‘Wẽ na ĩꞌuwaibaba na tsi ꞌre ĩhöimana dzaꞌra mono norĩ tsi te dza wanhiptiꞌai ꞌremhã ꞌre höimana dzaꞌra.’ — Provérbios 2:21

E marĩ wa Höimanaꞌuꞌö ma wapoto dzaꞌra.

• Gênesis 1:28

  Höimanaꞌuꞌö ma tô tsima wẽ datsitébré da daꞌahö da, Tiꞌa hã duré abadze norĩ hã te te ꞌmadöꞌö wẽ dzaꞌra da. Tiꞌai ãma wahuré ro ĩwẽ aré.

• Josué 23:14; Hebreus 6:17 

  Höimanaꞌuꞌö te te tsima ĩwẽ dzarina, tô tsena te dza ãma uwaimra aihĩni norĩ ma duré Tiꞌai ma.

Waꞌuburé te tinha Jesus ma: ‘Uburé danhiptiꞌa hã ma tô ĩ̱ma tsõmri ni, ĩ̱te da.’ — Lucas 4:6, 7

E ꞌwa hã rotiꞌwa Tiꞌai ãma wahuré.

• João 16:11

  Jesus te tinha Satanás rotiꞌwa na hã Tiꞌai ãma.

• Tiago 1:13-15

  Satanás ma tô tsima wẽ õhõ ãma dawata dzaꞌra da, tane nherẽ dawatadzé Jeová ãma tsi.

• Gênesis 2:17 duré 3:1-6

  Satanás ma tô tsadawa hapetse Eva ma. Adão duré Eva te te wapari dzahuré õ di Höimanaꞌuꞌö. Taha wa, ma tsiꞌihi dzahuré duré ma tidöꞌö dzahuré.

• Romanos 3:23 duré 5:12

  Wa natsi wadöꞌö dzaꞌra ni Adão nhihudu wa.

• 2 Coríntios 4:3, 4

  Satanás te natsi dama tsadawa hapetse.

‘Wei morĩ watẽme atsimirobꞌrudzé hã, aima ĩwẽ dzarina ꞌmanharĩ Tiꞌai ãma, höiwa ãma tsine.’ — Mateus 6:10 (Rowatsuꞌu Tém Nhihödö)

E marĩ Jeová te dza ꞌmanha.

• Daniel 2:44

  Aptoꞌoré hã, Höimanaꞌuꞌö Nhimirobꞌrudzé te dza uprotsi dama ĩpire norĩ roptedeꞌwa hã duré te dza te te ꞌre roti Tiꞌai ãma wahuré.

• Apocalipse 16:14-16

  Höimanaꞌuꞌö te dza daꞌaꞌuprotsi ĩwatsété norĩ datsiꞌwapé na Armagedom na ĩtsitsi.

• Apocalipse 7:17

  Jeová ma tô pitsutu Jesus Rotiꞌwa da hã, Tinhimirobꞌrudzé höiwa hawi Tiꞌai ãma wahuré da.

‘Atsõprub di duré uburé marĩ ĩwẽ hã tsõmri wa, uburé ĩdahöimana dzaꞌra ma.’ — Salmo 145:16 (Tradução do Novo Mundo)

E marĩ Höimanaꞌuꞌö Nhimirobꞌrudzé te dza ꞌmanha.

• Salmo 46:9

  Datsiꞌwapé hã, rowatsédé hã duré marĩ watsédé höimana dzaꞌra õ di dza.

• Isaías 32:18 duré 65:21-24

  Ro ĩwẽ ãma hã, aihĩni tinhorõwa ꞌre te dza tihöimana dzaꞌra, romnhirãrã ahö di danhorõwa ꞌrata duré te dza ꞌre höimana dzaꞌra mono romharé na.

• Salmo 72:16

  Aihĩni ma datsai ahö di.

• Isaías 11:6-9

  Abadze norĩ tsahi õ di dza. Aꞌuwẽ norĩ duré abadze norĩ te dza ꞌre höimana dzaꞌra tsiré romharé na.

• Apocalipse 21:4; Atos 24:15

  Niꞌwa hödzé õ di dza. Adöꞌö norĩ hã, apö te dza ꞌre höimana dzaꞌra ãme Tiꞌai ãma.