Ezodu 25:1-40
25 Tawamhã Uburé Danhibꞌapito te Mozésihi ma tinha ãne:
2 — Izaraéu nhihudu norĩ ma tãma nharĩ zaꞌra na, tinhoprubzé te te ĩma sõmri zaꞌra da. Ta norĩ pẽꞌẽ to sina te te isõmri zaꞌra si te za isõprub zaꞌra zé hã iꞌawaibu.
3 Niha wamhã, danhoprubzém norĩ hã ẽtẽ waipo pré oru na hã, niha wamhã ẽtẽ waipo prã prata na hã, niha wamhã isiꞌuwazi topsada brõzi na hã;
4 danhimizama zéré nhorõ uzé na hã, niha wamhã isõrõ uzéi pese na hã, niha wamhã isõrõ pré roꞌo pese na hã; zazahâ isõrõ hâipesere na iꞌmanharĩ na hã, duré zazahâ poneꞌẽrebâ uzé zéré ꞌmanharĩ na hã;
5 poneꞌẽrebâ zéré mapure siꞌaibâ hâ da te ꞌre ihâpré zaꞌra mono hã; danhimizama hâsuꞌure hâiꞌré hã, duré wede acacia na iwamri hã;
6 azeitona waꞌu to robꞌuiwẽzéb da hã; marĩ waꞌu zadaze, azeitona waꞌu to wazarizéb da, daꞌrã tiꞌizéb da hã, da te ãma sazui wa, te te irobzadazezéb da hã;
7 ẽne ônex na iwamri hã, duré ẽne ihâiba amo iwaꞌâbâ zaꞌẽne hã sasedoti ipire nhoꞌutu ubuzéb ãma da te ihiri da hã.
8 Izaraéu nhihudu norĩ te za romhâ ꞌmanharĩ na ꞌri iwazéb zahi hã ĩma ꞌmanharĩ zaꞌra, iwaꞌwab zaꞌra iwa ꞌre ĩhâimana mono zéb da hã.
9 — Wa hã te aima ihâiꞌré zarina, maꞌãpé romhâ ꞌmanharĩ na ꞌri hã, iꞌre uburé marĩ ꞌre isimasa mono zéb da zama hã ꞌmanharĩ.
ꞌRe ihâimana uꞌâsi mono te, wedehâꞌre ꞌmanharĩzé wasuꞌu
10 — Izaraéu nhihudu norĩ ma nharĩ zaꞌra na, wede acacia na iwamri na wedehâꞌre te te siwi ꞌmanharĩ da, misi metru na isadarata pibuzém na, 66 centimetru na iꞌaꞌre siꞌuiwa u ipibuzém na, duré 66 centimetru na hâimomhã ipibuzém na.
11 Te za duré baihâi pese na oru asiwi ãma isaꞌra waꞌaba mo, wedehâꞌre mana wawimhã, duré iꞌremhã. Te za isadaꞌré na hã ãma iꞌuirĩ zaꞌra waꞌwa, oru ꞌmanharĩ na hã.
12 Tawamhã isiꞌuwazi zapodo hã te za duré asiwi iꞌmanharĩ ꞌwa oru na. Ta norĩ hã te za ipara mono bâ ãma isasõmri zaꞌra waꞌwa, siꞌuiwa na maparane si ãma simnhatã da.
13 Imramizéb da, te za wede acacia na iwamri na asiwi iꞌumoi waꞌwa. Te za duré ta norĩ na hã baihâi pese na oru hã ãma asiwi isaꞌra waꞌaba mo.
14 Imramizéb da, te za isiꞌuwazi zapoto ꞌremhã asiwi tãma izai waꞌwa, sahuré.
15 Tawamhã imramizéb da, wede umo, da te tãma iza zahuré hã da te dasiwi isani da hã mare di za.
16 Maparane ẽtẽpo hã za te aima isõmri zahuré hã te za wedehâꞌre ꞌremhã iza, ĩnhimiroti na robꞌuiꞌéré ré hã.
17 — Oru uptabi na isidâzéb zama asiwi ꞌmanharĩ aba, 1 metru na isadarata pibuzém na, duré 66 centimetru na iꞌaꞌre siꞌuiwa u ipibuzém na.
18 Maparane ropodo sitẽme ipaihi papo ꞌrãsutu zahuré hã te za asiwi iꞌmanharĩ ꞌwa ãma itété na oru na hã,
19 siꞌuiwa na isidâzé ꞌrãsutu hawi sitẽme isõꞌre zahuré da hã. Ã hã isidâzém na ãma isitom na te za asiwi iꞌmanharĩ ꞌwa, misi haré iꞌmanharĩ na.
20 Tawamhã ropodo hã te za sitẽme tinhoꞌre zahuré, isidâzé te te ꞌmadâꞌâ zahuré sina. Duré ipaihi zahuré te za tipapo na isidâzé hã upsibi zahuré.
21 Ẽtẽpo maparane za te aima isõmri zahuré hã, te za wedehâꞌre ꞌre iza zahuré. Te za duré taha pari isidâzém na hã isidâ.
22 Tame isidâzém nhisiwi ropoto norĩ waꞌwamhã wa za nasi asõpẽtẽ, Izaraéu nhihudu norĩ udâna ĩnhimiroti te aima sõmri da hã.
23 --
24 --
25 --
26 --
27 --
28 --
29 --
30 --
31 --
32 --
33 --
34 --
35 --
36 --
37 --
38 --
39 --
40 --
