TʼISIYAKE WICHI
NʼOCHUFWENYAJ 9
Tafwelej mʼak toj wichi ihi
Mʼak toj matche toj ihi Biblia: «Chik elh chik häpe lakäjyaj ihi, häte is chik amel aʼakäswethä. Chik elh chik häpe lhafwyhayaj ihi, häte is chik amel letafwchehchä» (Rom. 12:15).
Mʼak toj Jesús iwoye pʼante
1. Yahin VIDEO wok yahyen Marcos 6:30-34. Che paj tetshan nʼoyʼatshanhayna:
¿Atsi toj ichufwen namejen mʼak toj Jesús iwoye pʼante?
2. Lewhay toj natafwelej mʼak toj wichi ihi, nanʼalit toj nen lhalhakliya wet tsʼilakhitʼa toj nahane nʼosilot.
Tenla mʼak toj Jesús iwoye
3. Chʼahuye wichi. Chʼanlhaye che yomlhi. Che iche nʼoelh toj tekawayhla mʼak toj lhome wok yome mʼak toj yen tichunhayaja wet mʼak toj yen lelhakliya, chʼahuye. Che lewoye tajtso, nʼoelh hiwʼenla toj am matche toj lhen alhakliya mʼak toj yen tichunhayaja.
4. Tichunejlhi mʼak toj nʼoelh ihi. Husekchʼoye mʼak toj am lhomene wet atshan ame:
-
«¿Atsi mʼak toj tamenej toj is che itafwelej mʼak toj matche?».
-
«¿Chi malhyej (Ep hote) toj isila mʼak toj ihi athana wet tatay alhoho che lhaichufwenej Biblia?».
5. Chumyenlhi mʼak toj nʼoelh iwoyek isej. Kelit toj lepayne chi malhyej (ep hote) toj, che lhaichufwenej Biblia iwohiyelak ichulho leyʼatshanhay wet iwoyek tachʼote.
