Neemia 7:1-73
7 Tawamhã ꞌri ꞌwawi waꞌra ꞌrãihâ ꞌmanharĩ pese zé siꞌutõrĩ wa, duré uburé ꞌridawa zaꞌẽtẽ mono hã imono bâ da te ãma sasõmri pari zaꞌra mono wa, ma tô ꞌridawa zaꞌẽtẽ ꞌmadâꞌâꞌwa da hã, isõꞌreꞌwa da hã, duré levita norĩ hã tinhimiromhuri zaꞌra mono bâ te te ꞌre iromhuri zaꞌra mono da hã, pisutu zaꞌra ni.
2 Tawamhã ꞌrinhoꞌu Zeruzalẽ ãma dama isiꞌiꞌrãnhoꞌõmo zahuré da hã, wa tô maparane aibâ norĩ pisutu zahuré; ĩsisãnawã Hanani norĩ hã, ꞌri isiptete ꞌmadâꞌâꞌwa Hananiaha me. Ta hã te marĩ iꞌuwaibaba si te te ꞌre abꞌmanharĩ. Te duré ꞌRe ihâimana uꞌâsi mono hã te te ꞌre wazé pese, danhipai u.
3 Tawamhã wa tô tãma nharĩ zahuré, bâdâ naꞌre zarõtõ wapsi, ꞌridawa zaꞌẽtẽ mono bâ da te dasiwi ꞌridawa zaꞌra mono da hã te te dama ꞌru zahuré da. Robꞌmadâꞌâꞌwa norĩ, romhuri te te siwi sazâri zaꞌra wana ré, ꞌridawa zaꞌẽtẽ mono hã bâdâ isébrézéb ãma da te duré dasiwi sito mono pari, da te dasiwi tété mono da hã, te te dama ꞌru zahuré da hã, wa tô duré tãma waihuꞌu zahuré. Tawamhã wa tô duré tãma ꞌru zahuré, Zeruzalẽ ãma ꞌre idahâimana zaꞌra mono norĩ ꞌremhã robꞌmadâꞌâꞌwa da, niꞌwam norĩ te te apisutu zahuré da hã. Tawamhã te za nima norĩ robꞌmadâꞌâꞌwa ꞌri ꞌwawi waꞌra ꞌrãihâ nhoꞌre tisimasisizé mono bâ hâimana zaꞌra, niha wamhã duré nima norĩ tinhorõwa nhoꞌre mono na.
Apâ idasihutu mono norĩ nhisi nhoré na robꞌuiꞌérézé wasuꞌu
4 ꞌRinhoꞌu Zeruzalẽ hã saꞌẽtẽ uptabi nherẽ, iwa ꞌre idasiꞌubumroi mono hã daꞌumro di. Duré ꞌri, apâ da te iwahutu zaꞌra mono hã umrore di.
5 Tahawa ĩpẽꞌẽ ꞌre ĩnhimirosaꞌrada hã ma tô ꞌRe ihâimana uꞌâsi mono hã ĩma tisẽ, uburé te daꞌubumro da hã, dama iꞌrãnhoꞌõmo norĩ hã, duré dama ipire norĩ hã, daꞌupsãtã mono bâ danhisi na te te ãma irobꞌuiꞌéré zaꞌra da hã, ipire na. Tawamhã wa hã itepãi wasi hã wa tô sõpẽtẽ, imorĩꞌrata na Babilonia hawi apâ we isihutu norĩ nhisi na robꞌuiꞌéré ré hã. Ãhãta ãne na danhisi na robꞌuiꞌéré:
6 Tawamhã Izaraéu nhihudu norĩ ꞌremhã, Babilonia te apito Nabucodonozo te te idanhimroi mono siré, ma tô Zuda tiꞌai hawimhã daꞌahâ na dame aiꞌabaꞌré. Tawamhã ta norĩ hã ma tô Zeruzalẽ u, duré Zuda u tiꞌai waꞌõtõ nhisi u hã apâ dasina siri zaꞌra ni, date mono bâ ꞌri nhoꞌõmo mono u.
