‘A norĩ waꞌwa hã ꞌre ĩ̱wapari petse dzaꞌra waꞌaba mono wamhã, ĩ̱nhibꞌaꞌuwẽ te dza ĩ̱ma ꞌre aihöimana dzaꞌra waꞌaba mo.’ — Exôdo 19:5

E niha te dza ĩwaihu Höimanaꞌuꞌö atsiwaihuꞌu da.

• Gênesis 22:18; Tiago 2:23

  Abraão ma tô wapa Höimanaꞌuꞌö duré te te ꞌre tsadzei petse. Taha wa, õhõ Höimanaꞌuꞌö tsiwaihu.

• 1 Pedro 3:12

  Jeová te dza daꞌapawapto da te wapari dzaꞌra wamhã.

• Provérbios 3:32; Salmo 32:8

  Jeová titsiwaihu norĩ ma, ma tãma tsõmri dzaꞌra rowaihu duré ĩtsimiroti hã.

• 1 Pedro 5:7, 10

  Jeová te te ꞌre pawapto titsiwaihu norĩ hã.

“Uburé petse, Jó watsété õ di, duré te te nharĩ õ di Höimanaꞌuꞌö marĩ ĩwatsédé te te ĩꞌmanharĩ na hã.” — Jó 1:22 (Tradução do Novo Mundo)

E marĩ Satanás ma tô ꞌmanha Jó dzada hã. Jó hã bété.

• Jó 1:10, 11

  Satanás te tinha Jó te te ĩwapari na hã Höimanaꞌuꞌö hã ĩtsibro petse wa, mare di tãma tsawi wa.

• Jó 1:12-19 duré 2:7

  Jeová te tsaꞌré marĩ ahö Jó te hã Satanás te te tiwi uprotsi da. Duré Satanás ma tô adzô Jó ĩhödzé na.

• Jó 27:5

  Jó te te waihuꞌu õ di e niha bö te te ĩtsépata na hã. Tane nherẽ, te te rẽme õ di Höimanaꞌuꞌö hã.

Satanás te tinha: “Aibö hã te dza titsõ uburé ĩtsimarĩ norĩ hã tihöimanadzéb dzô.” — Jó 2:4 (Tradução do Novo Mundo)

E marĩ Satanás te ꞌmanha wa te rẽme dzaꞌra da Jeová hã.

• 2 Coríntios 11:14

  Satanás te wama tsadawa nhipetse wa te wapari dzaꞌra tõ da Jeová hã.

• Provérbios 24:10

  Õ hã te tsima wẽ wa te ĩrotsaꞌrata dzaꞌra na hã wawatsédé tsaꞌẽtẽ di Jeová ãma watsiwaihuꞌu dzaꞌra da hã.

• 1 Pedro 5:8

  Satanás te tihöiba wadzada Höimanaꞌuꞌö wa te rẽme dzaꞌra da.

• Provérbios 27:11

  Höimanaꞌuꞌö wapari wamhã te dza atsiwaihu, duré te dza ĩhöiꞌré Satanás ĩtsadawa nhipetse na hã.

‘ꞌRe ĩhöimana uꞌötsi mono hã wa te watsiwi ꞌre tsawi petse dzaꞌra mono wamhã, e niha wa dza tawamhã ꞌre wahöimana dzaꞌra. Ĩtsimiroti tsi wa dza wa te ꞌre ꞌmadöꞌö petse dzaꞌra.’ — 1 João 5:3

E marĩ ĩꞌmanharĩ da tsi Jeová atsiwaihuꞌu da.

• Mateus 22:37

  Höimanaꞌuꞌö atsima tsawi na, ta hã te dza aipawapto wapari da.

• Provérbios 7:2

  Höimanaꞌuꞌö wapari ꞌre aihöimana wẽ mono da.

• 1 João 5:3

  Atsimidzadzei petse, Jeová niwa te te aiwi waptẽrẽ õ di dza ꞌmanharĩ da marĩ aima waihuꞌu õ na.

• Filipenses 4:13

  ꞌManharĩ ĩbö na tsi. Jeová te dza aima titsõ tinhiptetedzé hã.