‘Ãhãta ö. E wanhimidzahöri õ di dza aꞌö, ö dawabdzuri hã ĩ̱ma ꞌmanharĩ da.’ — Atos 8:36

E marĩ wa daꞌrãti * wa te ĩꞌmanharĩ dzaꞌra da tsi. Duré e niha wa dza ꞌmanharĩ dzaꞌra ni.

Daꞌrãti ꞌmanharĩ wamhã te dza höiꞌré aihöimanadzém na ãma tsaprĩ na hã Jeová ma romhuri da.

• Mateus 28:19, 20

  Höimanaꞌuꞌö ma ꞌre romhuri mono da atsima wẽ wamhã, daꞌrãti ĩꞌmanharĩ da tsi.

• Salmo 40:8

  Daꞌrãti ꞌmanharĩ wamhã, te dza dama ĩhöiꞌré Höimanaꞌuꞌö ma dza ĩromhuri na hã.

• Mateus 3:16

  Daꞌrãti ꞌmanharĩ wamhã aihöiba hã wahuré ĩtsébré da tsi ö ꞌremhã, ãne Jesus ma tô tãma ꞌmanharĩ ni.

‘ꞌRe ĩhöimana uꞌötsi mono hã wa te watsiwi ꞌre tsawi petse dzaꞌra mono wamhã, e niha wa dza tawamhã ꞌre wahöimana dzaꞌra. Ĩtsimiroti tsi wa dza wa te ꞌre ꞌmadöꞌö petse dzaꞌra. E ĩtsimiroti hã wama pire dzaꞌra di, wa te ꞌre ĩꞌmadöꞌö petse dzaꞌra mono dzéb da hã. Mare di.’ — 1 João 5:3

E marĩ wa aipahi õ di dza ropitsutu da Jeová ma tsi ꞌre aihöimana mono da.

• Salmo 103:14; Romanos 8:31

  Atsimiropitsudu hã Jeová ma tsi ꞌre aihöimana mono da aihöimana upai nherẽ. Te dza aiꞌãma aime ĩbö na tsi ꞌmanharĩ da.

• Colossenses 1:10

  Atsimidzawi Jeová ãma te dza aiꞌãma aime aihötöꞌö tõ da, tiwi robdzeiꞌõ õꞌumnhatsi te.

‘Ĩ̠te ꞌRe ĩhöimana uꞌötsi mono, ĩ̱ma ꞌre ĩꞌapitsutu mono dzéb dzarina, marĩ te ꞌre ĩꞌaꞌmanharĩ mono da hã ĩ̱ma tsei uptabi di! Duré atsimiroti hã wa tô ĩ̱pẽꞌẽ ꞌremhã te ĩ̱tsima ꞌre tété uꞌötsi.’ — Salmo 40:8

E marĩ ĩꞌmanharĩ da tsi daꞌrãti ꞌmanharĩ wana ré.

• João 17:3

  BÍBLIA NA ROMNHORÉ NA

  Ĩwaihuꞌu petse da tsi Jeová duré Jesus. Ãne wamhã atsimidzawidzé hã te dza tidzaꞌẽtẽ õ norĩ ãma hã.

• Hebreus 11:6

  ATSIMIDZADZEI PETSE

  Wa te ĩꞌumnhatsi dzaꞌra da tsi Höimanaꞌuꞌö nhimiropitsutu norĩ hã duré marĩ norĩ Jesus te te ĩꞌmanharĩdzé wadzanidzéb da dawatsété wi duré dadöꞌö wi.

• Atos 3:19

  ATSIWẼꞌÕ NA

  Atsiwaihuꞌu petse di aiwatsété na hã, taha wa atsiwẽꞌõ.

  AIPIꞌRA NA AIWATSÉTÉ WI

  Te dza aiwatsédé hã ꞌre ĩrẽme mo, duré ĩꞌuwaibaba na tsi te dza ꞌre aihöimana mo.

• 1 Pedro 4:2

  ROPITSUDU ꞌRE AIHÖIMANA MONO DA JEOVÁ MA

  Te dza ĩrowaptẽ Jeová wi ropitsutu da ãma ĩwata da, duré te dza ꞌre aihöimana mo te te tsima ĩwẽdzéb dzarina.