‘Uburé Danhibꞌapito ãma tsi ꞌre aiwata dzaꞌra waꞌaba mono, höiwa ãma romhuriꞌwa atsiptete na ꞌre ĩꞌaihöimana dzaꞌra waꞌaba mono norĩ.’ — Salmo 103:20

E marĩ Bíblia te tinha dawatsuꞌuꞌwa norĩ na hã.

• Jó 38:4-7

  Jeová ma apoto dawatsuꞌuꞌwa norĩ Tiꞌa te te poto wana ré.

• Apocalipse 5:11

  Dawatsuꞌuꞌwa ahö uptabi di te tihöimana dzaꞌra.

• 1 Pedro 1:11, 12

  Dawatsuꞌuꞌwa norĩ hã te te tsima ꞌre wẽ uptabi dzaꞌra te te ꞌre waihuꞌu petse dzaꞌra mono da Jeová te te tsima ĩwẽdzém na aꞌuwẽ norĩ ma duré Tiꞌai ma dzama.

• Lucas 15:10

  Dawatsuꞌuꞌwa norĩ te natsi ãma rotsaꞌrata dzaꞌra romhuriꞌwa norĩ Höimanaꞌuꞌö te.

“Dawatsuꞌuꞌwa hã Jeová te hã te te tsima ꞌre ꞌri na ꞌrata, Jeová te te ꞌre ĩtsawi dzaꞌra mono norĩ ma, te te pibui wẽ da.” — Salmo 34:7 (Tradução do Novo Mundo)

E marĩ wa wa tsadzei petse dzaꞌra ni dawatsuꞌuꞌwa norĩ hã te te ĩwapawaptob dzaꞌra na hã.

• Gênesis 19:15, 16; Daniel 6:22; Lucas 22:43; Atos 12:6-11

  Dawatsuꞌuꞌwa norĩ ma tô pawaptob dzaꞌra Ló, duré Daniel, duré Jesus duré Pedro.

• Hebreus 1:7, 14

  Ã bötö na dzama dawatsuꞌuꞌwa norĩ, Jeová te te ꞌre tsatõrĩ dzaꞌra Tiꞌai u, te te pawaptob dzaꞌra da duré te te pibui petse dzaꞌra da tãma ĩromhuriꞌwa norĩ hã.

‘Satanás höimanadzé hã wama waihuꞌu petse dzaꞌra di. Taha wa, wa dza tô watsima pitsutu petse dzaꞌra ni, ĩwatsédé hã wa te oto ãma ꞌre ꞌmadöꞌö dzaꞌra mono tõ da, aibö ãma hã.’ — 2 Coríntios 2:11

E ꞌwam norĩ hã dawatsuꞌuꞌwa ĩwatsété norĩ hã, duré e marĩ wa pipa dzaꞌra di.

• Apocalipse 12:9

  Mitsi dawatsuꞌuꞌwa ma tiwatsété Jeová dzada. Satanás ĩtsitsi hã.

• Gênesis 6:2

  Noé ꞌre höimana mono ré hã, dawatsuꞌuꞌwa norĩ ma tiwatsété dzaꞌra duré ma we tsiꞌra dzaꞌra Tiꞌai u.

• Mateus 9:34

  Ta norĩ hã dawatsuꞌuꞌwa ĩwatsété norĩ hã. Õ norĩ hã, ma tsiꞌubumro Satanás tsiré.

• Deuteronômio 18:10, 11

  Dawatsuꞌuꞌwa ĩwatsété norĩ te tsima wẽ te te dama tsadawa hapetse dzaꞌra da, duré te te dama robꞌmanharĩ watsété dzaꞌra da.

‘Waꞌuburé norĩ nhibꞌapito nhimipibui watsété dzé wi, te dza ꞌre atsiptete dzaꞌra waꞌaba mo. Tawamhã tsiꞌabaꞌré na, te dza atsiti dzaꞌra waꞌaba hã tsina ꞌre pahö.’ — Tiago 4:7

E marĩ te dza ĩꞌmanha Jeová te te aipawaptob da ãma aiꞌuté da Satanás duré dawatsuꞌuꞌwa ĩwatsété norĩ dzada.

• Atos 19:19

  Atsima wẽ na rẽme da uburé dawatsuꞌuꞌwa ĩwatsété nhimarĩ norĩ, duré abdzé ꞌmanharĩꞌwa norĩ hã.

• Efésios 6:16, 18

  Tsaꞌẽtẽ na atsimidzadzedzé romnhoré wamhã Bíblia ãma, duré waptẽrẽ Jeová te te aipibu da.

• Provérbios 18:10

  Aimreme Jeová nhitsi na rowaptẽrẽ wamhã.