XAAJ 7
Bi Yàlla dekkalee Yeesu ba bi ñu tëjee Pool kaso
Yeesu dekki na ci ñetteelu fan bi ginnaaw bi mu deewee. Bés boobu, feeñu na taalibeem yi juróomi yoon. Mu daldi leen feeñu ci lu mat 40 fan, ba pare mu yéeg asamaan, fekk ay taalibeem ñu ngi ko doon xool. Fukki fan ginnaaw loolu, Yàlla wàcce na xel mu sell mi ci taalibe Yeesu yi nekkoon Yerusalem di xaar.
Ginnaaw loolu, ay noonu Yàlla tëj nañu ndaw yi kaso, waaye benn malaaka génne na leen kaso ba. Ñi bañoon Ecen dañu ko sànni ay xeer ba mu dee. Waaye dinañu gis ni Yeesu tànne kenn ci ñoom pur mu nekk ndawam. Kooku mooy ndaw li Pool. Ñetti at ak génn-wàll ginnaaw bi Yeesu deewee, Yàlla yónni na ndaw li Piyeer ci ku nekkul woon Yawut te tudd Korney ngir mu waar ko, moom ak njabootam.
Lu jege 13 at ginnaaw loolu, Pool tàmbali na tukkeem bu jëkk ngir waare. Timote ànd na ak Pool ci ñaareelu tukki bi mu def. Pool ak ñi mu àndaloon fekke nañu lu bare lu neex te xumb ci liggéeyu Yàlla bi ñu doon def. Dinañu jàng loolu ci xaaj bii. Mujj nañu tëj Pool kaso ci Room. Bàyyi nañu ko mu génn ñaari at ginnaaw loolu, waaye dañu ko mujj a tëjaat kaso, ba pare rey ko. Li ñu nettali ci XAAJ 7, amoon na ci biir lu war a tollu ak 32 at.
IN THIS SECTION
NETTALI 102
Yeesu Mu Ngi Dund
Bi benn malaaka ñówee puus xeer bu mag bi tëjoon bàmmeelu Yeesu bi, soldaar yi dañu waaru ndax li ñu gis ci biir.
NETTALI 104
Yeesu Mu Ngiy Dellu Asamaan
Bala Yeesu di dem asamaan, dafa jox taalibeem yi ndigal bi mujj.
NETTALI 105
Ñu Ngiy Xaar Ci Yerusalem
Lu tax Yeesu wàcce xel mu sell mi ci taalibeem yi ci bésu Pàntakott ?
NETTALI 106
Génne Nañu Leen Kaso
Njiitu diine Yawut yi dañu dugal ndaw yi kaso ngir ñu bàyyi waare bi, waaye Yàlla amoon na leneen ci xelam.
NETTALI 108
Ci Yoonu Damas
Ab leer buy gumbalaate ak baat bu jóge ci kaw asamaan dañu soppi dundu Sool.
NETTALI 110
Timote Mooy Dimbali Pool Léegi
Timote bàyyi waa këram ngir ànd ak Pool ci liggéeyu waare bi.
NETTALI 111
Xale Bu Góor Bu Gëmméentu Ba Nelaw
Ëtikus dafa nelaw ci waare Pool bi njëkk waaye du ci ñaareel waare bi. Li xewoon diggante ñaari waare kéemaan la dëgg.
NETTALI 112
Gaal Gi Toj Na
Bi ñépp demee ba reer, Pool daldi jot xibaar bu jóge ci Yàlla, xibaar bu ko may yaakaar.