Zozué 12:1-24
12 Apito norĩ ãma, ma tô Izaraéu nhihudu norĩ hã aiꞌuté zaꞌra, Zodã pa zara niwĩ bâtâ zasizém niwĩ ꞌre ihâimana zaꞌra mono ãma hã. Ma tô duré isiptiꞌa zaꞌra na hã ãma tiwi ate zaꞌra. Ã hã tiꞌai mono hã, Arno na romharé nhisi hawimhã ma tô nomro, Zodã na romharé nhisi zarina, Hermo na ẽtẽ nhisi u hã. Apito norĩ ãma, Izaraéu nhihudu te te ãma iꞌaiꞌuté zaꞌra mono nhisi hã ãne:
2 Imorĩꞌrada hã Seõ na isisi, amoreu norĩ nhibꞌapito, Hesbõ ãma ꞌre isãmra mono. Taha siꞌiꞌrãnhoꞌõmozé hã Arno zadaꞌré na romharé ãma, aiwa rom na ãma isipoꞌo na Aroꞌe hawi, Zaboqui na pa wamri u hã, amonita norĩ nhiptiꞌa zadaꞌré ãmamhã. Taha siꞌiꞌrãnhoꞌõmozé hã Giliadi na ro aiwa ãma isipoꞌozém na.
3 Tawamhã Zodã na romharé nhisi niwĩ bâtâ pusizém niwĩmhã, Galiléia na puꞌu nhisi hawi Bete-Zesimote u hã, ma tô Seõ isiꞌiꞌrãnhoꞌõmozé hã tihâiba, Â warĩrĩ na puꞌu nhisi ãma bâtâ pusizém niwĩmhã, hâiwa nhimire niwĩ, Pisga na ẽtẽ nhisi zahâpâ u.
4 Ogue hã, Basã norĩ nhibꞌapito ãmab zama ma tô Izaraéu nhihudu norĩ hã ãma aiꞌuté zaꞌra, aꞌuwẽ Refaꞌĩ na iwamri ma isiꞌiꞌrãnhoꞌõmo na te te idaꞌrãsutu ãmamhã. Tawamhã ta hã ma tô Astarote ãma, duré Edrei na ꞌri waꞌõtõ nhisi ãma te te ꞌre daꞌaꞌmadâꞌâ.
5 Isimiꞌmadâ hã Hermo na ẽtẽ nhisi niwĩb zama, Saꞌuca hã, uburé Basã na romnhisi hã, Gezuri norĩ Maꞌacati norĩ nhiptiꞌa zadaꞌré u hã, duré Giliadi tiꞌa na aiwa ãma isipo hã, Hesbõ norĩ nhibꞌapito Seõhõ nhiptiꞌa zadaꞌré u hã.
6 Mozési, Uburé Danhibꞌapito ma romhuriꞌwa, Izaraéu nhihudu norĩ me hã ma tô ãne hã daꞌãma aiꞌuté zaꞌra. Tahawa ma tô tiꞌa ã hã apito norĩ te hã tisõ, Rubẽhẽ nhihudu norĩ ma, Gadihi nhihudu norĩ ma, duré bâtâ pusizém niwĩ Manaséhé nhihudu norĩ ma.
Zozué, apito norĩ ãma te te duré iꞌaiꞌuté zaꞌra zé wasuꞌu
7 Uburé Zodã pa zara niwĩ bâtâ zasizém niwĩ apito norĩ tiꞌai ꞌre, ꞌre ihâimana zaꞌra mono ãmamhã ma tô Zozué norĩ, Izaraéu nhihudu norĩ me hã ãma aiꞌuté zaꞌra, romharé nhisi Libanu ãma Baau-Gadi hawi, Halaque na ẽtẽ nhisi u, Seꞌi niwĩmhã. Zozué, ã hã tiꞌa, tisiré Izaraéu nhihudu waꞌõtõ mono ma hã ma tô ãma tãma sipoꞌo, õne uꞌâ ite na tãma ꞌre hâimana zaꞌra mono da hã.
8 Ã hã tiꞌa norĩ hã, ẽtẽ niwĩmhã, romharé hã, Zodã na ẽtẽ nhiꞌridi romharé hã, ẽtẽ u tiꞌa inomro hã, duré hâiwa nhimire niwĩ supara ꞌré si ro ꞌre isaꞌwari mono hã. Ã hã tiꞌai ꞌremhã hitita norĩ aré ꞌre ihâimana zaꞌra mono hã, amoreu norĩ, cananeu norĩ, perizeu norĩ, heveu norĩ, duré zebuzeu norĩ.
9 12:9-24 Apito norĩ ãmamhã da te iꞌaiꞌuté zaꞌra hã, ãne ꞌri nhoꞌõmo nhisi ꞌrem norĩ hã: Zerico, Ai (Bétéu ꞌratamhã), Zeruzalẽ, Hebrõ, Zamute, Laqui, Égrõ, Geze, Débi, Gede, Horma, Arade, Libna, Adulã, Maqueda, Bétéu, Tapua, Héfé, Afeca, Lasarõ, Madõ, Hazo, Sĩrõ-Merõ, Aquisape, Taꞌanaqui, Megido, Quedesi, Zocneꞌã (Carmeru tiꞌa niwĩmhã), Dori (puꞌu zaihâ niwĩmhã), Goꞌi (Galiléia niwĩmhã), duré Tirza niwĩmhã. Uburé apito norĩ zaꞌratazé, 31 na ihâiba hã.
10 ꞌMadâꞌâ 12:9
11 ꞌMadâꞌâ 12:9
12 ꞌMadâꞌâ 12:9
13 ꞌMadâꞌâ 12:9
14 ꞌMadâꞌâ 12:9
15 ꞌMadâꞌâ 12:9
16 ꞌMadâꞌâ 12:9
17 ꞌMadâꞌâ 12:9
18 ꞌMadâꞌâ 12:9
19 ꞌMadâꞌâ 12:9
20 ꞌMadâꞌâ 12:9
21 ꞌMadâꞌâ 12:9
22 ꞌMadâꞌâ 12:9
23 ꞌMadâꞌâ 12:9
24 ꞌMadâꞌâ 12:9
