Zenezi 36:1-43
36 Ã hã Ezauhu nhihudu norĩ zaꞌratazé wasuꞌu, Edõ na isisi amo nhihudu norĩ hã.
2 Ezau maparane piꞌõ norĩ ãma ma tô timro zahuré, tiꞌai waꞌõtõ nhoꞌu Canaꞌã ãmam na, isisi hã Ada na, hitita norĩ siré Elõhõ ꞌra hã. Duré imro hâiba amo nhisi hã Oolibama na, Anahã ꞌra, Zibeꞌãhã nhihudu, heveu norĩ siré hã.
3 Ãhã wa, Basemate, Ismaeu ꞌra, Nebaiotehe hidiba na zama hã ma tô duré timro.
4 Ada hã, Elifasihi na, duré Basemate hã, Reuꞌéhé na,
5 Oolibama hã, Zeꞌusihi na, duré Zalãhã na, duré Coraha na. Ã norĩ hã Ezauhu ꞌra, Canaꞌã ãma ꞌre hâimana mono ré ipoto zaꞌra.
6 Tawamhã Ezau, timro norĩ ré, tiꞌra siꞌaibâ norĩ ré, tiꞌra sipiꞌõ norĩ ré, duré uburé isõrõwa ꞌre isiré ꞌre idahâimana zaꞌra mono norĩ ré, ma tô rob amoi u hã mo, tino Zacoho nhiti romhâ na ꞌre hâimana mono da. Tahawa, ma tô uburé poneꞌẽrebâire norĩ hã, poneꞌẽrebâ zéré uzé norĩ, duré uburé powawẽ norĩ hã siré te te simro. Duré tiꞌai waꞌõtõ nhoꞌu Canaꞌã ãma uburé marĩ te te sima ꞌre iꞌazani mono zama ma tô siré tidu.
7 Tawamhã Ezau ma tô ta hawimhã oto watobro, tino Zacoho me tiꞌai wa ꞌre ihâimana zahuré mono hã, tãma zahuré hã surure wa, duré powawẽ na hã simizama ahâ uptabi zahuré wa. Tahawa oto siré ꞌre ihâimana zahuré mono da hã waihuꞌu õ di.
8 Tawamhã Ezau, Edõ na zama isisi amo hã ma tô Seꞌi na romnhisi ãma ẽne ꞌre ihâimana zaꞌra mono ãma hã oto ꞌre hâimana.
9 Ã hã Ezauhu nhihudu norĩ zaꞌratazé wasuꞌu, edomita norĩ hiꞌrada, Seꞌi na romnhisi ãma ẽne ꞌre ihâimana zaꞌra mono zéb ãma ꞌre isiꞌubumroi mono hã.
10 Ã hã, Ezauhu ꞌra norĩ nhisi: Elifasi, Adaha zéꞌre hawi ipodo, duré Reuꞌé, Basemate zéꞌre hawi ipodo.
11 Ã hã Elifasihi ꞌra norĩ: Tema, Omar, Zefô, Gaetã, duré Quenazi.
12 Elifasi, Ezauhu ꞌra ma, imro prã Timna na isisi ꞌre ihâimana mono hã, ma tô iꞌra tãma ꞌmaipodo isisi hã Amalequi na. Ta norĩ hã Ezauhu mro Adaha nhihudu norĩ.
13 Ã hã duré Reuꞌéhé ꞌra norĩ: Naꞌate, Zera, Sama, duré Miza. Ta norĩ hã Ezauhu mro Basematehe nhihudu norĩ.
14 Ãhã Ezauhu mro Oolibamaha ꞌra norĩ, Anahã ꞌra, Zibeꞌãhã nhihudu zéꞌre hawi ipoto zaꞌra: Zeꞌusi, Zalã, duré Cora.
15 Ã hã Ezauhu nhihudu norĩ nhibꞌihâꞌa norĩ nhisi zaꞌratazé. Ezauhu ꞌra dama ipotoꞌrada Elifasi ꞌra norĩ hã: Tema, Omar, Zefô, Quenazi,
16 Cora, Gaetã, duré Amalequi. Ã norĩ hã danhibꞌihâꞌa, Elifasihi nhihudu norĩ Edõ na romnhisi ãma, Adaha nhihudu norĩ hã.
17 Ã hã Reuꞌéhé nhihudu norĩ nhisi zaꞌratazé hã: Naꞌate, Zera, Sama, duré Miza. Ã hã duré Basemate, Ezauhu mro hâiba amoi nhihudu norĩ.
18 Tawamhã duré Ezauhu mro hâiba amo, Anahã ꞌra, Oolibama na isisi ꞌra norĩ nhisi hã ãne: Zeꞌusi, Zalã, duré Cora.
19 Ã norĩ hã uburé Ezauhu nhihudu norĩ si hã.
