chi malhyej (ep hote) toj nachufwenej wichi Biblia wet chi malhyej (ep hote) toj tachʼothiyela che tachumla.

4. Yej techʼaynej nʼoelh toj lhaichufwenej Biblia elh toj tachumhitʼahla. Tefwajpejni wichi wʼenha lhamej. Che iche hawʼet lheley wok elh toj ihi lhip toj am lewo ameta toj wujitʼa toj kalelhaj lhamho toj tachumla toj lechufwenej Biblia, atshan ame atsi mʼak toj tamenej. ¿Ha iche mʼak toj tʼekhaye toj athaho toj ileyej? ¿Ha lewʼet lheley wok wichi toj iwhaye lewʼet inityenej lham che iwohiyetʼa tajtso? Wʼenho lewhay toj tʼuhawetej hopkhilak yen tichunhayaja mʼak toj lefwenho wet is che lham tʼat toj ihumin Biblia lechufwenyaj.

5. Fwenho Heowa mʼak toj nʼoelh ihi. Alhe Heowa che tachʼot ame toj is tʼat atichunhayaj toj letiyej nʼoelh wet lham is amtes. Wet hate alhe hopkhilak lehanej atsi lewhay toj is che leleyej toj letʼisiyake nʼoelh toj wujitʼa toj tachumla mʼak toj matche (1 Cor. 9:26).