ROꞌMADÖꞌÖꞌWA Ĩtsõrédzé 2, 2020 na | E marĩ Ropotoꞌwa nhimirobꞌrudzé.
Duréi hawi, daꞌahö na te natsi tsadanharĩ dzaꞌra ni taha na. Ĩtsadaꞌöbödzé hã te dza ĩtsõpẽ Ropotoꞌwai mreme na.
“Wei morĩ watẽme Atsimirobꞌrudzé” — Tane danhimirowaptẽrẽ mono
E mahã dadzadanharĩ norĩ wa dza tsadaꞌöbö dzaꞌra ni ãhã rowaptẽrẽ wa te tsadaihuꞌu dzaꞌra da.
E marĩ wa, te wawi tsô tirowaptöꞌö dzaꞌra Ropotoꞌwa nhimirobꞌrudzéb dzô.
Danhimiꞌupa da te datsiꞌãma roti dzaꞌra uꞌöbö, ropire te tihöiba daro mono bö.
E ꞌwa Rotiꞌwa hã Ropotoꞌwa nhimirobꞌrudzéb ꞌremhã.
Bíblia nhihötöꞌwa norĩ ma tô tsihötö dzaꞌra marĩ norĩ Rotiꞌwa höimanadzém na Ropotoꞌwa nhimirobꞌrudzéb ꞌremhã. Ta norĩ uꞌöbö, wa dza uptsibi me dzaꞌra ni e ꞌwa õ hã. Duréi hawi, mitsi tsi aibö ma tô ꞌre höimana taha Rotiꞌwa höimanadzém ne.
E niwa Ropotoꞌwa nhimirobꞌrudzé te dza roti Tiꞌai ãma.
Jesus tsiré ꞌre ĩnomro mono norĩ hã ma tô tsima wẽ dzaꞌra Ropotoꞌwa nhimirobꞌrudzéb ãma te te waihuꞌu dzaꞌra da. E marĩ Jesus te atsa tãma nharĩ dzaꞌra.
E marĩ Ropotoꞌwa nhimirobꞌrudzé te dza ãma uwaimra.
Jesus ma tãma waihuꞌu petse di Ropotoꞌwa nhimirobꞌrudzép tsi te dza uprotsi dama ropire. E marĩ dzarina wa dza umnhatsi dzaꞌra ni tahã Ropotoꞌwa nhimirobꞌrudzé te te ĩꞌmanharĩ na hã dza. ꞌMadöꞌö e marĩ Ropotoꞌwa nhimirobꞌrudzé ma tô ꞌmanha.
Upari awaꞌawi hã Ropotoꞌwa nhimirobꞌrudzé!
Jesus ma tô tinha titsiré ꞌre ĩnomro mono norĩ ma ĩmorĩꞌrata na Ropotoꞌwa nhimirobꞌrudzéb dzô ꞌre tsõpré dzaꞌra mono da. E niha ãne te dza ĩꞌmanha.
E marĩ Ropotoꞌwa nhimirobꞌrudzé.
Daꞌahö na te rowaptẽrẽ dzaꞌra ni Ropotoꞌwa nhimirobꞌrudzé we watẽme ĩmorĩdzém na. Tane nherẽ, e nimahã na hã ma tô ĩrotsaꞌra e marĩ na Ropotoꞌwa nhimirobꞌrudzé hã duré e marĩ na te dza ãma uwaimra.
