ĨWAꞌÕNO 2
ꞌRe aihöimana mono aimro ma tsi atsimirẽme ãna
‘Tahawa, ꞌRe ĩhöimana uꞌötsi mono, datsiꞌãma te te ꞌre daꞌahöiba to mono nherẽ, niꞌwa hã daꞌãma ꞌre tsiwanhidzari mono õ di dza.’ — Marcos 10:9
Jeová te tsima wẽ ĩtsibꞌaꞌuwẽ norĩ ĩtsimirẽmeꞌõ dzaꞌra da. (Provérbios 3:3) Datsina damro ꞌremhã tahã ĩpire uptabi. E marĩ wa. Atsimirẽmeꞌõ ꞌre aihöimana mono õ wamhã, aimro ma tsadai õ di dza te te aiꞌãma umnhatsi da hã. Duré daꞌumnhatsidzé ĩpire uptabi aibö duré piꞌõ ĩtsimidzawi dzahuré tsaꞌẽtẽ da.
à bötö mono na hã pire di da te höiꞌré dzaꞌra da danhimirẽmeꞌõ datsina damro ꞌremhã, marĩ watsété ahö wa. ꞌMadöꞌö wẽ da aimrodzém na hã, maparane marĩ norĩ hã te dza aipawapto.
1 ÃMA ꞌRE ROTSAꞌRATA MONO AIMRODZÉ ĨMORĨꞌRATA NA
BÍBLIA DZARINA: ‘Tawaptsi te dza ĩwẽ tsi atsima ꞌre ĩpitsutu uꞌötsi dzaꞌra waꞌaba mo, ãma ꞌre anomro wẽ waꞌaba mono da hã.’ (Filipenses 1:10) Aihöimanadzéb ꞌremhã aimrodzé danhipai u ĩpire. Taha ma tsi tãma ꞌre aihöimana mono.
Jeová te tsima wẽ aimro ãma ĩrotsaꞌrata petse na hã, duré robdze tsina ꞌre ĩꞌaihöimana aba mono na hã. (Provérbios 5:18) Duré õ hã te tsima wẽ ĩꞌmadöꞌö wẽ da hã aimro hã, taha wa, atsiptete aimro ma tãma rowẽ da. (1 Coríntios 10:24) Höiꞌré na aimro ma hã, aiwi tsô ĩrowaptöꞌö hã, duré aima hã õhõ ĩpire na hã.
TAHA DA ATSIPTETE:
-
Natsi pitsutu bödö aimro tsiré ꞌre aihöimana mono da, duré rotsaꞌrata petse aimro ãma hã.
-
Atsiꞌãma tsi rotsaꞌrata tõ. Rotsaꞌrata atsiꞌãma aba.
2 ÃMA PIBUI PETSE ATSIMIROTSAꞌRATA NA AIPẼꞌẼ ꞌREMHÃ
BÍBLIA DZARINA: ‘Niꞌwa hã piꞌõ, titõmo na te te ꞌre ꞌmadöꞌö dze mono wa, te te öri da, te te tsima ãma ꞌre rotsaꞌrata mono wamhã, taha na dzama te dza tiwatsédé hã te te ꞌre ꞌmanharĩ, tinhimirotsaꞌrata na tsi nherẽ.’ (Mateus 5:28) Niꞌwa hã tipẽꞌẽ na hã te te rotsaꞌrata wamhã, marĩ norĩ nhitsébꞌõ na, õhõ ĩtsimirẽmeꞌõ ãna te dza ꞌre höimana.
Jeová te tinha atsimirotsaꞌrata na aipẽꞌẽ ꞌremhã ãma ꞌre ĩpibui mono da tsi. (Provérbios 4:23; Marcos 7:20-22) Taha da, ãma pibui petse atõmo na ãma ĩꞌroꞌmadöꞌödzé. (Mateus 5:29, 30) Tsidzutsi Jó tsitsanhodzé hã. Bíblia te wama watsuꞌu dzaꞌra Jó ãma hã, õ hã ‘ꞌröwi te te tsina te ꞌre roti mono titõmo na’ te te rotsaꞌrata tõ da piꞌõ aimawi u hã danhitsébꞌõ u hã. (Jó 31:1 TNM) ꞌMadöꞌö tõ aiꞌuiréwi podo, duré atsima wẽ õ di dza aibö aimawi, niwamhã piꞌõ aimawi ãma ꞌre rotsaꞌrata mono da aimawi ĩtsawi na hã.
TAHA DA ATSIPTETE:
-
Dama höiꞌré na aimro mitsi haré aima ĩhöimana na hã.
-
Ãma ꞌre rotsaꞌrata mono aimro nhimirotsaꞌrata na ĩpẽꞌẽ ꞌremhã. Tsadzöri tsuꞌu atsiwaihuꞌudzé aimro ma hã aihöimanadzém na tãma ĩrowẽꞌõ na hã.
