Matche. Jesús yo p’antekwe: «Olham ohäpe nʼäyij, ohäpe mʼak tä matche, ohäpe nʼowʼatshancheyaj. Ihichetʼa nʼäyij elh chik ichätyene wichi häp Ojcha, tajlhamat olham» (Juan 14:6). Olhamel omatitche toj Jesús nam p’ante honhate toj talhe pele yamthilek iwom lew’atshancheyaj toj newache m’ak toj ni’isa che iyej (Mateo 20:28). Hop wichi toj t’ekhaye lham t’ilek wet toj yachajo toj ilayhi p’ante, iwoyek ikatej lew’atshancheyaj toj t’un (Juan 3:16). Hate olhamel omatitche toj Jesús hape Niyat toj ihi leniyatyaj toj ihi pele wet tatay lhimpaj ichajiyela n’otamsek nilhok’pe honhat (Apocalipsis 11:15). Hate Jesús yo p’antekwe: «Ojcha [...] inu oʼpe» (Juan 14:28). Olhamel otchumla Jesús lhamtestso wet omatitche toj lham hopkhit’a Dios toj lajit letumfwaya. Toj malhyejtso tek onokwiyej.