E marĩ hã Höimanaꞌuꞌö Nhimiꞌmadö
Aima hã . . .
-
e ĩtsibꞌaꞌuwẽ.
-
e daro höiwa ãma.
-
e rotidzé höiwa ãma.
E NIHA BÍBLIA TE TINHA
‘Ropö te dza oto Höimanaꞌuꞌö nhimiꞌmadöꞌö tsi ꞌre danomro... te dza tô te te ꞌre daꞌabꞌmadöꞌö uꞌötsi oto.’ — Apocalipse 11:15, ꞌRe Ĩhâimana Uꞌâsi Mono Zadawa Wasuꞌu.
‘Aiꞌra hã prédu waptsi, dama pire na te dza ꞌre mo... Danhibꞌapito te dza tiꞌra ma pitsutu tsiꞌapito da.’ — Lucas 1:32.
E NIHA TA HÃ TE DZA AIPAWAPTO
-
Ĩtsimiꞌmadö ĩbö te dza aipawapto petse aihöimanadzém na ãhãna. — Mateus 5:3.
-
Ĩtsimiꞌmadöꞌö na hã te dza ꞌre aihöimana dahödzém ãna duré rowẽ na tiꞌa ĩtém ãma hã aptoꞌoré hã. — Apocalipse 21:3, 4.
E WA DZA TSADZEI PETSE DZAꞌRA NI BÍBLIA TE TE ĨNHARĨ HÃ.
Ĩhe, maparane marĩ uꞌöbö:
-
Jesus ma tô ãma tsimiréꞌé Höimanaꞌuꞌö Nhimiꞌmadö dza te te ĩꞌmanharĩdzé hã. Ma tô tinhibꞌpitsutu norĩ ma hã waihuꞌu te te waptẽrẽ dzaꞌra da Höima- naꞌuꞌö Nhimiꞌmadö wei witsi da duré Höimanaꞌuꞌö te te tsima ĩwẽdzé hã watobro da Tiꞌai ãma. (Mateus 6:9, 10) Jesus ma tô watsuꞌu e niha ã hã rowaptẽrẽ te dza ãma uwaimrami ni.
Tiꞌab ré, Jesus datsa ma tô dama titsõ, ma tô daꞌapetse ĩhödzé ré norĩ hã duré ma tô daꞌahöiwaꞌutu adöꞌö norĩ hã. (Mateus 15:29-38; João 11:38-44) Rotiꞌwa na ĩpitsudu hã Höimanaꞌuꞌö Nhimiꞌmadöꞌö na, Jesus ma tô höiꞌré nimahã marĩ wẽ norĩ Ĩtsimiꞌmadö dza te te ĩꞌmanharĩdzéb da ĩwapariꞌwa norĩ ma. — Apocalipse 11:15.
-
Marĩ ĩwarébé mono Tiꞌai mono bö te höiꞌré dzaꞌra Höimanaꞌuꞌö Nhimiꞌmadö romhutu na dza we ĩwitsi na hã. Jesus ma tô watsuꞌu Höimanaꞌuꞌö Nhimiꞌmadö te te ĩꞌãwitsi u romharé Tiꞌai u romhuture wamhã, ĩhöimana dzaꞌra hã dza datsiꞌwapé, mra duré tiꞌai popo. — Mateus 24:3, 7.
à bötö mono na hã, wa natsi ꞌmadöꞌö dzaꞌra ni ta norĩ marĩ ĩwairébé na. Taha wa, wa dza umnhatsi dzaꞌra ni Höimanaꞌuꞌö Nhimiꞌmadö romhutu na dza te te ĩꞌuprotsi na uburé ropipa hã.
ÃMA ROTSAꞌRATA
E niha dza dahöimanadzé hã Höimanaꞌuꞌö Nhimiꞌmadöꞌö ãma hã.
Bíblia te tsadaꞌö ta hã APOCALIPSE ãma 21:3-5.
Ãté aima wẽ di dza taha na duré
ROPOTOꞌWAI MREME NHIMIROWAHUDU ĨPIRE
E marĩ hã Höimanaꞌuꞌö Nhimirobꞌrudzé
Tiꞌai ré, Jesus ma tô dama romnhoré petse Höimanaꞌuꞌö Nhimirobꞌrudzéb dzô. Ã bötö mono na hã duré, daꞌahö na te da te ꞌre rowaptẽrẽ dzaꞌra Höimanaꞌuꞌö Nhimirobꞌrudzéb dzô.
ROꞌMADÖꞌÖꞌWA
E marĩ Ropotoꞌwa nhimirobꞌrudzé te dza ãma uwaimra.
Jesus ma tãma waihuꞌu petse di Ropotoꞌwa nhimirobꞌrudzép tsi te dza uprotsi dama ropire. E marĩ dzarina wa dza umnhatsi dzaꞌra ni tahã Ropotoꞌwa nhimirobꞌrudzé te te ĩꞌmanharĩ na hã dza. ꞌMadöꞌö e marĩ Ropotoꞌwa nhimirobꞌrudzé ma tô ꞌmanha.
E ꞌWAM NORĨ, WA NORĨ HÃ
E marĩ da romnhoré Biblia na.
Daꞌahö uptabi na daro mono bö ma tô waihuꞌu dzaꞌra ĩtsadaꞌöbödzé dadzadanharĩ ĩpire da hã dahöimanadzém na hã Biblia ꞌremhã. E te atsima ĩwẽ tsõpẽtẽ da.
BÍBLIA NHIMIROWAHUTU NORĨ
Ãma tsãnaꞌrata romnhoré na Ropotoꞌwai mreme na
Ãma tsãnaꞌrata Ropotoꞌwai mreme na romnhoré da rowahutuꞌwai me waꞌöbö ãna.
