Hop Wichi toj yen lhometa Heowa ichumyenlhi pʼante wujpe Biblias toj wʼenhahiche hopkhilak lhaichufwenej. Mat wuj toj iwujyen hop Traducción del Nuevo Mundo toj wʼenhahiche nʼolhomtes toj iche. Lhamel iwoye tajtso hop toj Bibliatso ichumyenlhi Dios Lhey, tajo lewʼet mʼak toj yome, wet athahitʼa toj nʼotafwelche.

•   Ichumyenlhi Dios lhey. Nilhokhiyejtʼa wichi toj yenlhi Biblias ifwalasna iwujyen elh toj lhenek Biblia. Malhyej toja, iche traducción toj inʼalit toj iche 70 wichi toj tachʼote toj yenlhi wet inʼalit lheyis, mat inalhtitʼa elh toj lhamya toj lhenek lhey, toj hope Heowa.

   Mat Traducción del Nuevo Mundo itatho pʼante Dios lhey toj ihi lhipey toj tʼuhawetej toj pajche ihi, wet yomhiyetʼa hinʼul toj iwo pʼante tradusiya Biblia hop lheyis.

•   Tajo lewʼet mʼak toj yome. Iche traducciones toj tajihotʼa lewʼet mʼak toj yome. Malhyej toja, iche wujpe Biblias toj yome toj ihi Mateo 27:40 toj yok: «Chik ahäpe Dios Lhäs, ¡lhek nuhchä tä lhe’pe cruz!». Mat hinʼul toj ilesayen pʼante Biblia ichumyenlhi lhomet toj yok «halʼo». Nʼalej toj wichi toj iwo pʼante tradusiya ichumyenlhi nʼolhomet «cruz» hop toj lhamel fwetaj Jesús ihi cruz toj yʼil. Mat toja yiwtiyejtʼahla Dios Lhomtes. Toj malhyejtso Biblia Traducción del Nuevo Mundo ichumyenlhi nʼolhomet toj yok «halʼo».

•   Athahitʼa toj nʼotafwelche. Matche, wuj toj laha ihi toj traducción tajo lewʼet nʼolhamtes toj ichumyenlhi, mat hote is che athahitʼa toj nʼotafwelche, wok kalelhaj. Malhyej toja, Filipenses 1:8 toj Griego lhomtes yok: «nʼohumnhayaj toj talhe hop Cristo lekasley», mat wuj toj atha toj nʼotafwelche tajtso. Toj malhyejtso, hop Traducción del Nuevo Mundo toj ihi lhiptso yok: «otipej amehen ohumnhayaj toj wuj toj malhyej iwoye Cristo Jesús lehumnhayaj».

 Hop Traducción del Nuevo Mundo tajlhamhiyetʼa toj iwujyen Dios lhey, tajo lewʼet mʼak toj yome wet athahitʼa toj nʼotafwelche. Mat hote nilhokej wichi iwoyek hiwʼen hop Traducción del Nuevo Mundo wet ihichetʼala elh che nʼotʼalhe laha. Toj malhyejtso, millones wichi iwoyek iyahyen Biblia toj hope lhomtes tej toj hiwʼenhitʼa chinaj tʼoj.