• Sl 23:3. ¿Atsi mʼak toj hope «nʼäyhäy tä ische alhoho» wet atsi mʼak toj tachʼotla namehen hopkhilak natujlhache toj nanukwe? (w11-S 15/2 24 párrs. 1-3).

  Achulhyaj

• Toj ihi Biblia lhip toj nʼoyahyen semanana, ¿atsi mʼak toj lewʼen toj lehuminchek lhome?

  Achulhyaj

Hop tsonʼatas itafwelej lewuk lepak wet ihanlhi. Mat che itafwnhiyejtʼa lechos nowaye wet yikchʼoye (Jn 10:5). Malhyej iwoye tajtso namel natchʼahuye wet natʼekhaye iyhaj toj tʼuye lhaka espiritualidad toj hopehen Heowa wet Jesús, toj matche toj humnhatses (Sl 23:1; Jn 10:11). Mat natchʼahuhiyetʼa iyhaj toj natafwnhiyejtʼa lepak, hop toj tʼuhlak ikanchi lhatʼekhahyaj ichumyenlhi nʼolhomtes toj kamatachehen (2Pe 2:1, 3).

Génesis capítulo tres yome lewhay pʼante toj nechʼe toj nʼolate nʼoelh toj nʼotafwnhiyejtʼa lepak. Toj Satanás yamwhaye Eva ifwechʼenlhi ichumyenlhi amlhaj hopkhilak Eva ihanhiyejtʼa toj hope lham toj yomlhi. Fwetaj hope lakalayʼi mat mʼak toj lham tʼuhlak ikalhi hope toj Eva ikachu Heowa lhomtes wet mʼak toj tʼuhlak iwoye. Wet Satanás ikalhi tajtso, Eva tachʼahuye, wet tajtso ichaje wuj lewitʼay wet hate yʼaje lewʼet lheley.

Ifwalasna Satanás hate tʼuhlak nakachu Heowa wet laka organización, ichumyenlhi mʼayhay toj kamatachehen, mʼayhay toj malhyej che matchehen mat mathichʼeta wet iyhaj mʼayhay hopkhilak ifwechʼenwetha wichi. Lewhay toj nalate lepak nʼoelh toj natafwnhiyejtʼa iwatlak nʼekchʼoye, che natchʼahuye tej toj lhimpaj iwitʼayenla namehen. Tej toj lhimpaj lewhay toj Satanás tahuyej Eva ikalhi toj ifwechʼenlhi (Gé 3:1, 4, 5). Mat che iche elh toj natafwelej, ihumin namel wet tʼuhlak naisen, ihuminchek ipayen name mʼak toj yomeje mʼak toj kamatache malhyej Heowa laka organización, ¿atsi mʼak toj nawohiyela?

Yahin VIDEO Natakawayhla iyhaj toj «natafwnhiyejtʼa lepak». Toj paj enlhi nʼoyʼatshanek:

¿Atsi mʼak toj ichufwen amej malhyej mʼak toj Coral iwoyeje lako toj hopkhitʼa wichi toj yen lhometa Heowa?