28 abril - 4 mayo
PROVERBIOS 11
Nʼotenek 90 wet nʼotʼalhyaj | Nʼolhomtes toj ichun (1 min.)
1. ¡Yej lhome!
(10 mins.)
Yej lhome mʼak toj iwoyek iwitʼayen aelh (Pr 11:9; w02-S 15/5 26 párr. 4).
Yej lhome mʼak toj iwoyek tamenej toj iyhaj tataywek (Pr 11:11; w02-S 15/5 27 párrs. 2, 3).
Yej lhome mʼak toj isitʼa che iyhaj ihanej (Pr 11:12, 13; w02-S 15/5 27 párr. 5).
NʼOTETSHANCHʼOYE: ¿Atsi mʼak toj tamenej che nawoye Jesús lhomtes toj ihi Lucas 6:45, tachʼot namehen toj namhiyetʼa mʼayhay toj iwoyek iwitʼayen lhaelh?
2. Nʼolhomtes toj iwatlak natʼukwe
(10 mins.)
-
Pr 11:17. ¿Atsi mʼak toj tamenej toj naisej toj nahope elh toj pʼaltsentsaj? (g20.1-S 11, recuadro).
-
Toj ihi Biblia lhip toj nʼoyahyen semanana, ¿atsi mʼak toj lewʼen toj lehuminchek lhome?
3. Nʼoyahyen Dios Lhomtes
(4 mins.) Pr 11:1-20 (th-S nʼoch. 5).
4. Wo tesa toj letahuyej wichi
(4 mins.) LEWHAY AT CHE HOPE. Ukwe lewhay toj tʼuhawetej toj lefwenho nʼoelh mʼak toj alechufwenej naji toj ihi reunión (lmd nʼoch. 2 punto 4).
5. Tʼisiyakaye wichi
(4 mins.) LEWHAY AT CHE HOPE. Payne wet tetshan video toj ihi lhip toj lhey Nʼochʼotyaj hopkhilak nawo lhometa (lmd nʼoch. 8 punto 3).
6. Wo achufwenkaya
(4 mins.) LHIP AT CHE WICHI IHI. Fwenho nʼoelh toj iwoyek lechufwenej Biblia wet payne (lmd nʼoch. 10 punto 3).
Nʼotenek 157
7. Isitʼa che amtes tamenej toj nemhit iche nʼotamsek
(15 mins.) Nʼotetshan lhayʼe wichi toj tachʼahuye.
Toj nahopehen wichi toj lechʼisukyaj ihi iche toj name mʼayhay toj isitʼak name (Snt 3:8). Toj nen tichunhayaja lhalhomtes toj iwoyek iwitʼayen iyhaj tachʼotla namehen toj natʼuye lhalhomtes hop toj che paj iwoyek naiwo witʼaya. Hope mʼayhayna toj name toj iwoyek itayhat nʼotamsek toj ihi congregación:
-
Nalhaiwujyenej mʼak toj nitʼuhawetayej. Toj nalhaiwujyen iwoyek tamenej toj ipunfwas tataywek wet tʼuhlak hiwʼen mʼayhay toj iyhaj hiwʼen (Pr 27:2).
-
Toj namhiyetʼa mʼak toj matche. Tsʼilakhitʼa toj name mʼak toj kamatache, lhayʼe toj name mʼak toj tamenej toj lhaiyhaj yen tichunhayaja mʼak toj kamatache. Tej toj tefwajni mʼak toj kamatache toj nayome iwoyek tamenej lhaiyhaj nemhit tʼekha name wet iti namej letichunhayaj toj niʼisa (Ec 10:1).
-
Sitawo. Toja hope toj nʼoelh yome mʼak toj kamatache toj iyej iyhaj wok ifwel mʼak toj tʼuhawethiyejtʼa che iyhaj ihanej (1Ti 5:13). Nʼolhomtestso iwoyek tamenej toj iyhaj tataywek wet nemhit lhahipʼajtitwek.
-
Nʼolhomtes toj inʼalit nʼofwitseyaj. Hope toj natetshanhitʼa lhawak toj natiyej hop nʼoelh toj iwoyej name mʼak toj iwo lhafwitseyaja (Ef 4:26). Nʼolhomtesna matche toj iwoyek iwitʼayen nʼoelh (Snt 3:16).
Yahin VIDEO Natekawayhla mʼayhay toj itayhat nʼotamsek (lhip). Toj paj enlhi nʼoyʼatshanek:
-
Toj nawʼen toj athahitʼa toj tatay nʼotamsek toj ihi congregación, ¿atsi mʼak toj ichufwen amej hop video toj yome lhalhomtes toj nachumyenlhi lewhay toj namwetha?
Che letʼuhlak lehanej chi malhyej (ep hote) toj yachajo toj iche nʼotamsek, yahin video «Busque la paz y vaya tras ella».
8. Congregación lhaichufwenej Biblia
(30 mins.) bt nʼoch. 25 párrs. 14-21.
