2-8 septiembre
SALMOS 79-81
Nʼotenek 29 wet nʼotʼalhyaj | Nʼolhomtes toj ichun (1 min.)
1. Nanʼalit toj nahumin Heowa lhey
(10 mins.)
Naletontehla mʼayhay toj iwoyek hichʼoyhen Heowa lhey (Sl 79:9; w17.02-S 9 párr. 5).
Natʼanchʼoye Heowa lhey (Sl 80:18; ijwbv 3 párrs. 4, 5).
Heowa wuj toj ikopfwaye iyhaj toj iwoye lhomtes wet inʼalit toj ihumin lhey (Sl 81:13, 16).
Hopkhilak mʼayhay toj nawoye iwujyen Heowa lhey, is che nafwel toj nahopehen wichi toj yen lhometa Heowa.
2. Nʼolhomtes toj iwatlak natʼukwe
(10 mins.)
-
Sl 81:11, 12. ¿Atsi mʼak toj wujpe wichi yen letichunhayaja ifwalasna, wet atsi mʼak toj is che nawoye hopkhilak natekawayhla? (w00-S 15/11 21 párrs. 3, 4).
-
Toj ihi Biblia lhip toj nʼoyahyen semanana, ¿atsi mʼak toj lewʼen toj lehuminchek lhome?
3. Nʼoyahyen Dios Lhomtes
(4 mins.) Sl 79:1-80:7 (th-S nʼoch. 10).
4. Wo tesa toj letahuyej wichi
(1 min.) TOJ IHI LEWʼETES. Fwenho nʼoelh toj iwoyek lechufwenej Biblia (lmd nʼoch. 4 punto 4).
5. Wo tesa toj letahuyej wichi
(3 mins.) LEWHAY AT CHE HOPE. Fwenho nʼoelh toj iwoyek lechufwenej Biblia (lmd nʼoch. 4 punto 3).
6. Wo tesa toj letahuyej wichi
(2 mins.) LHIP AT CHE WICHI IHI. Fwenho nʼoelh toj iwoyek lechufwenej Biblia (lmd nʼoch. 3 punto 3).
7. Tʼisiyakaye wichi
(5 mins.) TOJ IHI LEWʼETES. Fwenho nʼoelh toj tachʼahu ame toj iwoyek lechufwenej Biblia, tej toj lewhay toj pajche tʼuhitʼahlak (lmd nʼoch. 8 punto 3).
Nʼotenek 10
8. Yenla tʼamajcheta olhey
(15 mins.) Nʼotetshan lhayʼe wichi toj tachʼahuye.
Satanás iwo pʼante tesa toj hichʼoyhen Heowa lhey lewhay toj ihi honhat toj wʼatshan wet isilataj, Edén. Talhe lewhaytso wuj toj laha ihi toj wichi wet ángeles itshupiye che iwujyenla Heowa lhey wok kha.
Lhek natetshan iyhajfwas mʼayhay toj kamatache toj Satanás yomeje Heowa. Fwetaj hope niyat toj niʼisa wet toj lehumnhayaj ihihitʼa (Gé 3:1-6; Job 4:18, 19). Ikalelhat toj Heowa lakawos mathichetʼa toj ihumin Heowa (Job 2:4, 5). Ikalhi toj wujpe wichi imatitche toj hopkhitʼa Heowa toj lhenek nilhokej mʼayhay toj iche (Ro 1:20, 21).
¿Atsi mʼak toj tum ame toj lelate nilhokej mʼayhaytso toj kamatachehen? Nʼalej letʼuhlak lenuhla mʼayhay toj lhamel yome wet lenʼalit toj mathichetʼa. Heowa pajche ihanej toj lakawos tʼuhlahlak yen tʼamajcheta lhey (Is 29:23). Wet am, ¿atsi mʼak toj iwoyek lewoye?
-
Chʼote wichi toj itafwelej Heowa hopkhilak ihumin (Jn 17:25, 26). Alewaklhat toj lechumyenlhi mʼayhay toj inʼalit toj Heowa iche wet chufwenej wichi Lham lakeyis iyhaj toj matche toj isis (Is 63:7).
-
Humin Heowa malhetwek ahusek (Mt 22:37, 38). Woye Heowa lefwonyajay hop toj letʼuhlak lenʼalit toj lehumin, tsʼilakhitʼa toj aisej lefwonyajaytso (Pr 27:11).
Yahin VIDEO Nʼohumnhayaj ihanhiyejtʼak noj, tej toj ihi aka escuela yen wʼet mʼayeka Dios. Toj paj enlhi nʼoyʼatshanhay:
-
¿Atsi mʼak toj iwoye Ariel wet Diego toj lhaithatche Heowa lhey?
-
¿Atsi mʼak toj tamenej toj lhamel lhaithatche Heowa?
-
¿Atsi mʼak toj iwoyek lewoye hopkhilak leten lhamel?
9. Congregación lhaichufwenej Biblia
(30 mins.) bt nʼoch. 15 párrs. 1-7 wet mʼak toj yome Lhip 6.
