LAAJ 6
Lan la Biibël bi yéglewoon ci Almasi bi ?
LI MU YÉGLEWOON
“ Yaw mii, Betleyem Efrataa, . . . ci yaw la kiy nguuru ci Israyil di jóge ndax man. ”
Mika 5:2, MN
NI LOOLU AME
“ Bi nga xamee ne Yeesu juddu na ci Betleyem di diiwaanu Yude, amoon na ay boroom xam-xam, ñu jóge penku, ñëw Yerusalem. Booba, ci jamonoy buur bi Erodd la woon. ”
LI MU YÉGLEWOON
“ [Dañuy] séddoo samay yére, di tegoo bant sama mbubb. ”
NI LOOLU AME
“ Xarekat ya, bi ñu daajee Yeesu ca bant ba, ba noppi dañoo jël ay yéreem, séddale ko ñeenti cér . . . Jël nañu it mbubbam bu ñu ràbb ca kaw ba ci suuf te amul benn ñaw. Xarekat ya di waxante naan : « Mbubb mi, bunu ko xotti, waaye nanu ko tegoo ay bant, ngir xam ku koy moom. » ”
LI MU YÉGLEWOON
“ Di ko sàmm, ba benn yaxam du damm. ”
NI LOOLU AME
“ Bi ñu agsee ci Yeesu, dammuñu ay tànkam, ndaxte gis nañu ne booba faatu na. ”
LI MU YÉGLEWOON
“ Sunuy bàkkaar a tax mu gaañu [“ ñu jam ko ”, MN]. ”
NI LOOLU AME
“ Waaye kenn ca xarekat ya daldi jël xeej, jam ko ko ci wet, ca saa sa deret ak ndox di tuuru. ”
LI MU YÉGLEWOON
“ Joxe nañu sama pey, fanweeri poseti xaalis. ”
NI LOOLU AME
“ Ca waxtu woowu kenn ci fukki taalibe ya ak ñaar, ku tudd Yudaa Iskariyo, dem ca sarxalkat yu mag ya, ne léen : « Lan ngeen ma mana jox, ngir ma jébbal leen Yeesu ? » Noonu sarxalkat ya daldi ko waññal fanweeri poseti estateer. ”
