ĨWAꞌÕNO 5
ꞌRe aihöimana wẽ mono aimaprewa norĩ ma hã
‘Te dza tô oto daꞌãma ꞌre aiwamri mono. Te dza duré ꞌre ĩdapawapto wẽ mo, ꞌröwi ꞌre atsiꞌmadöꞌö dze mono õ di dza. Duré aiwara tsina dadzada ꞌre atsahi mono õ di dza.’ — Colossenses 3:12
Datsina damro wamhã, família ĩté te dza ãma tinhanaꞌrata. Aimama norĩ aima tsawi uꞌötsi dzahuré mono nherẽ duré ꞌre wadzéb dzahuré mono nherẽ, aimro hã danhipai u ĩpire. Tane nherẽ ãté damama norĩ ma hã pire di tahã te te wadzéb dzaꞌra da. Tadzahã, Bíblia nhimiroti te dza te te ꞌre aipawaptob uꞌötsi romharé na ꞌre aihöimana mono da aimama norĩ ma hã, duré aimaprewa norĩ ma hã ꞌre atsiptete mono tsina aimrodzé. Ãhã ĩwaꞌõtõ na hã uburé rowahudu norĩ hã te watsuꞌu datsitsãnawa norĩ ma hã, duré danhorõwa ꞌre norĩ ma hã.
1 ꞌRE WADZÉ PETSE MONO AIMAMA NORĨ HÃ
BÍBLIA DZARINA: ‘ꞌRe atsimipari petse dzaꞌra waꞌaba mono tsina, te dza ꞌre aihöimana wẽ dzaꞌra waꞌaba mo aimama ma, duré ana waꞌaba ma dzama.’ (Efésios 6:2) Aiprédu pari nherẽ, aimama duré ana ãma ꞌre ĩwadzé petse uꞌötsi dzahuré mono da tsi. Ãne duré atsipoꞌre puꞌu aimro atsine hã timama norĩ te te ĩꞌmadöꞌö wẽ dzahuré mono da tsi. “Dadzawi hã tsimiꞌumnhatsi õ di”, taha wa, aihötöꞌö õ di dza aimro höimanadzém na hã ĩmama norĩ na hã. — 1 Coríntios 13:4 TNM; Gálatas 5:26.
TAHA DA ATSIPTETE:
-
Aimreme tõ ãne: “Aimama norĩ niwamhã atsitsanawã norĩ te natsi ĩ̱ꞌãma timreme watsété dzaꞌra”, niwamhã “Ana ma te te rowẽ mono õ di marĩ te ĩꞌaꞌmanharĩ mono na hã”.
-
Tsada ꞌre atsiptete mono waihuꞌu da aimro nhimirotsaꞌrada.
2 ROBDZANHAMRI AIMAMA NORĨ ÃMA
BÍBLIA DZARINA: ‘Te dza aibö, timama tina me te te ꞌre rẽme dzahuré, timro me tsi tsina tsihöiba tom haré ꞌre höimana dzahuré mono da oto.’ (Gênesis 2:24) Aimrodzé parimhã, aimama norĩ ãté te rotsaꞌrata dzahuré dzahadu te te aipibu dzahuré da tsi, duré ãté te dza aiwi roꞌwaꞌré dzahuré aimrodzém na hã.
Atsiwi pitsutu aba marĩ te te ĩtsaꞌré da hã aimama norĩ ma te te ĩrétsi dzahuré dzéb da hã aimrodzém na hã. Taha parimhã, atsimidzawi aba dzéb dzarina, tãma watsuꞌu aba atsima ĩpitsutu aba dzé hã. Aimreme aba tô tsena hã ãma ꞌre watsété aba tõ, duré höiꞌré aba atsimiwadzé waꞌwa. (Provérbios 15:1) Dahöimana wapu, ‘duré aiwamri aihöimana atãma na’, duré danhimipari nhimiꞌẽ te dza aipawapto waꞌwa ꞌre aihöimana wẽ aba da atsitsãnawã norĩ ma hã, duré ‘te dza dama ꞌre aihöimana aba mo, aihöimana wẽ tsina.’ — Efésios 4:2.
TAHA DA ATSIPTETE:
-
Aihötöꞌö wamhã aimaprewa norĩ, niwamhã aimama norĩ te te ĩrétsi dzaꞌra dzéb dzô atsina aimrodzé aba na hã, bödö ĩbö ãma tsi atsima ĩrobdzanhamri aba aimro me hã.
-
Atsima pitsutu aba ĩꞌmanharĩ aba dzéb da hã.