7 Isiré isibꞌihâꞌa isiꞌabaꞌré norĩ hã, Zorobabé, Zozué, Neemia, Azaria, Raꞌamia, Naamani, Mordecai, Bisã, Misperete, Bivaꞌi, Neꞌu, duré Baꞌana.
8 Ã hã Babilonia hawi we apâ idasihutu norĩ nhisi iꞌupsãtã mono bâ ãma irobꞌuiꞌéré zaꞌra. Imorĩꞌrata na aꞌuwẽ upsãtã hiꞌrata nhisi mono hã. Taha pari, duré dahawi aꞌuwẽ upsãtã zaꞌrata mono hã ãne:
Paroho hawi aꞌuwẽ hã ãne: 2.172 na ihâiba hã
9 Sefatiaha hawi aꞌuwẽ hã ãne: 372 na ihâiba hã
10 Araha hawi aꞌuwẽ hã ãne: 652 na ihâiba hã
11 Zesua nhihudu, Zoabihi nhihudu me Paate-Moabihi hawi aꞌuwẽ hã ãne: 2.818 na ihâiba hã
12 Elãhã hawi aꞌuwẽ hã ãne: 1.254 na ihâiba hã
13 Zatuhu hawi aꞌuwẽ hã ãne: 845 na ihâiba hã
14 Zacaꞌihi hawi aꞌuwẽ hã ãne: 760 na ihâiba hã
15 Binuꞌihi hawi aꞌuwẽ hã ãne: 648 na ihâiba hã
16 Bebaꞌihi hawi aꞌuwẽ hã ãne: 628 na ihâiba hã
17 Azgadehe hawi aꞌuwẽ hã ãne: 2.322 na ihâiba hã
18 Adonicãhã hawi aꞌuwẽ hã ãne: 667 na ihâiba hã
19 Bivaꞌihi hawi aꞌuwẽ hã ãne: 2.067 na ihâiba hã
20 Adĩhĩ hawi aꞌuwẽ hã ãne: 655 na ihâiba hã
21 Atehe hawi aꞌuwẽ hã ãne: 98 na ihâiba hã, Ezequiaha nhoꞌõmoi babamhã
22 Hasuhu hawi aꞌuwẽ hã ãne: 328 na ihâiba hã
23 Bezaꞌihi hawi aꞌuwẽ hã ãne: 324 na ihâiba hã
24 Harifehe hawi aꞌuwẽ hã ãne: 112 na ihâiba hã
25 Gibiãhã hawi aꞌuwẽ hã ãne: 95 na ihâiba hã
26 Belẽ ãma aꞌuwẽ hã, Netofaha ãma me aꞌuwẽ hã ãne: 188 na ihâiba hã
27 Anatotihi ãma aꞌuwẽ hã ãne: 128 na ihâiba hã
28 Bete-Azmaweti ãma aꞌuwẽ hã ãne: 42 na ihâiba hã
29 Quiriate-Zearĩ ãma, Cefira ãma me, duré Beꞌerote ãma me aꞌuwẽ hã ãne: 743 na ihâiba hã
30 Rama ãma, Zeba ãma me aꞌuwẽ hã ãne: 621 na ihâiba hã
31 Mitima ãma aꞌuwẽ hã ãne: 122 na ihâiba hã
32 Bétéu ãma, Ai ãma me, aꞌuwẽ hã ãne: 123 na ihâiba hã
33 Nebo na ꞌri nhoꞌõmo nhisi amoi ãma aꞌuwẽ hã ãne: 52 na ihâiba hã
34 Elã na ꞌri nhoꞌõmo nhisi amoi ãma aꞌuwẽ hã ãne: 1.254 na ihâiba hã
35 Harĩ ãma aꞌuwẽ hã ãne: 320 na ihâiba hã
36 Zerico ãma aꞌuwẽ hã ãne: 345 na ihâiba hã
37 Rode ãma, Hadide ãma me, duré Ono ãma me aꞌuwẽ hã ãne: 725 na ihâiba hã
38 Senaꞌa ãma aꞌuwẽ hã: 3.930 na ihâiba hã
39 Ã hã duré sasedoti hawimhã, Babilonia ãma sito pese na ꞌre ihâimana zaꞌra mono zém hawi, apâ isihutu norĩ hã:
Zesua nhoꞌõmoi baba, Zedaiaha hawi aꞌuwẽ hã ãne: 973 na ihâiba hã
