“Dawededzé wa tô titsõ ĩ̱hödzé wi, taha ré nimahã na hã ĩ̱pahi uptabi di. Ãne wamhã wa rowaptẽ Jeová wi duré ĩ̱pẽꞌẽ na ĩ̱ma rowẽ di. Dzahadu ĩ̱höiba dzé uptabi di, tadzahã rowaptẽrẽ te ĩ̱pawapto ĩ̱ꞌrã nhiptete da. Da te ĩ̱dzadanharĩ wamhã ĩ̱ma rowẽ dzô, wa natsi tinha: ‘Ĩ̱ma rowẽ prã ti tadzahã ĩ̱hötöꞌö õ di.’”

Tsena na wa te rowaptẽrẽ dzaꞌra õ di dza Ropotoꞌwai wi ropire ĩtsaꞌẽne wadzô watobro waptsi. Ropire ĩtsaꞌẽne niwamhã ĩtsuru aihĩni wa norĩ dzô te natsi watobro, duré wa amnhatsi dzaꞌra ni ĩpawaptobdzé wa te ꞌwapé dzaꞌra da.

E rowaptẽrẽ te te wapawapto waihuꞌu petse dzaꞌra di. Ropotoꞌwai mreme te tinha: ‘Uburé marĩ na ꞌre ĩꞌaihötöꞌö dzaꞌra waꞌaba mono dzé hã, ꞌRe ĩhöimana uꞌötsi mono ma, ꞌre tsõmri dzaꞌra waꞌaba mono, ta hã te te ꞌre aiꞌaꞌmadöꞌö uꞌötsi aba mono wa.’ (1 Pedro 5:7) E niha ĩwẽ uptabi. E niha tawamhã rowaptẽrẽ te dza aipawapto. Ropotoꞌwai wi rowaptẽrẽ wamhã tãma ĩwẽ dzarina te dza aipawapto ropire ꞌwapé da. — ꞌMadöꞌö ĩwaꞌõno “ Rowaptẽrẽ te dza aipawapto.”