ꞌRe ĩhöimana uꞌötsi mono ‘ma tô te te aropoto uburé petse’. — Apocalipse 4:11

E marĩ Bíblia te tinha Höimanaꞌuꞌö ãma.

• Apocalipse 15:3

  Höimanaꞌuꞌö mitsi ĩwaihuꞌu pe.

• Apocalipse 1:8

  Höimanaꞌuꞌö te ꞌre höimana uꞌö, õne uꞌö, niꞌwa te te poto õ di duré ĩtsanaꞌratadzé baba di, duré ꞌrãtsutu waihuꞌu õ di.

• Mateus 6:9

  Höimanaꞌuꞌö Wamama dzaꞌra.

  Te tsima wẽ wama robdze dzaꞌra da.

• Atos 17:27

  Höimanaꞌuꞌö te tsima wẽ ãma watsiwaihuꞌu dzaꞌra da.

Jeová, ‘taha nhitsi hã te õne uꞌö ꞌre höimana’. — Êxodo 3:15

E marĩ wa Höimanaꞌuꞌö nhitsi hã danhipai u ĩpire.

• Salmo 83:18 (Tradução do Novo Mundo)

  Höimanaꞌuꞌö ma tô ãma rowatsuꞌu Jeová na ĩtsitsi na, da te waihuꞌu dzaꞌra da. “Höimanaꞌuꞌö” duré “Danhibꞌapito” ĩtsitsi õ di. Ta norĩ hã ĩꞌmahörödzé, ãma ĩtsimiré rotiꞌwa ne duré apito ne hã. Ãne te wama höiꞌré dzaꞌra ĩtsimiꞌmanharĩdzé. Jeová te tsima wẽ da te ꞌmahörö dzaꞌra da ĩtsitsi na.

• Êxodo 3:14

  Jeová nhitsi na te watsuꞌu ‘tãma waihuꞌu petse di uburé petse marĩ ꞌmanharĩwaiꞌwa, te te tsima wẽ dzarina’. Jeová te te ĩropitsutudzéb dzarina, te dza ãma uwaimra duré te ꞌmanha uburé te te tsima ĩwẽ dzéb dzarina. E marĩ wa. Ropotoꞌwai wa.

‘ꞌRe ĩhöimana uꞌötsi mono hã, tsimidzawi petse uptabi di.’ — 1 João 4:8

E marĩ wa Höimanaꞌuꞌö nhimidzawidzé waꞌãma hã ĩpire uptabi.

• Êxodo 34:6; Salmo 119:75

  Jeová ĩhöimana wẽ, duré ĩpẽꞌẽdzédzé hã duré te tsima wẽ te te dapawaptob da. Tsena na duré marĩ norĩ hã ĩꞌuwaibaba na tsi, tãma tsawi petse di.

• Salmo 51:1

  Jeová wawatsédé hã te dza wama pari dzaꞌra.

• 2 Pedro 3:9

  Jeová tsimiparidze ti.

• Apocalipse 15:4

  Jeová tsimirẽme õ di daꞌãma.

‘ꞌRe ĩhöimana uꞌötsi mono hã te te ꞌre aiꞌmadöꞌö wẽ dzaꞌra waꞌwa. Taha wa, marĩ na ꞌre aihötöꞌö dzaꞌra waꞌaba mono wamhã, te dza tãma ꞌre atsiwatsuꞌu dzaꞌra waꞌaba mo.’ — 1 Pedro 5:7

E niha te dza ĩwaihu Höimanaꞌuꞌö tô tsena te te aiꞌãma ĩrotsaꞌrata na hã.

• Provérbios 2:21, 22

  Ĩhöimana watsété norĩ marĩ watsédé te natsi ꞌmanharĩ dzaꞌra, tawamhã Höimanaꞌuꞌö te ropitsutu dza te te ĩꞌuprotsi na hã robdzépatadzé hã. Uburé apö wẽ uptabi di dza.

• Tiago 4:8

  Jeová te tsima wẽ a hã ĩtsiwaihuꞌu da hã.

• João 17:3

  Höimanaꞌuꞌö ãma waihuꞌu wamhã, te dza ĩꞌmadö te te aiꞌãma ĩrotsaꞌrata na hã. Tawamhã, atsimidzawi te dza tsina hö.