40 Imehe hawi aꞌuwẽ hã ãne: 1.052 na ihâiba hã
41 Pasuhu hawi aꞌuwẽ hã ãne: 1.247 na ihâiba hã
42 Harĩhĩ hawi aꞌuwẽ hã ãne: 1.017 na ihâiba hã
43 Ã hã duré levita norĩ, Babilonia ãma sito pese na ꞌre ihâimana zaꞌra mono zém hawi, apâ isihutu norĩ hã:
Hodewaha nhihudu norĩ, Zesuaha hawi aꞌuwẽ hã ãne: 74 na ihâiba hã, Cadmiꞌéhé nhoꞌõmoi babamhã
44 Ã hã duré dama isõꞌre nhamraꞌwa norĩ:
Asafihi hawi aꞌuwẽ hã ãne: 148 na ihâiba hã
45 Ã hã duré ꞌridawa zaꞌẽtẽ ꞌmadâꞌâꞌwa norĩ:
Saluhu nhihudu norĩ hã, Atehe nhihudu norĩ hã, Talmoho nhihudu norĩ hã, Acubehe nhihudu norĩ hã, Hatitaha nhihudu norĩ hã, duré Sobaꞌihi nhihudu norĩ hã simisutu ãma isitom na hã ãne: 138 na ihâiba hã
46 Ã hã ꞌRe ihâimana uꞌâsi mono nhorõwa ꞌri ꞌre, romhuriꞌwa norĩ hã ãne, ã norĩ nhihudu mono hã, Babilonia ãma sito pese na ꞌre ihâimana zaꞌra mono zém hawi, apâ isihutu norĩ hã:
Zia, Hasufa, Tabaote
47 Querosi, Sia, Padõ,
48 Lebana, Hagaba, Salmaꞌi,
49 Hana, Gideꞌu, Gaꞌa,
50 Reaiasi, Rezĩ, Necoda,
51 Gazã, Uza, Paséia,
52 Besaꞌi, Meꞌuni, Nefisĩ,
53 Baquebuque, Hacufa, Haru,
54 Baslide, Meida, Harsa,
55 Barcosi, Sisera, Tama,
56 Nesia, duré Hatifa.
57 Ã hã duré Salomahã ma romhuriꞌwa norĩ nhihudu norĩ hã ãne, ã norĩ nhihudu mono hã, Babilonia ãma sito pese na ꞌre ihâimana zaꞌra mono zém hawi, apâ isihutu norĩ hã:
Sotaꞌi, Soferete, Perida,
58 Zaꞌala, Dacõ, Gideꞌu,
59 Hatiꞌu, Poquerete-Hazebaꞌĩ, duré Amo.
60 ꞌRe ihâimana uꞌâsi mono nhorõwa ꞌri ꞌre romhuriꞌwa norĩ, Salomahã ma romhuriꞌwa nhihudu norĩ me hã ãma isitom na hã Babilonia ãma sito pese na ꞌre ihâimana zaꞌra mono zém hawi, apâ isihutu norĩ hã, duré ãne: 392 na ihâiba hã
61 ꞌRinhoꞌu Tel-Mela na isisi hawi, Tel-Harsa na isisi hawi me, Querube na isisi hawi me, Adõ na isisi hawi me, duré Ime na isisi hawi me isihutu norĩ hã, Izaraéu nhihudu norĩ ma ihâimana ne, isisi zaꞌra na robꞌuiꞌéré hã tãma hâimana zaꞌra õ di, iwaihuꞌuzéb da hã. Ã hã ta norĩ nhisi mono hã ãne:
62 Delaiaha nhihudu norĩ, Tobiaha nhihudu me, duré Necodaha nhihudu me ãma isitom na ãne: 642 na
63 sasedoti norĩ ꞌremhã ãne:
Habaiasihi nhihudu norĩ, Hacozihi nhihudu norĩ me, duré Baziraꞌihi nhihudu norĩ me, ta hã tinhipsara Baziraꞌi na isisi ꞌra na imro, Ziliadi ãmam na. Taha aibâ hã ma tô, tô timaprebaba nhisi na hã sisisi.
