Höimanaꞌuꞌö ‘aihawim na tsi te duré ꞌre dahöimana dzaꞌra.’ — Salmo 36:9

E niha wa höiꞌré dzaꞌra ni dahöimanadzé wama ĩtsawi dzaꞌra na hã.

• Atos 17:28; Apocalipse 4:11

  Dahöimanadzé hã Jeová nhibdzari, taha wa wa te tãma ĩwadzéb dzaꞌra da tsi.

• Êxodo 21:22, 23; Mateus 5:21

  Wa te ꞌre danhimroi dzaꞌra mono tõ da, duré aiꞌuté dadiꞌi ꞌremhã wa te pãrĩ dzaꞌra õ di dza.

• 1 João 3:11, 12, 15

  Wa te daꞌruiwapari dzaꞌra tõ da.

• 2 Coríntios 7:1

  Ãma ꞌre watsihöiba watsété dzaꞌra mono tõ da, wawatsété rẽmeꞌõ na, ãma ĩtsimiré watsiwairõrĩ duré warĩtsipãrĩ na hã.

• Salmo 11:5

  Wama rowẽ dzaꞌra õ di dza tsiwaꞌru datsiꞌahöri wamhã.

‘Dawapru na ãma ꞌre dahöimana dzaꞌra mono na döꞌötsina.’ — Gênesis 9:3, 4

E marĩ Höimanaꞌuꞌö te rotsaꞌrata dahöimanadzém na hã duré dawaprum na hã.

• Gênesis 4:10; Deuteronômio 12:23

  Dawapru hã ãma ĩtsimiré dahöimanadzé.

• Gênesis 9:3, 4

  Wa watsaihuri dzaꞌra ni romnhi na hã, tadzahã wapru hã wa te öhuri dzaꞌra mono õ di dza.

• Atos 15:28, 29 duré 21:25

  Wahödzé wamhã, wa te watsima wẽ dzaꞌra õ di dza dawapru hã te wadzéptöꞌö da niwamhã dawapru da te waꞌãma tsatsõmri da.

• Hebreus 11:6

  Jeová wa wapari dzaꞌra ni wama danhipai u ĩpire. Jeová te ꞌre tsõpru tiwapari petseꞌwa norĩ ma.

‘Cristo wapru tsi tsiptete uptabi di, dawatsété paridzéb da hã oto.’ — Hebreus 9:14

E niha Jesus döꞌödzé hã te wapawaptob dzaꞌra.

• Hebreus 9:22

  Duréihã, israelita norĩ watsété dzaꞌra wamhã abadze te tsimro dzaꞌra duré ĩwapru wededza ne nhitsiwi te tsaꞌwari dzaꞌra te te waptẽrẽ dzaꞌra da Jeová hawi dawatsété paridzéb da.

• Mateus 20:28; Hebreus 9:11-14

  Jesus döꞌö wamhã tiwapru ma tsaꞌwa te te daꞌawaꞌöbö da dawatsédé hã. Taha wa, abadze norĩ ꞌmaiwĩrĩ õ di dza oto.

• João 3:16

  Jesus döꞌödzéb uꞌöbö, Jeová te dza wama tsõmrĩ dzaꞌra danhimiparidze ꞌre wahöimana uꞌötsi dzaꞌra mono da.