Zenezi 5:1-32
5 Ã hã robꞌuiꞌéré, Adãhã nhihudu norĩ zaꞌratazém na.
ꞌRe ihâimana uꞌâsi mono, aꞌuwẽ te te apoto mono wamhã, ma tô tisine da hã abꞌmanha.
2 Tawamhã aibâ na duré piꞌõ na ma tô abꞌmanha. Duré iwẽ te te tãma ꞌre apisutu mono wamhã, ma tô aꞌuwẽ na wamri zaꞌra.
3 Tawamhã duré Adã 130 na ãma iwahub ãma, ma tô iꞌra isine uptabi hã tãma podo. Tawamhã ta hã ma tô sisi, Seti na.
4 Taha pari Adã, 800 na ãma iwahum na, ma tô duré ꞌre hâimana. Tawamhã iꞌra siꞌaibâ norĩ, iꞌra sipiꞌõ norĩ me, tãma poto zaꞌra pari,
5 ma tô oto dârâ, 930 na ãma iwahub ãma.
6 Tawamhã duré Seti 105 na ãma iwahu te te iꞌmanharĩ ãma, ma tô iꞌra Enosi na isisi hã tãma podo.
7 Duré taha parimhã Seti hã 807 na ãma iwahum na hã ma tô ꞌre hâimana. Tawamhã iꞌra siꞌaibâ norĩ, iꞌra sipiꞌõ norĩ me tãma poto zaꞌra pari,
8 ma tô duré oto dârâ, 912 na ãma iwahub ãma.
9 Tawamhã Enosihi ãma 90 na ãma iwahub ãma, ma tô iꞌra Caĩna na isisi hã tãma podo.
10 Taha parimhã Enosi 815 na ãma iwahum na hã ma tô duré ꞌre hâimana. Tawamhã iꞌra siꞌaibâ norĩ, iꞌra sipiꞌõ norĩ me tãma poto zaꞌra pari,
11 ma tô oto dârâ, 905 na ãma iwahub ãma.
12 Tawamhã duré Caĩnahã ãma 70 na ãma iwahub ãma, ma tô iꞌra Maꞌalaléu na isisi hã duré tãma podo.
13 Taha parimhã Caĩna, 840 na ãma iwahum na, ma tô duré ꞌre hâimana. Tawamhã iꞌra siꞌaibâ norĩ, iꞌra sipiꞌõ norĩ me tãma poto zaꞌra pari,
14 ma tô oto dârâ, 910 na ãma iwahub ãma.
15 Tawamhã Maꞌalaléu ãma 75 na ãma iwahub ãma, ma tô iꞌra Zaredi na isisi hã tãma podo.
16 Taha parimhã Maꞌalaléu ãma 830 na ãma iwahum na, ma tô duré ꞌre hâimana. Tawamhã iꞌra siꞌaibâ norĩ, iꞌra sipiꞌõ norĩ me tãma poto zaꞌra pari,
17 ma tô oto dârâ, 895 na ãma iwahub ãma.
18 Tawamhã duré Zaredihi ãma 162 na ãma iwahub ãma, ma tô iꞌra Enoqui na isisi hã duré tãma podo.
19 Taha parimhã Zaredihi ãma 800 na ãma iwahum na, ma tô duré ꞌre hâimana. Tawamhã iꞌra siꞌaibâ norĩ, iꞌra sipiꞌõ norĩ me tãma poto zaꞌra pari,
20 ma tô duré oto dârâ, 962 na ãma iwahub ãma.
21 Tawamhã Enoquihi ãma 65 na ãma iwahub ãma, ma tô iꞌra Metuzalẽ na isisi hã tãma podo.
22 Taha parimhã Enoqui, 300 na ãma iwahum na ma tô ꞌRe ihâimana uꞌâsi mono ãma ꞌre hâimana. Ma tô duré iꞌra siꞌaibâ norĩ, iꞌra sipiꞌõ norĩ me tãma tipoto zaꞌra.
23 Tawamhã Enoqui, 365 na ãma iwahum na, ma tô duré ꞌre hâimana.
24 Tawamhã duré õne uꞌâ, ma tô ꞌRe ihâimana uꞌâsi mono ãma ꞌre mo. Tahawa nimahã bâtâ na ma tô oto sô tirobaba. E marĩ wa. ꞌRe ihâimana uꞌâsi mono, sitẽme te te oto âri wa.
25 Tawamhã Metuzalẽ ãma 187 na iwahub ãma, ma tô iꞌra Lamequi na isisi hã duré tãma podo.
26 Taha parimhã Metuzalẽ ãma 782 na ãma iwahum na, ma tô duré ꞌre hâimana. Tawamhã iꞌra siꞌaibâ norĩ, iꞌra sipiꞌõ norĩ me tãma poto zaꞌra pari,
27 ma tô oto dârâ, 969 na ãma iwahub ãma.
28 Tawamhã duré Lamequihi ãma 182 na ãma iwahub ãma, ma tô iꞌra hã tãma podo.
29 Tawamhã te ãne tinha:
— Uburé Danhibꞌapito tiꞌai ma, ma tô niha hã pisutu, wasété uꞌâsi ꞌre saꞌwari mono da. Tahawa wanhimiromhuri te pire na wama ꞌre hâimana zaꞌra. Ãhã nherẽ, ã hã ꞌwatébrémi si te za tihâiba na ꞌre iwawaꞌutu zaꞌra mono zéb da hã sina wama wazere zaꞌra.
Tawamhã Rameti, tiꞌra hã ma tô sisi, Noé* na.
30 Duré taha parimhã Lamequihi ãma 595 na ãma iwahum na, ma tô duré ꞌre hâimana. Tawamhã iꞌra siꞌaibâ norĩ, iꞌra sipiꞌõ norĩ me tãma poto zaꞌra pari,
31 ma tô oto dârâ, 777 na ãma iwahub ãma.
32 Tawamhã duré 500 na ãma iwahu te te iꞌmanharĩ ãma, ma tô Noéhé ma, siꞌubdatõ iꞌra tãma tipoto zaꞌra, ãne isisi zaꞌra hã: Sẽ, Cã, Zafé.
Ĩwaꞌõtõ piꞌreba watsuꞌu mono
^ 5:29 Noé hã Ebreu norĩ mreme na “dawaꞌutuzé” aiwa prã na ne iwapari na hã.
