Jesus Tiꞌai u ma tô we tsiꞌra ‘dadzada döꞌö da, daꞌupana te te daꞌawaꞌöbö da’. — Mateus 20:28

E marĩ wa dawaꞌöbödzé wama ĩpire uptabi.

• Gênesis 3:17-19

  Adão te te wapari õ di Höimanaꞌuꞌö, taha wa Höimanaꞌuꞌö tsiwaihuꞌudzé ma aiꞌutõ. Õ hã ma tiwatsété duré Höimanaꞌuꞌö ma tô wadze ro ĩwẽ hawimhã.

• Romanos 5:12

  Wa norĩ hã, Adão nhihudu norĩ. Taha wa, wawatsété dzaꞌra di duré wa natsi wadöꞌö dzaꞌra ni.

• Efésios 1:7

  Jesus döꞌödzé uꞌöbö, Jeová te dza wadzani dzaꞌra dawatsété wi, duré dadöꞌö wi. Bíblia te watsuꞌu dawaꞌöbödzém na hã.

‘Tiꞌra hã mitsi nherẽ, ma tô we tsatõ Tiꞌai u, taha ãma tsi rowẽ na ꞌre wanomro uꞌötsi mono da oto.’ — 1 João 4:9

E niha Jeová ma wawaꞌöbö dzaꞌra te te wadzani dzaꞌra da dawatsédé hã duré dadöꞌödzém na.

• Salmo 49:7, 8

  Niꞌwa watsété ãna, aré wadzada ĩdöꞌö da tsi te te wawaꞌöbö dzaꞌra da dawatsété wi duré dadöꞌö wi. Tsadai õ di ãne wa te ꞌmanharĩ dzaꞌra da.

• Lucas 1:35

  Jeová ma we tsatõ Tiꞌra tãma tsawi nherẽ. Jesus ma podo watsété ãna.

• Romanos 3:23, 24; Hebreus 9:24

  Jesus ma dörö, höiwaꞌutu parimhã höiwa u apö te mo. Jesus ĩdöꞌödzéb uꞌöbö, Jeová ma tô wawaꞌöbö dzaꞌra.

‘Te dza duré oto daꞌatõmo uꞌõ, dapẽꞌẽdzé õ uꞌötsi ꞌre dahöimana uꞌötsi dzaꞌra mono da. Tawamhã duré oto ꞌre dadöꞌö dzaꞌra mono õ di dza.’ — Apocalipse 21:4

E niha Jesus döꞌödzé hã te dza wapawaptob dzaꞌra.

• 1 João 1:8, 9

  Höimanaꞌuꞌö te natsi wama pari dzaꞌra wawatsété norĩ hã.

• Hebreus 9:13, 14

  Wate ãma ĩꞌupadzém na, wahötöꞌö dzaꞌra ãna wa dza oto ꞌre wahöimana uꞌötsi dzaꞌra.

• Romanos 6:23

  Ĩwanhimipari dzaꞌra na ꞌre wahöimana uꞌötsi dzaꞌra mono da.

• Gálatas 2:​20

  Dawaꞌöbödzé hã Jeová duré Jesus nhimidzawidzéb dzahuré te wama höiꞌré dzaꞌra.

‘Ma te Tiꞌra potoꞌrada dama titsõ, marĩ ãna, ta hã aihĩni te ĩtsadze dzaꞌra mono hã, tsiꞌutõrĩ mono tõ da, tadzahã ĩhöimana tsiꞌutõrĩꞌõ tãma höimana dzaꞌra mono da.’ — João 3:16 (Rowatsuꞌu Tém Nhihödö)

E niha wa dza höiꞌré dzaꞌra ni daꞌawaꞌöbödzé wama ĩpire nhipai u.

• João 17:3

  Waihuꞌu duré tsidzutsi Jeová hã Jesus dzama.

• Lucas 22:19

  Aimorĩ datsiꞌrãꞌõno Jesus döꞌödzém na wahub tsidöpötsi wapari da.

• João 3:36; Tiago 2:26

  Atsimidzadze hã höiꞌré na Jesus nhimirowatsuꞌudzé wapari wa.