Titu 2:1-15
2 Tazahã, a hã Titu, maꞌãpé roti tô sena ꞌre ihâimana mono na si ꞌre rowahutu mono.
2 Aibâ ihâiba prédum norĩ ma ꞌre rowahutu mono, iꞌuwaibaba na si ꞌre hâimana zaꞌra mono da, wazép sina, ꞌrã nhimizaꞌrese na duré siptete sina ꞌRe ihâimana uꞌâsi mono te te sina ꞌre iꞌumnhasi zaꞌra mono zéb zarina ꞌre hâimana zaꞌra mono da, duré tinhimizawi na si ꞌre hâimana zaꞌra mono da, duré siptete sina ꞌre hâimana zaꞌra mono da, marĩ nherẽ.
3 Tane duré, piꞌõ ihi norĩ ma ꞌre aroti mono, piꞌõ norĩ iꞌuwaibaba na si ꞌre ihâimana zaꞌra mono ne, ꞌre hâimana zaꞌra mono da. Iwẽ hã ta norĩ hã te te daꞌãma ꞌre wasété zaꞌra mono ãna, ꞌre ihâimana zaꞌra mono da si, duré uva ꞌrãi waꞌu isé hã te te ꞌre âhuri zaꞌẽtẽ mono ãna. Duré tãma ꞌre hâimana zaꞌra mono iꞌrãiwaihu hã, iwẽ na si ꞌre isisanho zaꞌra mono da si,
4 piꞌõ ipréduptém norĩ hã, timro zawi hã duré tiꞌra norĩ zawi zama te te ꞌre iwaihuꞌu zaꞌra mono da si,
5 duré ãma tãma ꞌre sisanho zaꞌra mono da, iꞌuwaibaba na marĩ te te ꞌre ꞌmanharĩ zaꞌra mono da, duré timro ma si, ꞌre hâimana zaꞌra mono da, duré ꞌri tedeꞌwa iwẽ na ꞌre hâimana zaꞌra mono da, duré hâimana wẽ na ꞌre hâimana zaꞌra mono da, duré timro zahâpâ ꞌre hâimana zaꞌra mono da, niꞌwa hã ꞌRe ihâimana uꞌâsi mono nhimiroti na te te wasété tõ da.
6 Tane duré aibâ ipréduptém norĩ ma, ꞌre aroti mono, iꞌuwaibaba na si marĩ te te ꞌre ꞌmanharĩ zaꞌra mono da.
7 A hã duré uburé marĩ hã ꞌre iꞌabꞌmanharĩ wẽ mono na, dama ꞌre asanho mono. Asima atoi ãna ꞌre aihâimana mono. Duré tô sena ꞌre aihâimana mono, dama ꞌre rowahutu mono wamhã.
8 Aimreme iꞌuwaibaba na si ꞌre aimreme mono, niꞌwa hã te te aiꞌãma wasété tõ da, duré asada ꞌre ihâimana zaꞌra mono norĩ hã ꞌre siséb zaꞌra mono da, niha hã te te waꞌãma ꞌre wasété waihuꞌu zaꞌra mono õ wa.
9 Wadaꞌuri zarina titedeꞌwai ma romhuriꞌwa norĩ ma, ꞌre aroti mono, uburé marĩ na tinhibꞌihâꞌa norĩ hã te te ꞌre wapari pese zaꞌra mono da, duré sima sô ꞌre sõpré mono da, te te sina tãma ꞌre rowẽ zaꞌra mono da, duré timreme na te te tãma ꞌre waꞌrãmi zaꞌra mono tõ da
10 duré tinhibꞌihâꞌa norĩ wi ꞌre simisaihuri zaꞌra mono tõ da. Tazahã, iwẽ hã, wẽ uꞌâsi tãma ꞌre ihâimana zaꞌra mono da si, duré tô sena tãma ꞌre ihâimana zaꞌra mono na, marĩ te te ꞌre iꞌmanharĩ zaꞌra mono na hã. Ãne wamhã, marĩ te te ꞌre iꞌmanharĩ zaꞌra mono zé uꞌâbâ, te za ꞌRe ihâimana uꞌâsi mono Wanhoꞌreptuiꞌwa nhimiroti hã da te dasima ꞌre wasuꞌu wẽ zaꞌra.
11 E marĩ wa. ꞌRe ihâimana uꞌâsi mono, ma tô tinhimizawi pese zé hã dama hâiꞌré, uburé te te daꞌanhoꞌreptu da.
12 Ã hã isimizawi pese zé hã te te wama ꞌre awaihuꞌu, marĩ iwasétére hã duré tiꞌai ãma siwaꞌru marĩ hã da te dasima ꞌre iwẽ zaꞌra mono hã wa te ꞌre rẽme pese zaꞌra mono da, duré tiꞌai ãma dawazari, iꞌuwaibaba na si ꞌre wahâimana zaꞌra mono da, tô sena na duré ꞌRe ihâimana uꞌâsi mono zô si ꞌre iwanhopré mono na.
13 Ãne wa za ꞌre wahâimana zaꞌra, bâdâ rowẽ uptabi zô ꞌre wanhimipari zaꞌra mono ré hã, niwa wate zaꞌra ꞌRe ihâimana uꞌâsi mono Wanhoꞌreptuiꞌwa Zezu Cristu isaꞌẽtẽ uptabi hã, rowẽ zaꞌẽtẽ ré za niwa apâ we imorĩzéb zô.
14 Ta hã ma tô sisõ wazada zaꞌra, uburé marĩ iwasété hawi te te ꞌre waꞌanhoꞌreptui mono da, wawasété ãna oto ꞌre wanomro mono da, õhõ ma si oto isibꞌaꞌuwẽ na tãma ꞌre wahâimana zaꞌra mono da, duré marĩ iwẽ si wa te ꞌre ꞌmanharĩ zaꞌra mono da.
15 Ãne te za dama ꞌre irowahutu mo. Duré asimiroti pire na dama ꞌre rowasuꞌu mono, ãma ꞌre daꞌanhiptete mono da, duré aimreme hã aiwapariꞌwa norĩ ma, ꞌre apẽtẽ mono da. Ãma ꞌre pibui pese mono, niꞌwa hã te te aiwẽꞌõ pese tõ da.