64 Ã norĩ hã ma tô aré tô tinhibꞌaꞌuwẽ upsãtã mono na ãma romnhihâtâ zaꞌra zô hã ꞌre rĩtĩ zaꞌra. Tane nherẽ, te te sãmri zaꞌra õ di. Taha zarina, sisasedoti zaꞌra da hã da te iwaibu da hã dama wẽ õ di.
65 Tahawa dama iꞌrãnhoꞌu zudeu hã ma tô timreme hã ãma hiri zaꞌra, ꞌRe ihâimana uꞌâsi mono ma, danhoprubzém na dasa hã te te dame ꞌre huri tõ mono da, nima hã sasedoti ẽne iꞌuiꞌéré ré Urĩ norĩ Tumihi me te te wabzuri da, wisi õ ré, te te ãma irowairébézéb da hã.
66 Tawamhã uburé pese aibâ norĩ zaꞌrada apâ isiꞌabaꞌré norĩ hã ma tô watobro, 42.360 na ihâiba hã.
67 Tãma iromhuriꞌwa norĩ siꞌaibâ, tãma iromhuriꞌwa norĩ sipiꞌõ zaꞌratazé me hã, 7.337 na ihâiba hã. Ta norĩ ꞌremhã dama isõꞌreꞌwa siꞌaibâ norĩ, dama isõꞌreꞌwa sipiꞌõ zaꞌratazé me hã ma tô watobro, 245 na ihâiba hã.
68 Isimizama zaꞌra awaru norĩ hã, 736 na ihâiba hã.
Duré isimizama zaꞌra burrure norĩ hã, 245 na ihâiba hã.
69 Isimizama zaꞌra awaru baꞌõmore norĩ hã, 435 na ihâiba hã.
Duré isimizama zaꞌra awaru poꞌre pore hã, 6.720 na ma watobro, isaꞌratazé hã.
ꞌRe ihâimana uꞌâsi mono nhorõwa pesezéb da, danhoprubzé wasuꞌu
70 Tawamhã nima norĩ aꞌuwẽ waꞌõtõ ma ipire norĩ hã ma tô ꞌRe ihâimana uꞌâsi mono nhorõwa ꞌri pese zé waꞌâbâzéb da robꞌuiprazé hã sõmri zaꞌra. Tahawa, dama iꞌrãnhoꞌu hã ma tô ẽtẽ waipo pré oru, 8 kilu na ipire pibuzém na, 50 na piza ꞌre zapoto wawẽ hã, duré 530 na sasedoti norĩ nhoꞌutu hâꞌubuzé hã sõmri zaꞌra.
71 Nima norĩ aꞌuwẽ waꞌõtõ ma ipire norĩ hã ma tô ẽtẽ waipo pré oru 160 kilu na ipire pibuzém na hã, duré ẽtẽ waipo prã prata 1.320 kilu na ipire pibuzém na hã sõmri zaꞌra, romhuri te te nasi ãma iwaꞌâbâ zaꞌra zéb da hã dama.
72 Tawamhã aꞌuwẽ isõꞌuma norĩ hã ma tô oru 168 kilu na ipire pibuzém na, duré 1.142 kilu na prata na, duré 67 na sasedoti norĩ nhoꞌutu hâꞌubuzé hã sõmri zaꞌra.
73 Tawamhã uburé aꞌuwẽ norĩ hã tite zaꞌra ꞌri nhoꞌõmo mono bâ duré ꞌri waꞌõtõ mono bâ ꞌre isiꞌubumroi mono zém na hã ma tô oto ãma sãnaꞌrata zaꞌra, sasedoti norĩ hã, levita norĩ hã, ꞌridawa zaꞌẽtẽ ꞌmadâꞌâꞌwa norĩ hã, isõꞌreꞌwa norĩ hã, ꞌRe ihâimana uꞌâsi mono nhorõwa ꞌri ꞌre romhuriꞌwa norĩ hã, niꞌwam norĩ aꞌuwẽ taré ꞌre isiꞌubumroi mono norĩ hã, duré isõꞌuma Izaraéu nhihudu norĩ hã.