Seꞌihi nhihudu norĩ wasuꞌu
20 Ã hã horeu norĩ siré Lotãhã nhihudu norĩ nhisi zaꞌratazé: Sobau, Zibeꞌã, Ana,
21 Disõ, Ézé, duré Disã. Ã norĩ hã uburé Seꞌihi ꞌra norĩ, te horeu norĩ ma, danhibꞌihâꞌa na tãma ꞌre hâimana zaꞌra, Edõ ꞌremhã.
22 Ã norĩ hã Lotãhã ꞌra norĩ: Hori, duré Hema. Duré Timna hã Lotãhã hidiba.
23 Ã norĩ hã Sobauhu ꞌra norĩ: Alvã, Manaꞌate, Ebau, Sefô, duré Ona.
24 Ã norĩ hã Zibeꞌãhã ꞌra norĩ: Aiꞌasi, duré Ana. Ã hã ma tô rop si ꞌre irosaꞌwari mono ãma hã â wapu hã upsibi me, timama nhimizama awaru poꞌre pore aꞌubuni wi te te ꞌre aꞌmadâꞌâ mono ré.
25 Ã norĩ hã duré Anahã ꞌra norĩ: Disõ, duré Oolibama, piꞌõ Anahã ꞌra.
26 Ã hã Disõhõ ꞌra norĩ: Hẽdã, Esbã, Itrã, duré Querã.
27 Ã hã Ézéhé ꞌra norĩ: Birã, Zaꞌavã, duré Acã.
28 Ã hã duré Disãhã ꞌra norĩ: Uz, duré Arã.
29 Ã hã horeu norĩ nhibꞌihâꞌa nhisi: Lotã, Sobau, Zibeꞌã, Ana,
30 Disõ, Ézé, duré Disã. Ã norĩ hã tô horeu norĩ nhibꞌihâꞌa, isibꞌaꞌuwẽ norĩ sipoꞌo zarina, Seꞌi ꞌremhã.
Edõ ãma danhibꞌihâꞌa norĩ wasuꞌu
31 36:31-39 Ã norĩ hã, Edõ na rowamri tiꞌai ãma, Izaraéu nhihudu norĩ sidanhibꞌihâꞌa zaꞌra wana ré hã, ma tô dama iꞌrãnhoꞌõmo na ꞌre hâimana zaꞌra:
Bela, Beoho ꞌra, ꞌri nhoꞌu Dinaba na isisi hawimhã.
Tawamhã Bela dâꞌâ parimhã, ma tô isõwaꞌreꞌre ãzé Zobabe, Zeraha ꞌra, Bosra na ꞌri waꞌõtõ nhisi hawimhã.
Tawamhã Zobabe dâꞌâ parimhã ma tô Husã, Tema na romnhisi tiꞌai hawimhã isõwaꞌreꞌre ãzé.
Duré Husã dâꞌâ parimhã, ma tô Hadade, Bedadehe ꞌra, ꞌri nhoꞌu Avite na isisi hawimhã isõwaꞌreꞌre ãzé. Ta hã ma tô midiãnita norĩ na ãma aiꞌuté, dasiꞌwapéi wamhã, Moabi tiꞌai ãma hã.
Duré Hadade dâꞌâ parimhã, ma tô Sãla, ꞌri nhoꞌu Masreca na isisi hawimhã isõwaꞌreꞌre ãzé.
Duré Sãla dâꞌâ parimhã, ma tô Sau, Reobote hawimhã, Eufrati na pa nhoꞌõmo nhisi ꞌratamhã isõwaꞌreꞌre ãzé.
Tawamhã Sau dâꞌâ parimhã, ma tô Baau-Hana, Acboho ꞌra hã isõwaꞌreꞌre ãzé.
Duré Baau-Hana Acboho ꞌra dâꞌâ parimhã, ma tô Hadade hã isõwaꞌreꞌre ãzé. Taha te ꞌri nhoꞌõmo nhisi hã Pau na. Duré imro nhisi Meꞌetabe na, Matredehe ꞌra, Me-Zaꞌabehe nhihudu.
32 ꞌMadâꞌâ 36:31
33 ꞌMadâꞌâ 36:31
34 ꞌMadâꞌâ 36:31
35 ꞌMadâꞌâ 36:31
36 ꞌMadâꞌâ 36:31
37 ꞌMadâꞌâ 36:31
38 ꞌMadâꞌâ 36:31
39 ꞌMadâꞌâ 36:31
40 36:40-43 Ã hã Ezauhu nhihudu norĩ, danhibꞌihâꞌa nhisi ãne: Timna, Alva, Zetete, Oolibama, Ela, Pino, Quenazi, Tema, Mibza, Magdiel, duré Irã. Ã norĩ hã Edõ ãma danhibꞌihâꞌa. Ã norĩ hã hâiba mono bâ ma tô ꞌre ihâimana zaꞌra mono zé mono bâ te te ꞌre daꞌmadâꞌâ zaꞌra.
Edomita norĩ hã tô Ezauhu nhihudu norĩ.
41 ꞌMadâꞌâ 36:40
42 ꞌMadâꞌâ 36:40
43 ꞌMadâꞌâ 36:40
