XAAJ 4
Diggante Buur bu jëkk bi ci Israyil ba bi ñu nekkee jaam ca Babilon
Sóol moo doon buur bi jëkk ci Israyil. Waaye Yexowa bàyyi na ko te dafa tànn Daawuda ngir mu jël palaasam. Dinañu jàng lu bare ci Daawuda. Bi mu nekkee xale, dafa xeex ak ponkal bi tudd Goliyàtt. Ay at ginnaaw loolu, daw na buur bi Sóol ndaxte Sóol dafa ko doon iñaane. Te it am na jigéen bu rafet bu tudd Abigayil bu ko tere def lu ñaaw lool.
Dinañu jàng itam lu bare ci doomu Daawuda bi tudd Suleymaan te nekkoon buuru Israyil ginnaaw Daawuda. Ñetti buur yi jëkk ci Israyil, kenn ku nekk dafa nguuru 40 at. Ginnaaw bi Suleymaan gaañoo, xaaj nañu Israyil mu am ñaari nguur : benn bu féete bëj-gànnaar ak beneen bu féete bëj-saalum.
Nguur gi féete woon bëj-gànnaar, dafa boole woon 10 giiru Israyil. Yàgg na 257 at bala waa Asiri alag ko. Ay 133 at ginnaaw loolu, alag nañu itam nguur gi féete woon bëj-saalum. Booba lañu yóbbu waa Israyil ñu nekk jaam ca Babilon. Kon dinañu gis ci XAAJ 4 ay xew-xew yu bare te am solo yu amoon ci lu mat 510 at.
IN THIS SECTION
NETTALI 56
Sóol, Buur Bi Jëkk A Am Ci Israyil
Yàlla moo tànnoon Sóol ca njàlbéen waaye moo ko folli itam, mën nañu ci jànge lu ñuy jariñ.
NETTALI 58
Daawuda Ak Goliyàtt
Gànnaayu Daawuda rekk daanul Goliyàtt waaye leneen lu ko ëpp doole la.
NETTALI 59
Li Tax Daawuda War A Daw
Bu njëkk, Sóol dafa kontaanoon lool ci Daawuda, waaye mujj na di ko iñaane ba di ko wut a rey. Lu tax ?
NETTALI 60
Abigayil Ak Daawuda
Abigayil dafa woowe jëkkëram ku amul benn xel, moo tax Nabal deewul, waaye loolu taxul mu rëcc lu yàgg.
NETTALI 61
Dañu Def Daawuda Buur
Daawuda wone na ne mat na ngir doon buur ci Israyil ci li mu def ak li mu nanguwul woon a def.
NETTALI 62
Daawuda Am Na Poroblem Ci Biir Këram
Lenn lu garaaw lool li Daawuda def jural na ko musiba moom ci boppam ak njabootam ay at.
NETTALI 64
Suleymaan Mu Ngi Tabax Kër Yàlla Gi
Doonte sax Suleymaan amoon na xel lool, loolu terewul ñu puus ko ba mu doxale ni ku ñàkk xel te jëf jëf ju bon.
NETTALI 65
Xaaj Nañu Nguur Gi
Bi Yérobowam komaasee nguuru rekk, dafa dugal mbooloo mi ci bàyyi yoonu Yàlla.
NETTALI 66
Jabaru Buur Bu Tuddoon Yesabel Te Nekkoon Ku Bon
Dara mënu ko woon a teree am li mu bëgg.
NETTALI 67
Yosafat Teg Na Yaakaaram Ci Yexowa
Lu tax ay xarekat yuy dem ngir xare nangu ay woykat yu yorul gànnaay jiite leen ?
NETTALI 74
Góor Gii, Tiitul, Ragalul
Yérémi dafa xalaatoon ne mënta nekk yonent ndaxte xale la, waaye Yàlla xamoon na ne Yérimi dina ko mën.
NETTALI 75
Ñeenti Xale Yu Góor Ca Babilon
Ñoom mujj nañu tekki doonte sax teqali nañu leen ak seeni mbokk.
NETTALI 76
Ñu Ngiy Alag Yerusalem
Lu tax Yexowa bàyyi noonu Israyil yi, maanaam waa Babilon alag Yerusalem ?