Wichi toj yen lhometa Heowa ichumyenlhi nʼayij toj kalelhaj hopkhilak wichi lhaichufwenej mʼak toj ihi Dios Lhomtes. Olhamel ochufwenyaj toj talhe Biblia iwoyek tach’ot ame toj lekalhi mʼayhayna:

•   Toj akajyaj ihi.

•   Toj ahope Dios lakalay’i.

•   Toj lehanej m’ak toj Biblia ichufwenej lewhayis toj letataye.

Toj ihi lhipna nichulhihola n’oy’atshanhayna:

•  ¿Chi malhyej (Ep hote) toj n’olhaichufwenej Biblia?

•  ¿Ha nʼotʼalh nʼoyej chinaj tʼoj?

•  ¿Chihotefwaj (Ep hote toj ihi) lewhay toj is che olhaichufwenej?

•  ¿Atsi lhip toj owo tesa?

•  ¿Ha iwoyek oyelhte chi malhyej (ep hote) toj olhaichufwenej Biblia?

•  Che owo tesa toj olhaichufwenej Biblia, ¿ha is che ohope elh wichi toj yen lhometa Heowa?

•  ¿Ha iwoyek ochumyenlhi oka Biblia?

•  ¿Ha iwoyek olhayʼe elh toj olhaichufwenej Biblia?

•  Che olhaichufwenejte Biblia, ¿ha iwoyek yachajo toj olhaichufwenej?

•  ¿Ha iwoyek otʼsilak toj olhaichufwenej Biblia?

 Hop nʼochufwenyajwo tachʼotla ame toj letafwelej mʼak toj ihi Biblia. Che alechufwenej Biblia isej libro toj lhey ¡Iwoyek lepes ihihitʼa akajyaj! lhimpajpej lehanhiyeja mʼak toj Biblia ichufwen amej wet chi malhyej (ep hote) toj aisej. Che lehuminchek lehanej iyhaj mʼayhay, yahin videona.

 Kha. Hop wichi toj yen lhometa Heowa iwoye mʼak toj Jesús neʼtepʼantek lechufwenkay toj yok: «Yej tʼalheje laha wichi häp mʼayhay tä isen tä lewoyeje» (Mateo 10:8). Che alechufwenej Dios Lhomtes nʼotʼalhitʼa ame chinaj tʼoj. Hate iwoyek lewʼen libro toj lhey ¡Iwoyek lepes ihihitʼa akajyaj! wet Biblia che lewatla.

 Libro hiwʼen 60 nʼochufwenyajay. Iwoyek alechufwenej lewhayis toj am lehumin. Wujpe wichi itshupiye toj lhaichufwenej tefwajni nʼochufwenyaj semanapej wet iyhaj lhaichufwenej dos wok tres nʼochufwenyajay semanapej.

1.  1. Lesayen formulario toj ihi internet. Mʼayhay toj am letat nʼoyehen toj yom ame tajlhamet olhamel toj ochumyenejlhi nʼoelh toj wichi toj yen lhometa Heowa hopkhilak tahuy ame.

2.  2. Nʼoelh toj wichi toj yen lhometa Heowa toj tahuy ame. Yithatla mʼayhay toj alechufwenhiyeja wet nichulhihola ayʼatshanhay.

3.  3. Am wet achufwenyajwo itshupiyela lewhay. Iwoyek lechumyenlhi teléfono, video llamada, cartas wok correo electrónico hopkhilak alechufwenej Biblia lelhayʼe achufwenyajwo. Iwoyek alechufwenej Biblia nichatyaye una hora malhyej toj am lehuminche.

 Iwoye. Is che lethate formulario toj ihi internet. Lewhay toj achufwenyajwo tahuy ame, fwenho che lehuminchek alechufwenej tefwajni nʼochufwenyaj. Toj malhyejtso nʼochumyenlhila librofwaj toj lhey ¡Iwoyek lepes ihihitʼa akajyaj! toj tajlhamet iche tres nʼochufwenyajay.

 Kha. Hop wichi toj yen lhometa Heowa ihuminchek ichufwenej Biblia nʼoelh, mat inityenhihentʼa toj iyhaj lhaipʼajtej laka religión. Lhamel yithat mʼak toj ihi Biblia wet ihanej toj elhpej wichi iwoyek itshupiye mʼak toj imathitche (1 Pedro 3:15).

 Iwoyek lechumyenlhi Biblia toj am lehuminche. Tej toj olhamel ochumyenlhi Traducción del Nuevo Mundo hop toj kalelhaj wet athahitʼa toj nʼotafwelche, mat nahanej toj wujpe wichi ihuminchek ichumyenlhi lhamel laka Biblia hop toj itafwelej.

 Iwoyek lelhayʼe hawʼet lheley wok akalayʼis che lehuminche.

 Iwoye. Che alechufwenej athana nʼalej toj lhayʼepej lhip toj lehuminhila. Mʼak toj alechufwenhiyeja hope mʼak toj wichi iwatla ihanej athana. Iche videos wet nʼopeykas toj iwoyek lhame toj lelhayʼe achufwenyajwo.

 Iwoye. Tej toj wujpe wichi toj ihuminchek lhayʼe nʼochufwenyajwo toj lhaichufwen, iche iyhaj toj ichun tʼsilak toj lhaichufwenhen. Lhip toj lhey «Ayudas para estudiar la Biblia» iche wujpe mʼayhay toj iwoyek letetshan, malhyej toja:

•   Videos sobre la Biblia. Hopehen videos toj nipitesa toj yithat nʼochufwenyajay toj ihi Biblia.

•   Nʼoyʼatshanhay toj talho Biblia. Hopehen nʼochufwenyajay toj nichulho wujpe nʼoyʼatshanhay toj talho Biblia.

•   Textos bíblicos explicados. Lewʼenla nʼochufwenyajay toj talho nʼolhomtes toj ihi Biblia toj wujpe wichi itafwelej.